Ich jeff alles

Ich wor ne kleine Panz

mit Helde un Dräum

Su huh jehange,

an Kölle's höchste Bäum

Ich wullt spille wie Litti, för dr FC

Ich dät trainiere un biesse,

un doch ben ich he

 

Ich wor schon anjekumme,

do kom dr kleine Moment

Der jnadenlos einfach,

Wunsch un Wohrheit trennt

Et jitt Minsche em Levve,

denne bes Do ejal

Un doch han ich mir jeschwore,

op Ihr un Moral

 

Refrain:

Ich jeff alles, alles un janz

Ich jeff alles, ich bruch nor ming Chance

Ich jeff alles, un noch vill mie

Un ich nutz jede kleine Moment,

un zwing et Pech in de Knie

 

Ich kann üch jet verzelle, vun TV un Co

Wo Anstand un Respekt,

lieje längs schon em Klo

Ich nohm all minge Mot zesamme,

öm ming Levve ze singe

Un kräät nor jessaat,

dat weed dir nie jelinge

 

Un ich daach an ming Heimat,

aan die Sproch die ich sprech

Wo ich hin jehüüre,

dat es minge Wäsch

Also han ich Junge jefunge,

un mich draan jemaat

öm nor för üch ze singe,

ming Kölle, Alaaf

 

Ich jeff alles, alles un janz ...

Ich gevv alles

Ich wor ne kleine Panz

met Helde un Dräum

Su huh gehange,

an Kölns höchste Bäum

Ich wollt spille wie Litti, för der FC

Ich dät trainiere un bieße,

un doch ben ich hee.

 

Ich wor schon aangekumme,

do kom dä kleine Moment,

Dä gnadenlos einfach,

Wunsch un Wohrheit trennt.

Et gitt Minsche em Levve,

denne bes do egal,

Un doch han ich mir geschwore,

op Ihr un Moral:

 

Refrain:

Ich gevv alles, alles un ganz

Ich gevv alles, ich bruch nor ming Chance

Ich gevv alles, un noch vill mih

Un ich nutz jede kleine Moment,

un zwing et Pech en de Knee.

 

Ich kann üch jet verzälle, vun TV un Co

Wo Aanstand un Respek,

lige längs schon em Klo

Ich nohm all minge Mod zesamme,

öm ming Levve ze singe

Un kräht nor gesaht,

dat weed dir nie gelinge.

 

Un ich daach an ming Heimat,

an die Sproch, die ich sprech,

Wo ich hingehüre,

dat es minge Wäg

Also han ich Junge gefunge,

un mich draangemaht

öm nor för üch ze singe,

ming Kölle, Alaaf

 

Ich gevv alles, alles un ganz ...

Ich gebe alles

Ich war ein kleines Kind

mit Helden und Träumen

So hoch gehangen,

an Kölns höchsten Bäumen

Ich wollte spielen wie Litti, für den FC

Ich trainierte und biss,

und doch bin ich hier.

 

Ich war schon angekommen,

da kam der kleine Moment,

Der gnadenlos einfach,

Wunsch und Wahrheit trennt.

Es gibt Menschen im Leben,

denen bist du egal,

Und doch habe ich mir geschworen,

auf Ehre und Moral:

 

Refrain:

Ich gebe alles, alles und ganz

Ich gebe alles, ich brauche nur meine Chance

Ich gebe alles, und noch viel mehr

Und ich nutze jeden kleinen Moment,

und zwinge das Pech in die Knie.

 

Ich kann euch etwas erzählen, von TV und Co

Wo Anstand und Respekt,

liegen längs schon im Klo

Ich nahm all meinen Mut zusammen,

um mein Leben zu singen

Und kriegte nur gesagt,

das wird dir nie gelingen.

 

Und ich dachte an meine Heimat,

an die Sprache, die ich spreche,

Wo ich hingehöre,

das ist mein Weg.

Also habe ich Jungen gefunden,

und mich drangemacht

Um nur für euch zu singen,

mein Köln, Alaaf

 

Ich gebe alles, alles und ganz ...