Weihnachtstön

Intro

Kutt eren, dä Baum, dä brennt

wie lang nit mih esu schön

laut erklinge noh un fän

die wunderschöne Weihnachtstön

 

1. All die Kääze leuchten hell –

die Jeschenke, se waaden stell

mir Pänz sin opjerääch en't Wonnzimmer jesprunge

ming kleine Schwester Klör

un ich jöcken flöck zom Jabendesch

doch do röf dr Papp: "Halt!! – Eets weed jesunge."

 

Refrain:

Un dann singe mr esu schön unger'm Tannejrön

die ahl vertraute Weihnachtstön

"Ihr Kinderlein kommet, oh kommet doch all ...."

 

2. De janze Stuff es met Verwandschaff voll –

Oma schnarch ald em Schöckelstohl

Tant Billa seufz: "Hach, wat es dat Fess widder jelunge!"

se käuen op de Printe un nüggele dr Sekt –

un als ich jrad mi neu Fahrrad entdeck

do röf dr Papp ald widder: "Halt!! – Eets weed jesunge."

 

Un dann singe mr ...

 

3. Dr Papp hät de eetste Fläsch Asbach jeköpp –

schon komisch, dat sich hück jakeiner klöpp

et Klörche hät si Jeschenk noch immer nit jefunge

"Ich weiss jenau, irjendwo han ich et dochhinjetan, "

sät de Mamm - ich maach dr Fernseher an

do lallt dä Ahl ald widder: "Halt!! –

Eets weed jesunge."- un schlöf en.

 

4. Met dr Zick weed us Verwandte widder Pöbel –

dat Dröck hät medden en de Krepp jejöbelt

ühm Hein knurrt: "Wo es dat Ros bloss entsprunge??"

Et Klörche pennt, de Oma weed wach:

"Och, es ald widder Hillije Naach?!"

dodrop dr Papp: "Ah – jo – - äh –äh – singe!"

 

Un dann singe mr ...

 

5. Elf Uhr vörbei, jetz weed noch frisch

en dr Kirch de Chrissmess opjemisch

nä, wat hät de Orjel wunderschön jeklunge

Papp sät: "Mamm, ich k-kann nit mih –

tschöö met öö - bes morje fröh ..."

do röf dr Pastur: "Halt, mein Sohn!! –

Erst wird jesungen!"

 

Un dann singe mr esu schön unger'm Tannejrön

die ahl vertraute Weihnachtstön:

 

(Blaskapelle)

 

Weihnachtstön

Intro

Kutt eren, der Baum, dä brennt

wie lang nit mih esu schön

laut erklinge noh un fään

die wunderschöne Weihnachtstön

 

1. All die Kääze leuchten hell –

de Geschenke, se waaden stell

mir Pänz sin opgeräg ent Wonnzimmer gesprunge

ming klein Schwester Klör

un ich jöcken flöck nohm Gabendesch

doch do röf der Papp: "Hald!! – Eets weed gesunge."

 

Refrain:

Un dann singe mer esu schön ungerm Tannegrön

die aal vertraute Weihnachtstön

"Ihr Kinderlein kommet, oh kommet doch all ...."

 

2. De ganze Stuvv es met Verwandschaff voll –

Oma schnarch ald em Schöckelstohl

Tant Billa seufz: "Hach, wat es dat Fess widder gelunge!"

se käuen op de Printe un nüggele der Sek –

un wie ich grad mi neu Fahrradd entdeck

do röf der Papp ald widder: "Hald!! – Eets weed gesunge."

 

Un dann singe mer ...

 

3. Der Papp hät de eetste Fläsch Asbach geköpp –

schon komisch, dat sich hügg gar keiner klöpp

et Klörche hät si Geschenk noch immer nit gefunge

"Ich weiß genau, irgendwo han ich et doch hingetan,"

säht de Mamm - ich maach der Fernseher aan

do lallt dä Aal ald widder: "Hald!! –

Eets weed gesunge."- un schlöf en.

 

4. Met der Zigg weed us Verwandte widder Pöbel –

et Dröck hät medden en de Krepp gegöbelt

ühm Hein knurrt: "Wo es dat Ros bloß entsprunge??"

Et Klörche pennt, de Oma weed waach:

"Och, es ald widder Hellige Naach?!"

dodrop der Papp: "Ah – jo – - äh –äh – singe!"

 

Un dann singe mer ...

 

5. Elf Uhr vörbei, jetz weed noch fresch

en der Kirch de Chressmess opgemisch

nä, wat hät de Orgel wunderschön geklunge

Papp säht: "Mamm, ich k-kann nit mih –

tschöö met öö - bes morge fröh ..."

do röf der Pastur: "Halt, mein Sohn!! –

Erst wird gesungen!"

 

Un dann singe mer esu schön ungerm Tannegrön

die aal vertraute Weihnachtstön:

 

(Blaskapelle)

 

Weihnachtstöne

Intro

Kommt hinein, der Baum, der brennt

wie lange nicht mehr so schön

laut erklingen nah und fern

die wunderschönen Weihnachtstöne

 

1. All die Kerzen leuchten hell –

die Geschenke, sie warten still

wir Kinder sind aufgeregt ins Wohnzimmer gesprungen

meine kleine Schwester Klara

und ich eilen schnell zum Gabentisch

doch da ruft der Papa: "Halt!! – Erst wird gesungen."

 

Refrain:

Un dann singen wir so schön unterm Tannengrün

die alt vertrauten Weihnachtstöne

"Ihr Kinderlein kommet, oh kommet doch all ...."

 

2. Die ganze Stube ist mit Verwandtschaft voll –

Oma schnarcht schon im Schaukelstuhl

Tante Sybille seufzt: "Hach, was ist das Fest wieder gelungen!"

sie kauen auf den Printen und nuckeln den Sekt –

und als ich gerade mein neues Fahrrad entdecke,

ruft Papa schon wieder: "Halt!! – Erst wird gesungen."

 

Un dann singen wir ...

 

3. Papa hat die erste Flasche Asbach geköpft –

schon komisch, dass sich heute gar keiner schlägt

Klärchen hat ihr Geschenk noch immer nicht gefunden

"Ich weiß genau, irgendwo habe ich es doch hingetan,"

sagt Mama - ich mache den Fernseher an

da lallt der Alte schon wieder: "Halt!! –

Erst wird gesungen."- und schläft ein.

 

4. Mit der Zeit wird aus Verwandten wieder Pöbel –

Gertrud hat sich mitten in die Krippe übergeben

Onkel Heinz knurrt: "Wo ist die Rose bloß entsprungen??"

Klärchen pennt, die Oma wird wach:

"Ach, ist schon wieder Heilige Nacht?!"

darauf der Papa: "Ah – ja – - äh –äh – singen!"

 

Un dann singen wir ...

 

5. Elf Uhr vorbei, jetzt wird noch frisch

in der Kirche die Christmesse aufgemischt

nein, was hat die Orgel wunderschön geklungen

Papa sagt: "Mama, ich k-kann nicht mehr –

tschöö mit öö - bis morgen früh ..."

da ruft der Pastor: "Halt, mein Sohn!! –

Erst wird gesungen!"

 

Und dann singen wir so schön unterm Tannengrün

die alt vertrauten Weihnachtstöne:

 

(Blaskapelle)