Seminare

Met ehre Kölsch-Seminare, die ärg gefrog sin, sprich de Akademie för uns kölsche Sproch Kölsche un Nitkölsche aan, die ene Enbleck en de kölsche Sproch un Kultur krige, jet mih oder och bloß jet ganz Spezielles wesse wolle.

Uns Kurse finge immer statt vun Januar bes Engs Määz/Aanfang April suwie vun September bes Dezember.

Je noh Intresse un Aangebodd hät mer de Möglichkeit zwei ungerschiedliche Richtunge enzoschlage:

Der klassische Zweig hät die besherige Kurse zom Inhalt

  • Mer liere Kölsch
  • Stadtgeschichte
  • Sprachgeschichte und Literaturkunde
  • Brauchtum

Der sprochliche Zweig hät die Kurse zom Inhalt

  • Mer liere Kölsch
  • Rechtschreibung / Grammatik
  • Konversation
  • Schreibwerkstatt

Jede Themebereich weed en einem Semester an 12 (Mer liere Kölsch - ävver höösch 24) Ovende met jeweils 2 Ungerrichsstunde behandelt. Ziel es et Kölsch-Exame. Am Eng vun jedem Kurs weed en Pröfung avgehalde. Ov mer do metmaache well oder nit bliet jedem selver üvverlooße, mer roden et ävver, domet mer sich enschätze kann. Normalerwies well mer ävver och ene Avschluss, wann mer ald an däm Kurs deilgenomme hät. Jeder, dä sämpliche Seminare besök un de Pröfunge bestande hät, kann et Kölsch-Exame met noch ener schreffliche un ener mündliche Pröfung avläge. Heedrüvver weed dä Avsolvente em Rahme vun ener Fier en vum Oberbürgermeister ungerzeichente Urkund verliehnt.

De Zensure sin: "ööntlich", "god", "ärg god". Der Ungerrich läuf natörlich nit bieräänz op Universitätsniveau av. Et Kölsch-Examen es och keine berufsqualifizierende Avschluss. Trotzdäm künne die, die deilgenomme han, met Stolz behaupte, bei Kölle, Kölsch un kölscher Sproch besser zo sin wie mänch andere. De Examenspröfunge un et feierliche Üvvergevve vun de Examens- un Diplomurkunde fingk en der Regel Engs April / Aanfang Mai statt.
Usserdäm beede mer Themekurse aan, die nit zenseet weede un för jeder zogänglich sin.

De kölsche Sproche ist Usdrock un och Quell vun unser off geprese kölsche Levvensaat. Beids gehööt zosamme, och en unse Seminare.

Wie de Kurse opgebaut sin

De Akademie för uns kölsche Sproch sprich Kölsche un Nitkölsche aan, die ene Enbleck en de kölsche Sproch un Kultur krige, jet mih oder och bloß jet ganz Spezielles wesse wolle. 

Imi-trikulationKölsch-Exame Kölsch-Diplom

Wat et för Kurse gitt

 

Kursaangebodd Flichkurse Themekurse