Immistadt – Arsch huh

Mer leeve en ner Stadt,

wie mir et verstonn,

mer bruch at bal nit mieh fottzejonn.

Luren einfach us d'r Dür,

un de Welt lurt erin,

weil Immis he wellkumme sin.

Mer levve en dä Stadt met vell Jeföhl,

manchmol setz mer zwesche alle Stöhl.

Han en komische Sproch, wie jeder weiß:

Levve en dä Stadt, die Kölle heiß.

 

Mer integriere üch all, op jede Fall,

op usem Senejal oder Neandertal.

Ob us Pakistan, us Limburch an dr Lahn,

och usem Berjische Kreis:

Levve en dr Stadt, die Kölle heiß.

 

En unser Stadt sinn suvell Dräume do,

himmelhuh jejauchz un bal nit mieh wohr.

Un et wed langsam jedem klor,

wenn nit jetz, dann weetet morje wohr.

Ob Moschee, ob Tempel oder infernal,

ob Stein jewoode als Kathedral –

he en d'r Stadt hät jeder Draum singe Platz:

Levve en dr Stadt, die Kölle heiß.

 

Mer intergriere üch all, Stadtkyll oder Kall,

usem Morjenland un vun dr Wasserkant.

Esu weeste dann kölsch he em Jemölsch,

doheim noh langer Reis:

Levve in dr Stadt, die Kölle heiß.

 

Jot, dat mir all Immis sin,

met Eijearte en uns dren.

Jede Jeck will anders sin,

ävver keiner tuusch si Ego öm!

Dat all zesamme sin mir –

vum Vürjebirch de Kappesbuure,

vum Stadtwald-Strich de Stroßehure.

 

Dr leeve Jott, dä sich widder jet ziert,

bei uns weed alles integriert.

Ob Tünnes ob Schääl,

ob Frauminsch oder Kääl

(Jot, dat mir all Immis sind).

Ob dunkel ob hell:

Mer levve en dr Stadt, die Kölle heiß

(Eijelevve en uns dren).

 

Die sich schläät un verdräät,

bes keiner mieh jet sät

(Jede Jeck will anders sin),

joh, dat nennt mer tolerant:

Levve en dr Stadt, die Kölle heiß

(keiner tuusch et Ego öm).

 

Op det jläuvs oder nit

(schön dat mir all Immis sind),

mir sinn en Traumfabrik,

manchmol och met Happy Engk

(Eijelevve en uns dren):

Levve en dr Stadt, die Kölle heiß.

 

üch all joode Naach

(Jede Jeck will anders sin),

morje jitt et widder Krach.

Su weeste he en däm Jemölsch

(keiner tuusch et Ego öm)

zwangsweise kölsch.

Imistadt – Arsch huh

Mer levve en ner Stadt,

wie mir et verstonn,

mer bruch ad baal nit mih fottzegonn.

Luuren einfach us der Dür,

un de Welt luurt eren,

weil Imis hee wellkumme sin.

Mer levve en der Stadt met vill Geföhl,

manchmol setz mer zwesche alle Stöhl.

Han en komische Sproch, wie jeder weiß:

Levve en der Stadt, die Kölle heiß.

 

Mer integriere üch all, op jede Fall,

ov usem Senegal oder Neandertal.

Ov us Pakistan, us Limburg an der Lahn,

och usem Bergische Kreis:

Levve en der Stadt, die Kölle heiß.

 

En unser Stadt sin su vill Dräume do,

himmelhuh gejauchz un baal nit mih wohr.

Un et weed langsam jedem klor,

wann nit jetz, dann weed et morge wohr.

Ov Moschee, ov Tempel oder infernal,

ov Stein gewoode als Kathedral –

hee en der Stadt hät jede Draum singe Platz:

Levve en der Stadt, die Kölle heiß.

 

Mer integriere üch all, Stadtkyll oder Kall,

usem Morgenland un vun der Wasserkant.

Esu wees de dann kölsch hee em Gemölsch,

doheim noh langer Reis:

Levve en der Stadt, die Kölle heiß.

 

God, dat mir all Imis sin,

met Eigenaate en uns dren.

Jede Jeck well anders sin,

ävver keiner tuusch si Ego öm!

Dat all zesamme sin mir –

vum Vörgebirg de Kappesbuure,

vum Stadtwald-Strech de Stroßehure.

 

Der leeve Godd, dä sich widder jet ziert,

bei uns weed alles integriert.

Ov Tünnes ov Schääl,

ov Frauminsch oder Kääl

(God, dat mir all Imis sin).

Ov dunkel ov hell:

Mer levve en der Stadt, die Kölle heiß

(Eigelevve en uns dren).

 

Die sich schläht un verdräht,

bes keiner mih jet säht

(Jede Jeck well anders sin),

jo, dat nennt mer tolerant:

Levve en der Stadt, die Kölle heiß

(keiner tuusch et Ego öm).

 

Ov de 't gläuvs oder nit

(schön, dat mir all Imis sin),

mir sin en Traumfabrik,

manchmol och met Happy Engk

(Eigelevve en uns dren):

Levve en der Stadt, die Kölle heiß.

 

üch all gode Naach

(Jede Jeck well anders sin),

morge gitt et widder Kraach.

Su wees de hee en däm Gemölsch

(keiner tuusch et Ego öm)

zwangsweise kölsch.

Imistadt - Arsch hoch

Wir leben in einer Stadt,

wie wir es verstehen,

man braucht schon bald nicht mehr wegzugehen.

Schauen einfach aus der Tür,

und die Welt schaut hinein,

weil Imis hier willkommen sind.

Wir leben in der Stadt mit viel Gefühl,

manchmal sitzt man zwischen allen Stühlen.

Haben eine komische Sprache, wie jeder weiß:

Leben in der Stadt, die Köln heißt.

 

Wir integrieren euch alle, auf jeden Fall,

ob aus dem Senegal oder Neandertal.

Ob aus Pakistan, aus Limburg an der Lahn,

auch aus dem Bergischen Kreis:

Leben in der Stadt, die Köln heißt.

 

In unserer Stadt sind so viele Träume da,

himmelhoch gejauchzt und bald nicht mehr wahr.

Und es wird langsam jedem klar,

wenn nicht jetzt, dann wird es morgen wahr.

Ob Moschee, ob Tempel oder infernal,

ob Stein geworden als Kathedrale –

hier in der Stadt hat jeder Traum seinen Platz:

Leben in der Stadt, die Köln heißt.

 

Wir integrieren euch alle, Stadtkyll oder Kall,

aus dem Morgenland und von der Wasserkante.

Su wirst du dann kölsch hier im Mischmasch,

daheim nach langer Reise:

Leben in der Stadt, die Köln heißt.

 

Gut, dass wir alle Imis sind,

mit Eigenarten in uns drin.

Jeder Jeck will anders sein,

aber keiner tauscht sein Ego um!

Das alles zusammen sind wir –

vom Vorgebirge die Kohlbauern,

vom Stadtwald-Strich die Straßenhuren.

 

Der liebe Gott, der sich wieder etwas ziert,

bei uns wird alles integriert.

Ob Tünnes oder Schääl,

ob Frau oder Kerl

(Gut, dass wir alle Imis sind).

Ob dunkel oder hell:

Wir leben in der Stadt, die Köln heißt

(Eigenleben in uns drin).

 

Die sich schlägt und verträgt,

bis keiner mehr etwas sagt

(Jeder Jeck will anders sein),

ja, das nennt man tolerant:

Leben in der Stadt, die Köln heißt

(keiner tauscht das Ego um).

 

Ob du es glaubst oder nicht

(schön, dass wir alle Imis sind),

wir sind eine Traumfabrik,

manchmal auch mit Happy End

(Eigenleben in uns drin):

Leben in der Stadt, die Köln heißt.

 

Euch allen gute Nacht

(Jeder Jeck will anders sein),

morgen gibt es wieder Krach.

So wirst du hier in dem Mischmasch

(keiner tauscht das Ego um)

zwangsweise kölsch.