D'r Weet

Ich ben d'r Weet, Ich ben d'r Weet

hinger minger blankpolierte Thek

Un für üch janze Poppelappe

Ben Ich he Daach un Naach am zappe.

 

Nä wat hann ich widderlijje Jäss

et beste wör se heelten all de Fress

Denn keiner jönnt m'r he dä Verdeens

Un jeder jläuv ich hädden kei Jeheens

 

Refrain:

Ich ben d'r Weet, ich ben d'r Weet

Ich saren üch wat räch es un verkeet

Un usser mir hät keiner jet ze sare

Dat sollt sich he och besser keiner ware

 

Ich ben d'r Weet, ich ben d'r Weet

Ich saren üch wat räch es un verkeet

Un mäht he einer op King

Däm zeijen ich wat Sackjeseechter sin.

 

(Gäste): Nä, wat für ene staatse Weet

lurt ens all wie hä do steit

Es hä nit herrlich anzesinn

Kumm m'r scheppe em schnell noch eine in

 

Stundelang do nüggele se ahn 'nem Bier

Un schänge't wör he alles vill ze dür

Un koot vür ein do kriejen se plötzlich Doosch

Un jeder will noch schnell en heiße Woosch

 

Un wenn se die dann jefresse hann

Fängk alles widder vun vürre ahn

Do dunn se d'r dä Jäckpot knacke

Un hingerher de Brill bekacke

 

Ich ben d'r Weet, ich ben d'r Weet ...

 

Ich ben d'r Weet, ich ben d'r Weet

Ich ben he d'r Künning an d'r Thek

Un wer he jet will dä soll et mir röhig sare

Däm bestell ich dann direk d'r Krankeware.

 

(Gäste): Nä, wat fünne sensible Weet

Wenn et öm d'r Deckel jeit

Jlich kritte widder ne ruude Kopp

Kumm m'r räjen en noch e besje op!

 

Klein es sing Woosch

Jruuss es de Doosch

Fett es et Mett

Wigg es et Bett

 

Heimjonn dät Nut

Joulaschzupp dät joot

Blootwosch su ruud

Waade op dä Dud

 

Op Frikadell op Russeei

Haupsach Ihr kritt Doosch dobei

Un will he einer reklamiere

dann soll hä minge Julasch ens probiere

 

Ja dann bruchste niemieh Ratzeputz

Dann häste dr Düvel met dr Zung jebütz

dodrop noch schnell jet Schabau eren

Jo dann kannste se he falle sin

 

Ich ben d'r Weet, ich ben d'r Weet

Un wenn et jetz nit ahnt bezahle jeit

Do kriejen ich he die Krise

Dann weede ich d'r Weet - dä Fiese!

 

Entweder Ihr oder ich

Ich mache jetz he reinen Desch

Denn et jeit öm Jeld oder Levve

un et kann nur eine jevve

 

ICH!

Der Weet

Ich ben der Weet, ich ben der Weet

hinger minger blankpolierte Thek

Un för üch ganze Poppelappe¹

Ben ich hee Dag un Naach am Zappe.

 

Nä, wat han ich widderliche Gäss

et beste wör, se heelten all de Fress

Denn keiner gönnt mer hee der Verdeens

Un jeder gläuv, ich hätt kei Geheens.

 

Refrain:

Ich ben der Weet, ich ben der Weet

Ich sagen üch wat rääch es un verkeet

Un usser mir hät keiner jet ze sage

Dat sollt sich hee och besser keiner wage

 

Ich ben der Weet, ich ben der Weet

Ich sagen üch, wat rääch es un verkeht

Un mäht hee einer op King

Däm zeigen ich, wat Sackgeseechter sin.

 

(Gäste): Nä, wat för ene staatse Weet

luurt ens all, wie hä do steiht

Es hä nit herrlich aanzesinn

Kumm, mer scheppe im schnell noch eine en.

 

Stundelang do nüggele se an nem Bier

Un schänge, et wör hee alles vill ze düür

Un koot vür ein do krigen se plötzlich Doosch

Un jeder well noch schnell en heiße Woosch.

 

Un wann se die dann gefresse han,

Fängk alles widder vun vürre aan.

Do dun se der der Jackpot knacke

Un hingerher de Brill bekacke.

 

Ich ben der Weet, ich ben der Weet ...

 

Ich ben der Weet, ich ben der Weet

Ich ben hee der Künning an der Thek

Un wä hee jet well, dä soll et mir ruhig sage

Däm bestell ich dann direk der Krankewage.

 

(Gäste): Nä, wat för ne sensible Weet

Wann et öm der Deckel geiht

Glich kritt e widder ne rude Kopp

Kumm, mer rägen en noch e bessche op!

 

Klein es sing Woosch

Groß es der Doosch

Fett es et Mett

Wigg es et Bedd

 

Heimgonn dät Nud

Gulaschzupp dät god

Blodwoosch su rud

Waade op der Dud

 

Ov Frikadell ov Russeei

Haupsaach, ehr kritt Doosch dobei

Un well hee einer reklamiere

dann soll hä minge Gulasch ens probiere

 

Ja, dann bruchs de nie mih Ratzeputz

Dann häs de der Düüvel met der Zung gebütz

dodrop noch schnell jet Schabau eren

Jo dann kanns de se hee falle sinn.

 

Ich ben der Weet, ich ben der Weet

Un wann et jetz nit an't Bezahle geiht

Do krigen ich hee de Krise

Dann weede ich der Weet - der Fiese!

 

Entweder ehr oder ich

Ich maache jetz hee reinen Desch

Denn et geiht öm Geld oder Levve

un et kann nor eine gevve

 

ICH!

 

1. wörtlich: Puppenkleidchen, wegen des Reims vermutlich sinngemäß wie "Poppekopp" = Verrückter, Bekloppter

Der Wirt

Ich bin der Wirt, Ich bin der Wirt

hinter meiner blankpolierten Theke

Und für euch ganze Bekloppte

Zapfe ich hier Tag und Nacht.

 

Nein, was habe ich widerliche Gäste

das Beste wäre, sie hielten alle die Fresse.

Denn keiner gönnt mir hier den Verdienst,

und jeder glaubt, ich hätte kein Gehirn.

 

Refrain:

Ich bin der Wirt, ich bin der Wirt,

ich sage euch was recht ist und verkehrt.

Und außer mir hat keiner etwas zu sagen,

das sollte sich hier auch besser keiner wagen.

 

Ich bin der Wirt, ich bin der Wirt

Ich sage euch was recht ist und verkehrt

Und macht hier einer auf King

Dem zeige ich, was Sackgesichter sind.

 

(Gäste): Nein, was für ein stattlicher Wirt,

schaut mal alle, wie der da steht.

Ist er nicht herrlich anzusehen,

Komm, wir schütten ihm schnell noch einen ein.

 

Stundelang nuckeln sie an einem Bier

und schimpfen, es wäre hier alles viel zu teuer.

Und kurz vor eins da kriegen sie plötzlich Durst

und jeder will noch schnell eine heiße Wurst.

 

Und wenn sie die dann gefressen haben

fängt alles wieder von vorne an.

Da knacken sie dir den Jackpot

und bekacken hinterher die Brille.

 

Ich bin der Wirt, ich bin der Wirt ...

 

Ich bin der Wirt, ich bin der Wirt,

ich bin hier der König an der Theke.

Und wer hier etwas will, der soll es mir ruhig sagen,

dem bestelle ich dann direkt den Krankenwagen.

 

(Gäste): Nein, was für ein sensibler Wirt,

wenn es um den Deckel geht.

Gleich kriegt er wieder einen roten Kopf,

komm, wir regen ihn noch ein bisschen auf.

 

Klein ist seine Wurst,

groß ist der Durst,

fett ist das Mett,

weit ist das Bett.

 

Heimgehen täte Not,

Gulaschsuppe täte gut,

Blutwurst so rot,

warten auf den Tot.

 

Ob Frikadelle oder Russen-Ei,

Hauptsache, ihr bekommt Durst dabei.

Und will hier einer reklamieren,

dann soll er meinen Gulasch mal probieren.

 

Ja, dann brauchst du nie mehr Ratzeputz,

dann hast du den Teufel mit der Zunge geküsst.

Darauf noch schnell etwas Schnaps hinein,

ja, dann kannst du sie hier fallen sehen.

 

Ich bin der Wirt, ich bin der Wirt

und wenn es jetzt nicht ans Bezahlen geht,

da kriege ich hier die Krise,

dann werde ich der Wirt - der Fiese.

 

Entweder ihr oder ich,

ich mache jetzt hier reinen Tisch.

Denn es geht um Geld oder Leben,

und es kann nur einen geben.

 

ICH!