Et es ald widder su wigg!

Noch e paar Woche, dann es et Johr 2024 eröm. Mer maachen all e klein Püüsje, för an all die Lück zo denke, die mer gään han, die mer vermesse, ov die mer ald lang nit mih gesinn han. Loot uns fruh sin, dat mer gesund sin und loot uns mem Hätze bei denne Lück sin, denne et nit esu god geiht. Dis Johr han mer uns ald widder jet besonders enfalle looße: Mer han e Püngel kölscher Chöre gefunge, die för uns Weihnachtsleedcher engesunge han. Bestemmp dät ehr ne Rötsch dovun god kenne, ävver vielleich es der ein ov ander Chor dobei, dä üch noch fremb es - eines han se all gemein: Se han doll Stemme un et mäht Spass den Dame, Hääre un Pänz beim Singe zo luusche. Un mer gläuve, av un aan mutt mer sogar jet üvver de Tex griemele.
Dat all mööchte mer Üch em Advenskalender präsenteere. Loot Üch üvverrasche - hinger welchem Dürche se ligge – dat weed nit verrode.