Advent, Advent ...

... ein Lichtlein brennt ...

Bild von Mupfel80 auf Pixabay

Et es ald widder su wigg!
Noch e paar Woche, dann es et Johr 2020 eröm. E Johr, dat uns all als ärg intensiv en Erennerung bliev. Trotzdäm kütt jetz de Adventszigg. Zigg, zoröckzoluure op de letzte Monate. Zigg, e bessche dankbar zo sin, dat su vill vun uns dä Virus heil üvverstande han. Zigg, drüvver nohzodenke, wat mer en Zokunf villleich noch e bessche besser maache. Un vör allem: Zigg för de Famillich! Och, wenn de Feste üvverall jet kleiner usfalle, et Geföhl vun „Zosammegehürigkeit“ es doför villleich jet stärker.

Natörlich es et och die Zigg, för an die zo denke, denne et nit esu god geiht, die allein sin oder die durch Corona vill Leid erfahre moote. Denn och doför es de Adventszigg do
Dis Johr han mer Rüümcher för Üch parat – op Kölsch versteiht sich. Gelese vun ungerschiedliche Autore.