Dä Klein, dä muß ene Nüggel han

Irgendwo, ich weiß nit, op 'ner Läuv,

Woht vör veezehn Dag e Kind gedäuf,

Un an jedem Finster ahn däm Huhs,

Hing vor luuter Freud de Fahn eruhs.

Hät dä kleine Fätz d'r ganzen Dag

Anders nix gedonn als wie gelaach,

Gov op eimol avv da Rölleköll

Medden en der Naach 'ne Bröll.

Dä Ahl springk schnell jetz uhs däm Bett,

Un för sing Frau hä säht:

 

Refrain:

Ja wat hät de dann un wat well hä dann,

Dä Klein dä muß ene Nüggel han,

Dröm git im wat hä well

Dann es hä widder stell!

Jo wat hät de dann un wat well hä dann,

Dä Klein dä muß ene Nüggel han,

Dröm git im wat hä well

Dann es hä widder stell!

 

Wenn die Kinder schreie es nit schlemm,

Komm mer driehe jetz dä Klein eröm,

Jedenfalls hat hä sich wund gelaht,

't kann och sinn dat hä sich naaß gemaht.

„Eß et möglich dat hä Zängcher kritt?"

..Ahle Stockfesch, nä su fröh noch nit",

Un su geiht dat froge hin un her,

Schreie deiht hä wie 'ne Bär.

Dä Vatter spillt däm Klein am Kenn,

Un singk met fruhem Senn:

 

Jo wat hät de dann ...

 

Immer mie dä Klein Spektakel mäht,

Grad als wöht e 'Wüzzge' ömgebraht

Un die Wiever durch däm Fätz sing Stemm

Stonn em „Punejel“ all em Flur eröm

Jösses nä, wat hat mer ahn dä Gäng,

Hück do eß et met däm Schlof am Engk,

Kutt mer gonn zosamme jetz erop,

Dann kritt hä de Muhl gestopp.

Em Nu do gingk. em ganzen Huhs

Dä Klein vun Schuuß zu Schuuß:

 

Jo wat hätt hä dann ...

 

Dä Klein, dä muss ene Nüggel han

Irgendwo, ich weiß nit, op ener Läuv,

woodt vör veezehn Dag e Kind gedäuf,

un an jedem Finster an däm Huus,

hing vör luuter Freud de Fahn erus.

Hatt dä kleine Fetz der ganzen Dag

anders nix gedon als wie gelaach,

gov op eimol av dä Rölleköll

medden en der Naach ene Bröll.

Dä Aal springk schnell jetz us dem Bedd,

un för sing Frau hä säht:

 

Refrain:

Jo wat hät e dann un wat well hä dann,

dä Klein dä muss ene Nüggel han,

dröm gevv im, wat hä well,

dann es hä widder stell!

Jo wat hät e dann un wat well hä dann,

dä Klein dä muss ene Nüggel han,

dröm gevv im, wat hä well,

dann es hä widder stell!

 

Wenn die Kinder schreie, es nit schlemm,

kumm, mer drihe jetz dä Klein eröm,

jedenfalls hät hä sich wund gelaht,

kann och sin, dat hä sich naaß gemaht.

„Es et möglich, dat hä Zängcher kritt?"

..Aale Stockfesch, nä su fröh noch nit",

un su geiht dat Frogen hin un her,

schreie deit hä wie ene Bär.

Dä Vatter spillt däm Klein am Kenn,

un singk met fruhem Senn:

 

Jo wat hät e dann ...

 

Immer mih dä Klein Spektakel maht,

grad als wöödt e 'Wützchen' ömgebraht

un die Wiever durch däm Fetz sing Stemm

stonn em Punjel all om Flur eröm.

Jösses nä, wat hät mer an de Gäng,

hügg do es et met dem Schlof am Eng,

kutt, mer gonn zosamme jetz erop,

dann kritt hä die Muul gestopp.

Em Nu do gingk em ganzen Huus

dä Klein vun Schuß zo Schuß:

 

Jo wat hät hä dann ...

 

Der Kleine, der muss einen Nuckel haben

Irgendwo, ich weiß nicht, auf einem Speicher,

wurde vor vierzehn Tagen ein Kind getauft,

und an jedem Fenster an dem Haus,

hing vor lauter Freude die Fahne heraus.

Hat der kleine Junge den ganzen Tag

anders nichts getan als wie gelacht,

gibt auf einmal ab das wilde Kind

mitten in der Nacht ein Gebrüll.

Der Alte springt schnell jetzt aus dem Bett,

und zu seiner Frau er sagt:

 

Refrain:

Ja was hat er denn und was will er denn,

der Kleine, der muss einen Nuckel haben,

drum gib ihm, was er will,

dann ist er wieder still!

Ja was hat er denn und was will er denn,

der Kleine, der muss einen Nuckel haben,

drum gib ihm, was er will,

dann ist er wieder still!

 

Wenn die Kinder schreien ist nicht schlimm,

komm, wir drehen jetzt den Kleinen herum,

jedenfalls hat er sich wund gelegen,

es kann auch sein, dass er sich nass gemacht.

„Ist es möglich, dass er Zähnchen kriegt?"

..Alter Stockfisch, nein so früh noch nicht",

und so geht das Fragen hin und her,

schreien tut er wie ein Bär.

Der Vater spielt dem Kleinen am Kinn,

und singt mit frohem Sinn:

 

Ja was hat er denn ...

 

Immer mehr Spektakel der Kleine macht,

grad als würde ein Schweinchen umgebracht

und die Weiber wegen der Stimme des Jungen

stehen im Nachthemd alle im Flur herum.

Jesus nein, was hat man für ein Theater,

heute da ist es mit dem Schlaf am Ende,

kommt, wir gehen zusammen jetzt herauf,

dann kriegt er den Mund gestopft.

Im Nu da ging im ganzen Haus

der Kleine von Schoß zu Schoß:

 

Ja was hat er denn ...