Ne Stille Daach!

1. Strophe:

Ech hatt ens beim Bäumche schlage

us versinn en Funkantenn’ jefällt

Jetz stund ech en dr Bösch

un hatt kei Netz...

För ze fo-niere dat dem Nordmanns Hein

jetz e Funkantännche fählt,

doch minge Empfang loch an dr ääd,

ech wor entsetz...

 

Denn ech hat jo jrad fürbesennlich mööd

jätt blöd e Funkloch instaleet.

Un et joov in dem janze Wald

nit eine Fessanschluss.

Hann dann einfach je-hoff dat dat Loch -

weil Chressdaach es -

jrad keiner interesseet...

Flück ene Baum jekläut

un schlech bedrööv noh Hus...

 

2. Strophe:

Doch domit doheim anjekumme

do stund ming Ahl ald rötlich in der Düür

Un ehr Auge spillte mir ne Rentierblick...

Ech hürt se sage: Saach, t’jitt Saache,

Jöss, die stellt mer sech nit für...

Nor räch dech nit op,

denk aan die friedlich Weihnachtszick!

 

Ech wullt zwesche Broode broode,

Baade un Ballade sööke flück

Em weltwigge Wepp noch jätt bestelle,

Mann, bliev höösch...

Denn irjenswie hann ech dobei

enerene verkeete Knopp jedrück...

Ech kann kaum verzälle,

mer es et su schlääch

... ech hann et Internet jelösch!

 

Interlüdchen 1:

Petrus warf die Netze aus

Um uns zu verbinden...

Drum ist die Welt für uns ein Graus

Wenn wir kein Netz mehr finden...

 

Refrain:

Wat wor dat ne stille Daach

bes deef en de hillge Naach

Hammer jeschwaad und jekaat,

un jemaach op et Chresskind jewaht

 

Mer hann üvver die Welt jelaach

Un janz waach drövver nohjedaach

Wat mer beslang in der Chressdääch

nit all för ne Blödsinn jemaht!

 

3. Strophe:

Dann am eetste Fierdaach

hatten uns Pänz ehr Schuldigkeit jedonn

Un noch janz nevvenbei der Jaade dekoreet...

Jetz’ sooch mer se kalk-engelwieß

vür’m Funkebäumche stonn...

Em Jeseech en schön Bescherung -

irgendjät wor do passeet!

 

Se hatten en opjeblose hillich Fammilich

in Kinnemaskop-Dimension

Op der Wiss jäjen Hemmelfahrt

jeääd met Secherungsfesch...

Nor woren die Herring jätt lang

weil dat moot esu sin-

denn der Jupp jing bahl bes nohm Balkon

Un esu hatt hald einer vun dä Hooke

jlatt et Flemmerkisskabel verwisch...

 

Interlüdchen 2:

Der Mensch braucht oft ein klares Bild

Um Wunder zu erkennen

Drum sollte man den Zweifelnden

vom Kabelnetz nicht trennen!

 

Refrain:

Wat wor dat widder ne stille Daach

bes deef en de hillge Naach

Hammer jeschwaad und jekaat,

un jemaach op et Chresskind jewaht

 

Mer hann üvver die Welt jelaach

Un janz waach drövver nohjedaach

Wat mer beslang in der Chressdääch

nit all för ne Blödsinn jemaht!

 

4. Strophe:

Dann irgendwann fröh am zweite Fierdaach

hoot mer hell e Jlöckche jonn...

Mer hann all jedaach

jetz’ weed et Weihnachtswunder wohr!

Un esu sooch mer uns fruh analog

vür’m Kugelstöckche stonn...

Evver dat Jlöckche wor nor digital

un dät melde „Et Netz is widder do!“

 

Vun Urbi un Orbi her hoot mer de Lück jubiliere:

„Ne Daach su schön wie hück!“

Für se vürbei wor dr Entbehrung Jammertal.

Met Trumm un Schalmeie su dät mer sech freue:

„Wat weed dat en herrlich Chressdaachszick!“

Nor mer hatten nix ze bereue,

uns wor dat Spektakel ejal...

 

Interlüdchen 3:

Uns war es genug die Genügsamkeit

In Besinnlicher Ruhe zu wiegen!

Wir nutzten die Gelegenheit,

Weil süßer die Glöckchen nie schwiegen!

 

Refrain 2:

Wat wor dat ne stille Daach

bes deef en de hillge Naach

Hammer jeschwaad und jekaat,

un jemaach op et Chresskind jewaht

 

Mer hann üvver die Welt jelaach

Un janz waach drövver nohjedaach

Wat mer beslang in der Chressdääch

nit all för ne Blödsinn jemaht!

 

Wat wor dat ne stille Daach

bes deef en de hillge Naach

Hammer jeschwaad und jekaat,

Un ens widder e Brettspill jemaht!

 

Dobei övver uns selvs jelaach

Un janz waach drövver nohjedaach

Wer uns do still övver Naach janz bedaach

E Stöck Fridde jebraht!

Ne stelle Dag!

1. Strophe:

Ich hatt ens beim Bäumche Schlage

us Versinn en Funkantenn gefällt

Jetz stundt ich en dem Bösch

un hatt kei Netz ...

För ze fo-niere, dat dem Nordmanns Hein

jetz e Funkantännche fählt,

doch minge Empfang log an der ääd,

ich wor entsetz ...

 

Denn ich hatt jo grad vürbesennlich möd

jet blöd e Funkloch instaleet.

Un et gov en däm ganze Wald

nit eine Fessaanschluss.

Han dann einfach ge-hoff, dat dat Loch -

weil Chressdag es -

grad keiner interesseet ...

Flöck ene Baum gekläut

un schlech bedröv noh Hus ...

 

2. Strophe:

Doch domet doheim aangekumme

do stundt ming Aal ald rödlich en der Dür

Un ehr Auge spillten mir ne Rendierbleck ...

Ich hürte se sage: Sag, t’ gitt Saache,

Jösses, die stellt mer sich nit vör ...

Nor räg dich nit op,

denk an die friedliche Weihnachtszigg!

 

Ich wollt zwesche Brode Broode,

Bade un Ballade Söke flöck

Em weltwigge Web noch jet bestelle,

Mann, bliev höösch ...

Denn irgendwie han ich dobei

ene verkehte Knopp gedröck ...

Ich kann kaum verzälle,

mer es et su schlääch

... ich han et Internet gelösch!

 

Interlüdchen 1:

Petrus warf die Netze aus

Um uns zo verbinden ...

Drum ist die Welt für uns ein Graus

Wenn wir kein Netz mehr finden ...

 

Refrain:

Wat wor dat ne stelle Dag

bes deef en de hell'ge Naach

Ha' mer geschwaadt un gekaat,

un gemach op et Chresskind gewaadt

 

Mer han üvver de Welt gelaach

Un ganz waach drüvver nohgedaach

Wat mer beslang en de Chressdäg

nit all för ne Blödsenn gemaht!

 

3. Strophe:

Dann am eetste Fierdag

hatten uns Pänz ehr Schuldigkeit gedon

Un noch ganz nevvenbei der Gaade dekoreet ...

Jetz soch mer se kalk-engel-wieß

vürm Funkebäumche stonn ...

Em Geseech en schön Bescherung -

irgend jet wor do passeet!

 

Se hatten en opgeblose hellige Famillich

en Kinemaskop-Dimension

Op der Wiss gägen Himmelfahrt

geääd met Secherungsfesch ...

Nor woren die Herring jet lang

weil dat moot esu sin -

denn der Jupp ging baal bes nohm Balkon

Un esu hatt halt einer vun dä Hoke

glatt et Flemmerkesskabel verwisch ...

 

Interlüdchen 2:

Der Mensch braucht oft ein klares Bild

Um Wunder zo erkennen

Drum sollte man den Zweifelnden

vom Kabelnetz nicht trennen!

 

Refrain:

Wat wor dat widder ne stelle Dag

bes deef en de hell'ge Naach

Ha' mer geschwaadt un gekaat,

un gemach op et Chresskind gewaadt

 

Mer han üvver de Welt gelaach

Un ganz waach drüvver nohgedaach

Wat mer beslang en de Chressdäg

nit all för ne Blödsenn gemaht!

 

4. Strophe:

Dann irgendwann fröh am zweite Fierdag

hoot mer hell e Glöckche gonn ...

Mer han all gedaach

jetz weed et Weihnachtswunder wohr!

Un esu soch mer uns fruh analog

vürm Kugelstöckche stonn ...

ävver dat Glöckche wor nor digital

un dät melde „Et Netz es widder do!"

 

Vun Urbi un Orbi her hoot mer de Lück jubiliere:

„Ne Dag, su schön wie hügg!"

För sei vürbei wor "der Entbehrung Jammertal".

Met Trumm un Schalmeie su dät mer sich freue:

„Wat weed dat en herrlich Chressdagszigg!"

Nor mer hatten nix ze bereue,

uns wor dat Spektakel egal ...

 

Interlüdchen 3:

Uns war es genug, die Genügsamkeit

In besinnlicher Ruhe zo wiegen!

Wir nutzten die Gelegenheit,

Weil süßer die Glöckchen nie schwiegen!

 

Refrain 2:

Wat wor dat ne stelle Dag

bes deef en de hell'ge Naach

Ha' mer geschwaadt un gekaat,

un gemach op et Chresskind gewaadt

 

Mer han üvver de Welt gelaach

Un ganz waach drüvver nohgedaach

Wat mer beslang en de Chressdäg

nit all för ne Blödsenn gemaht!

 

Wat wor dat ne stelle Dag

bes deef en de hell'ge Naach

Ha' mer geschwaadt un gekaat,

Un ens widder e Breddspill gemaht!

 

Dobei üvver uns selvs gelaach

Un ganz waach drüvver nohgedaach

Wä uns do stell üvver Naach ganz bedaach

E Stöck Fridde gebraht!

Ein stiller Tag!

1. Strophe:

Ich habe mal beim Bäumchen schlagen

aus Versehen eine Funkantenne gefällt.

Jetzt stand ich in den Büschen

und hatte kein Netz ...

Um zu telefonieren, dass dem Heinrich Nordmann

jetzt ein Funkantennnchen fehlt,

doch mein Empfang lag am Boden,

ich war entsetzt ...

 

Denn ich hatte ja gerade vorbesinnlich müde

etwas blöd ein Funkloch installiert.

Und es gab in dem ganzen Wald

nicht einen Festanschluss.

Habe dann einfach gehofft, dass das Loch -

weil Weihnachten ist -

gerade keinen interessiert ...

Schnell eine Baum geklaut

und schlich betrübt nach Hause ...

 

2. Strophe:

Doch damit daheim angekommen,

da stand meine Alte schon rötlich in der Tür.

Und ihre Augen spielten mir einen Rentierblick ...

Ich hörte sie sagen: Sag, es gibt eine Sache,

Jesus, die stellt man sich nicht vor ...

Nun rege dich nicht auf,

denk an die friedliche Weihnachtszeit!

 

Ich wollte zwischen Braten braten,

baden und Balladen suchen, schnell

im weltweiten Web noch etwas bestellen,

Mann, bleib ruhig ...

Denn irgendwie habe ich dabei

einen verkehrten Knopf gedrückt ...

Ich kann kaum erzählen,

mir ist es so schlecht

... ich habe das Internet gelöscht!

 

Interlüdchen 1:

Petrus warf die Netze aus,

um uns zu verbinden ...

Drum ist die Welt für uns ein Graus

Wenn wir kein Netz mehr finden ...

 

Refrain:

Was war das ein stiller Tag,

bis tief in die heilige Nacht

haben wir erzählt und Karten gespielt

und gemächlich auf das Christkind gewartet.

 

Wir haben über die Welt gelacht

und ganz wach darüber nachgedacht,

was wir bislang in den Christtagen

nicht alles für einen Blödsinn machten.

 

3. Strophe:

Dann, am ersten Feiertag

haben unsere Kinder ihre Schuldigkeit getan

und noch ganz nebenbei den Garten dekoriert ...

Jetzt sah man sie kalk-engel-weiß

vor dem Funkebäumchen stehen ...

Im Gesicht eine schöne Bescherung -

irgendetwas war da passiert!

 

Sie hatten eine aufgeblasene heilige Familie

in Cinemascope-Dimension

auf der Wiese gegen Himmelfahrt

geerdet mit Sicherungsfischen ...

Nur waren die Heringe etwas lang,

weil das so sein muss -

denn der Joseph ging fast bis zum Balkon.

Und so hat eben einer von den Haken

glatt ein Fernsehkabel erwischt ...

 

Interlüdchen 2:

Der Mensch braucht oft ein klares Bild

um Wunder zu erkennen.

Drum sollte man den Zweifelnden

vom Kabelnetz nicht trennen!

 

Refrain:

Was war das ein stiller Tag,

bis tief in die heilige Nacht

haben wir erzählt und Karten gespielt

und gemächlich auf das Christkind gewartet.

 

Wir haben über die Welt gelacht

und ganz wach darüber nachgedacht,

was wir bislang in den Christtagen

nicht alles für einen Blödsinn machten.

 

4. Strophe:

Dann irgendwann früh am zweiten Feiertag

hörte man hell ein Glöckchen gehen ...

Wir haben alle gedacht

jetzt wird ein Weihnachtswunder wahr!

Und so sah man uns froh analog

vor dem Kugelstückchen stehen ...

Aber das Glöckchen war nur digital

und meldete "Das Netz ist wieder da!"

 

Von Stadt und Erde her hörte man die Leute jubilieren:

"Ein Tag, so schön wie heute!"

Vorbei war für sie "der Entbehrung Jammertal".

Mit Trommel und Schalmei freute man sich:

"Was wird das eine herrliche Weihnachtszeit!"

Nur wir hatten nichts zu bereuen,

uns war das Spektakel egal ...

 

Interlüdchen 3:

Uns war es genug, die Genügsamkeit

In besinnlicher Ruhe zu wiegen!

Wir nutzten die Gelegenheit,

Weil süßer die Glöckchen nie schwiegen!

 

Refrain:

Was war das ein stiller Tag,

bis tief in die heilige Nacht

haben wir erzählt und Karten gespielt

und gemächlich auf das Christkind gewartet.

 

Wir haben über die Welt gelacht

und ganz wach darüber nachgedacht,

was wir bislang in den Christtagen

nicht alles für einen Blödsinn machten.

 

Was war das ein stiller Tag,

bis tief in die heilige Nacht

haben wir erzählt und Karten gespielt

und uns wieder ein Brettspiel gemacht!

 

Dabei über uns selbst gelacht

und ganz wach darüber nachgedacht,

wer uns da still über Nacht ganz bedacht,

ein Stück Frieden gebracht!