Et Stina muß 'ne Mann han

Frau Dänz die hät en Döchterche,

e Kind wat Stina heisch.

Dat hät för singe Knochenbau

am Liev zo winnig Fleisch.

Met einem Woot et ehs su schön,

wenn it em Feld deiht stonn,

Die Mösche dann för luuter Angs

nit an der Haver gonn.

Och weil et Stina uhs dem Gaan

Frau Dänz sich Sorge maat,

Un eines Dags met ihrem Mann

Frau Dänzgen's üvverlaat

 

Et Stina muß 'ne Mann hann,

et weht de hüchste Zick.

Et Stina muß 'ne Mann hann,

söns wähde mer't nit mie quitt.

Et Stina muß 'ne Mann hann,

ov alt hä oder jung,

Denn bliev et Stina setze,

wör't schad för dat Fazzung.

 

Et woht doheim nit mie gespohlt,

un nix mie ahngepack,

Denn jeden Dag do wurf sich jetz

et Stina en der Lack.

Der Vatter met der Selvkantbotz,

am Arm et Paraplü,

Un die Frau Dänz mem Üvverwurf,

un seidene Fischü;

Su gingk et Ovends op der 'Ring`,

no Huhs, un widder öm.

Vielleich en fuffzehn, zwanzig mol,

un weßt ihr och woröm:

 

Et Stina muß 'ne Mann kann,...

 

Em Stadtwald, em Zoolonische,

em Nachmittagskunsäät,

die Drei dann do zo setze sinn,

dat eß de Möhe wäht

Dä AhL dä deiht die Muhl nit op.

Sei trick die Leppe kruhs,

Un wie en Hoon wat halv geplöck,

su süht et Stina uhs.

Un wer sich ahn dä Desch verläuf,

glich drop sich widder dröck,

Denn wer en beßge Ahnung hät,

der merk' beim ehzte Bleck:

 

Et Stina muß 'ne Mann kann,...

 

'Ne Mann zo finge dat fält schwer,

zumal et Stina Dänz.

Hat immer Mangel ahn Malheur

un dito Intelgenz.

Nemm nor wat kütt säht of die Ahl

un beß nit so chinannt

Et bruch jo keine Graf zo sinn

un keine Leutenant.

Ov hä e Pößge ahn der Poß,

ov Fuhrpark Admiral

Un wenn et och 'ne Schnieder eß,

et bliev sich ganz egal:

 

Et Stina muß 'ne Mann kann,...

 

Et Stina muss ene Mann han

Frau Dänz die hät en Dööchterche,

e Kind, wat Stina heisch.

Dat hät för singe Knochebau

am Liev zo winnig Fleisch.

Met einem Wood et es su schön,

wenn it em Feld deit stonn,

de Mösche dann vör luuter Angs

nit an der Haver gonn.

Och weil et Stina us dem Gaan

Frau Dänz sich Sorge maht,

un eines Dags met ehrem Mann

Frau Dänzchens üvverlaht:

 

Et Stina muss 'ne Mann han,

et weed de hüchste Zigg.

Et Stina muss 'ne Mann han,

söns wääde mer't nit mih quitt.

Et Stina muss 'ne Mann han,

ov ald hä oder jung,

denn bliev et Stina setze,

wör't schad för dat Fazung.

 

Et woodt doheim nit mih gespolt,

un nix mih aangepack,

denn jeden Dag do worf sich jetz

et Stina en der Lack.

Der Vatter met der Selfkantbotz,

am Ärm et Paraplü,

un die Frau Dänz mem Üvverwurf

un seidenem Fichu;

Su ging et ovends op der Ring,

noh Hus, un widder öm.

Villleich en fuffzehn, zwanzig Mol,

un wesst ehr och woröm:

 

Et Stina muss 'ne Mann han,...

 

Em Stadtwald, em Zoolonische,

em Nachmittagskonzäät,

die drei dann do zo setze sinn,

dat es de Möhde wäät.

Dä Aal, dä deit de Muul nit op.

Sei trick de Leppe kruus,

un wie en Hohn, wat halv geplöck,

su süht et Stina us.

Un wä sich an dä Desch verläuf,

glich drop sich widder dröck,

denn wä e bessche Ahnung hät,

dä merk beim eetste Bleck:

 

Et Stina muss 'ne Mann han,...

 

'Ne Mann zo finge dat fällt schwer,

zomol et Stina Dänz

hät immer Mangel an Malheur

un dito Intelligenz.

„Nemm nor wat kütt“, säht off die Aal,

„un bes nit so genant.

Et bruch jo keine Graf zo sin

un keine Leutenant.

Ov hä e Pössche an der Poss,

ov Fuhrpark Admiral,

un wann et och 'ne Schnieder es,

et bliev sich ganz egal“:

 

Et Stina muss 'ne Mann han,...

 

Christina muss einen Mann haben

Frau Dänz, die hat ein Töchterchen,

ein Kind, das Christina heißt.

Das hat für seinen Knochenbau

am Leib zu wenig Fleisch.

Mit einem Wort, sie ist so schön,

wenn sie im Feld steht,

die Spatzen dann vor lauter Angst

nicht an den Hafer gehen.

Auch weil Christina über 33 Jahre alt ist,

Frau Dänz sich Sorgen machte,

und eines Tages mit ihrem Mann

Frau Dänzchen überlegte:

 

Christina muss einen Mann haben,

es wird die höchste Zeit.

Christina muss einen Mann haben,

sonst werden wir sie nicht mehr los.

Christina muss einen Mann haben,

ob alt er oder jung,

denn bleibt Christina sitzen,

wäre es schade für die Fasson.

 

Es wurde daheim nicht mehr gespült,

und nichts mehr angepackt,

denn jeden Tag da warf sich jetzt

Christina in den Lack.

Der Vater mit der Webkantenhose,

am Arm den Schirm,

und Frau Dänz mit einem überwurf

und seidenem Halstuch;

so ging es abends auf den Ring,

nach Hause, und wieder zurück.

Vielleicht fünfzehn, zwanzig Mal,

und wisst ihr auch warum:

 

Christina muss einen Mann haben,...

 

Im Stadtwald, im Zoologischen Garten,

im Nachmittagskonzert,

die Drei dann da sitzen zu sehen,

das ist die Mühe wert.

Der Alte, der macht den Mund nicht auf.

Sie zieht die Lippen kraus,

Und wie ein Huhn, das halb gepflückt,

so sieht Christina aus.

Und wer sich an den Tisch verläuft,

gleich darauf sich wieder drückt.

Denn wer ein bisschen Ahnung hat,

der merkt beim ersten Blick:

 

Christina muss einen Mann haben,...

 

Einen Mann zu finden, das fällt schwer,

zumal Christina Dänz

hat immer Mangel an Malheur

und dito Intelligenz.

„Nimm nur, was kommt“, sagt oft die Alte,

„und sei nicht so schüchtern.

Es braucht ja kein Graf zu sein

und kein Leutnant.

Ob er ein Postmann an der Post,

ob Fuhrpark-Admiral,

und wenn es auch ein Schneider ist,

es bleibt sich ganz egal“:

 

Christina muss einen Mann haben,...