Imi-trikulation

De "Universitätsmatrikel" es et Verzeichnis vun de Metglidder vun ener Universität. Wann mer e Studium aanfängk, muss mer sich zoeesch "immatrikuliere", d. h. enschrieve. Dat Ganze nennt sich "Immatrikulation".

Weil mer uns - wie dat esu de Aat vum Kölsche es - selver e bessche op de Schöpp nemme, han mer uns klein Informationsveranstaltung "Imi - trikulation" genannt.  No es die ävver nit nor för "Imis", alsu "Imitierte Kölsche" (Zogereiste), sondern för jeder, dä bei uns et eeschte Mol ene Examenskurs beläht.  

Bei dä Veranstaltung, an dä mer nit gezwungen es deilzonemme, weede de Lihrböcher verdeilt (Verdeile vun dä ressliche Böcher en der eeschte Unterrichsstund), et weed Üch koot verklört, wie bei uns alles avläuf un et weede Froge beantwoodt.

Wäge dä augebleckliche Situation fällt die Veranstaltung us. De Lihrböcher, Studieböcher un et Infomaterial weede stattdessen en der eeschte Ungerrichsstund verdeilt.