De kölsche Schrievregele

Die Schrievregele hee orienteere sich am Woodstamm. Woodstämm weede en der Regel nit verändert: Aug / Aug-e / Äug –elche. Zigg / Zigg-e. Su en Regel es leich verständlich, nohzovolltrecke un leich aanzowende. Genauesu verhäld et sich för die ander Regele. De Schrievregele sin usführlich verklört en däm Boch vun Christa Bhatt: Kölsche Schreibregeln.

Bei de Schrievregele geiht et vör allem dröm, dat mer se nohvolltrrecke kann un se su god wie möglich durchgängig sin. Se sagen uns, woröm e Wood wie geschrevve weed. Se beede jedem en Orientierungshilfe, die sich en der kölsche Sproch schrefflich usdröcke wolle, es ävver nit als Regulativ gedaach.

Die en däm Boch opgestallte Schrievregele orientiere sich – wie üvvrigens all europäische Sproche – an den Woodstämm un beede en Orientierungshilfe för de Schreibung vum Kölsche.

I. Wat es der Woodstamm?

Der Woodstamm es dä Deil vum Wortes, dä sich nit verändert. Met im looße sich ander Woodformen bilde.
fahr: fahr-en, Fahr-t, Fahr-zeug, Ab-fahrt, fahr-bar

Der Woodstamm ändert sich nit, et sei denn et handelt sich öm ene Ömlaut (vgl. Baum/ Bäum) oder ene Avlaut (vgl. falle/feel/gefalle).

Em Deutsche wie och em Kölschen weed ene Konsonant am Eng vun der Silbe un vum Wood immer stemmlos (hart) gesproche, och wann dä Buchstabe an ander Position stemmhaff (weich) gesprochen weed.
Kind (gesprochen kint)

Mer wesse, dat am Eng vum Wood e "d" steiht, wann mer de Mehrzahl Kinder bilde.
Dat es em Kölsche genauesu.

Nach oben

1. Auslautverhärtung

  Zigg - Zigge Wod - wödig Blod - blode/blodig

2. "g"

  Schrift Aussprache Beispiel
a) gg im Wort g [g] ziggig
b) am Wortende k [k] hügg
c) g am Wortanfang und am Silbenanfang nach hellen Vokalen j [j] god, fleege
d) g nach dunklen Vokalen in unbetonter Silbe r [r] gefloge
e) g am Silbenende nach hellen Vokalen ch [ich-Laut) fuffzig
f) g am Silbenende nach dunklen Vokalen ch [x] Dag

3. "ch"

  Beim Adjektiv bliev die Endung -lich, de Ussproch es individuell verschiede: herrliche met ich-Laut oder met [j]  
Beim Diminutiv bliev die Endung -che, de Ussproch es je noh däm Laut dovör met ich-Laut oder met "j": Männche met ich-Laut Bötzche met [j]  

II. Schrievregele för Vokale

Bliev de Vokallänge em stddt. un em kölsche Wood glich, reech sich de Schrievwies vum kölsche Wood noh dä vum stddt. Wood. Dat bedügg em einzelne:

  • bei enem einzelne Vokal em stddt. Wood weed ene einzelne Vokal em kölsche Wood geschrevve (von > vun; Fluch > Floch);
  • bei Dubbelkonsonante hinger enem Vokal em stddt. Wood weede Dubbelkonsonante nohm Vokal vum kölsche Wood geschrevve (Sonne > Sonn);
  • bei Diphthong (Dubbelvokal) em stddt. Wood steiht em kölsch Wood entweder och ene Diphthong oder bei Wähßel zo enem Einzelvokal Längekennzeichnung entweder durch Verdubbele vum Vokal (Feuer > Füür) oder durch Dehnungs-e hinger 'i' (Eile > Iel; leihen > liehne).
  1. bei Dehnungszeiche hinger Vokal(en) em stddt. Wood steiht em kölsche Wood e analog Dehnungszeiche, un zwor- Dehnungs-h em stddt. un em kölsche Wood (Huhn > Hohn, lehren > lihre),
  2. Vokalverdubbele em stddt. un em kölsch Wood (Haar > Hoor),
  3. 'ie' em stddt. Wood > Dubbelvokal em kölsche Wood (Brief > Breef).
  • Es em stddt. Wood ene Vokal koot un der Vokal vum entsprechende kölsche Wood lang, zeige mer de Vokallängung em kölsche Wood durch Vokalverdubbele (machen > maache; Wirt > Weet) oder 'ie' (lernen > liere) aan, unavhängig dovon, wie de Kürze vum Vokal em stddt. Wood ggfls. zosätzlich gekennzeichnet ist; z.B. durch Konsonantehäufung hinger dem Vokal (Erbsen > Ääze). Obwohl 'ß' noh Vokal zom Eine immer stemmloss es, zom Andere de Länge vum Vokal dovür signaliseet, nemme mer explizite Längekennzeichnung och hee vür (lassen > looße) bzw. behalde sie bei (schießen > scheeße; reißen > rieße), usser, de Länge es och em stddt. Wood nit explizeet markeet (F > F).
  • Es em stddt. Wood ene Vokal (oder Diphthong) lang un der Vokal vum entsprechende kölsche Wood koot, zeige mer de Vokalkürzung op hee die Aate aan:
  1. weed ene Diphthong vum stddt. Wood em kölsche Wood z enem koote Vokal, kennzeichne mer de Kürze, endäm mer der einzelne Vokal schrieve (auf > op);
  2. weed ene lange Einzelvokal vum stddt. Wood em kölsche Wood zo enem koote Vokal, kennzeichne mer de Kürze durch Konsonanteverdubbele (aber > ävver), wann dä konsonantische Laut schrievtechnisch zo verdubbele es (Bauch > Buch) un nit op et Phonem /g/ zuröckgeiht (Zug > Zog). En dä Fäll bliet et bei der einfache Notierung vum/vun de Konsonant(e) hinger dem Vokal.

Zosammefassung

1. Gliche Vokallänge

a) eine Vokal bliev Schiff/Scheff Tag/Dag
b) Dubbelkonsonant bliev Sonne/Sonn Falle/Fall
c) Dehnungs-h bliev Huhn/Hohn Stuhl/Stohl
d) g/ch weed h Regen/Rähn gemacht/gemaht
e) Dubbelvokal bliev Haar/Hoor  
f) ß zeig Länge aan Fuß/Foß  
g) Diphthong bliev kaufen/kaufe teilen/deile
h) Dipht. weed zo Dubbelvokal Bauer/Buur (Boor) Scheibe/Schiev
  Feuer/Füür  
i) ie bliev oder weed zo ee Tier/Dier lieb/leev

2. deutsch koot, kölsch lang

a) Vokal weed verdubbelt krachen/kraache  
b) Vokal weed verdubbelt Kerze/Kääz Erbse/Ääz (r + Kons. falle fott)
c) ss weed Dubbelvokal + ß nass/naaß lassen/looße

3. deutsch lang, kölsch koot

a) Konsonant weed verdubbelt Ofen/Ovve  
b) bei Diphthong zo Einzelvokal saufen/suffe  
kaufen/kaufe teilen/deile

4. Usnahme

a) Schäl (Hänneschen-Figur; nit: Schääl)  
b) schäl Sick Eigename (regelkonform dät mer "schääl Sigg" schrieve)  
c) jeck, Jeck (nit: geck, Geck; s. Duden)  

III. Schrievregele för Konsonante

  • Dä Laut [g] weed em Kölsche miestens för die standarddeutsche Laute [k], [d] un [t] ersetz, en ener handvoll Wööder bliev hä ävver och för stddt. [g] erhalde:
  • Folg em stddt. Wood dä Laut [k] enem koote Vokal (z.B. Rücken, wackeln), weed dat [k] en e paar Fäll em Kölsche lautlich durch [g] realiseet. För de Vokalkürze zo kennzeichne, schrieve mer doför 'gg' (Rögge, waggele) .
  • Steiht em Stddt. 'd' oder 't' hinger enem Diphthong, dä met enem Vordervokal ophööt (z.B. läuten, schneiden, Zeit), steiht em kölsche Wood off anstell vum Diphthong ene koote Vordervokal un glichziggig weed /d/ bzw. /t/ durch /g/ ersetz. För de Vokalkürze zo kennzeichne, schrieve mer och hee 'gg' (lügge, schnigge, Zigg).
  • Steiht [g] (orthogr.: 'gg') em stddt. Wood noh enem koote Vokal (z.B. Röggelchen, maggeln, anbaggern)., weed em Kölsche miets et [g] beibehalde (Röggelche, maggele, aanbaggere).
  • Weed e stddt. 'g' oder 'ch' em kölsche Wood getilg, ersetze mer dat getilgte 'g' bzw.'ch' durch e 'h', wann der Vokal lang bliet oder weed (wie en unterwegs > ungerwähs, Regen > Rähn, macht! > maht!).
  • Bei flektierte Verbforme, wo 'g' oder 'ch' vör 's' oder 't' usfällt, ersetze mer doför och 'h' (z.B. sagst > sähs, sagt > säht/saht!), selvs wann der Vokal vum kölsche Woodstamm durch Vokalverdubbele längenmarkeet es (Inf.: maache; (do) mähs, (hä) mäht, maht!, aber: maach!)
  • Steiht em stddt. Wood 'chs' hinger enem koote Vokal un weed [ks] gesproche (z.B. in wachsen, wechseln), kann der Vokal em kölsche Wood lang weede un dä Laut, dä folg  [k] weed nit gesproche. Mer schrieve dann anstell vum getilgte 'ch' e 'h' för de Vokallänge un de glichziggige Tilgung vum [k] zo kennzeichne, un för de Stemmlosigkeit vum [s] zo verdeutliche e 'ß' (wachsen > wahße; wechseln > wähßele). Bliev der Vokal och em kölsche Wood koot, fällt et [k] nit fott un et bliev bei der Schreibung 'chs' (z.B. sechs).
  • Steiht em stddt. Wood 'chs' hinger enem lange Vokal un weed [çs] gesproche (z.B. nächste), bliet der Vokal vum kölsche Wood lang un statt [çs] sprich mer [ks]. Mer behalde de Schreibung 'chs' bei, weil se üblich es för die Lautkombination [ks] em Stddt. (nächste > nöchste).
  • Steiht 'cht' em stddt. Wood hinger enem koote Vokal , weed 'cht' entweder [çt] oder [xt] gesproche. Em kölsche Wood weed der Vokal miestens lang un et [t] am Eng fällt fott (Recht > Rääch, Nacht > Naach).
  • Steiht 'chts' em stddt. Wood hinger enem koote Vokal , weed 'chts' entweder [çts] oder [xts] gesproche. Em kölsche Wood weed der Vokal miestens lang, us [çts] weed [ts], us [xts] [ks]. [ks] schrieve merr 'ks' (nachts >naaks); [ts] schrieve mer 'ts' (rechts > rääts).
  • Steiht 'ch' em stddt. Wood hinger enem lange Hingervokal, weed 'ch' durch dä Laut [x] (=Ach-Laut) realiseet (z.B. suchen). Em kölsche Wood weed us dem Hingervokal off ene lange Vordervokal un statt dem [x] sprich mer e [k], dat mer och 'k' schrieve (söke)
  • Stddt. [pf] weed unavhängig vun der lautliche Ömgebung em Kölsche fass immer [p] gesproche (Pferd > Pääd; hüpfen > höppe; Kopf > Kopp).
  • Stddt. En- un Uslaut-'b' weed em Kölsche, bes op e paar vereinzelte Usnahme, zo /v/, dat em Enlaut stemmhaff [v], em Uslaut stemmloss [f] gesproche weed. Mer schrieve dann em Kölsche noh Langvokal oder Diphthong 'v' (Graben > Grave; Grab > Grav; bleiben > blieve), noh kootem Vokal 'vv' (über > üvver).

Nach oben