Ich bin Kölner

Tja, ich, ich bin schon jett janz besonderes…..

Woröm? Tja ich bin ne echte Kölsche Jung,

un dat is halt jett janz besonderes…

Ja der Kölner weed wohl om Wasserwääch

he sing Stadt erreicht hann.

He ben ich, he bliev ich. Su oder su ähnlich

sochen wohl sing Jedanke uss.

Et is och nit bekannt ob an dä Stell

dat Jeföhl des auserwählten schon Einzoch heelt.

Die Minsche he allerdings lääven bestemmp

mit däm Jeföhl, jett janz besonderes zo sinn.

 

Maat üch kein Sorch, ich weede nit unjerääch,

ävver ich bin Kölner, un jett janz besonderes.

In minger Bruss schlääht eh ech kölsch Hätz.

Un durch ming Odere läuf Kölsches Bloot.

Die Leeder die ming Stemm singk sin Kölsche Leeder.

Ruut un Wieß sin ming Färve

un die vun mingem Verein, däm eetzte FC Kölle.

Als ahle FC Fan jonn ich jo zo alle Heimspille

mit nem löstije Leed op de Lippe.

Dä Hennes es jo quasi sowas

wie mein Tierschutzprojekt

wat ich schon üvver vill Hennesjohre hinweg verfolje.

 

Jeden Daach fahre ich üvver uns Kölsche Bröcke,

ohne Stress, Step by Step quasi.

Schliesslich sin mir jo die Südländer des Westens,

manana, manana, manana.

 

Der Vatter Rhing hätt irjendwann beschlosse

sing Fließeschwindichkeit he durch Kölle

erheblich zo bremse.

Et jefällt däm halt he su joot bei uns.

 

Am Eng vum Daach, aff un zo

in der Midde vum Daach, eher selten am morje,

bruch dä echte kölsche sieh Kölsch.

Et beste Obergärige Bier Weltweit,

un natürlich mit joodem kölsche Wasser jebraut.

 

Der jröößte Wunsch vun jedem kölsche Jung is,

einmol Prinz zo sinn in Kölle am Rhing.

Wat fürn prächtije Ware zeije mir

am Ruusemoondaach däm Ress vun der Welt.

Ming Pänz die weeden natürlich im Dom jedäuf.

Ach jo, Un dann die Hüssjer

bunt om Aldermaat,

die zeujen kölscher Eijenart.

Wer hätt je jett schöneres jesinn?

 

Also, selvs wenn ich ens Duud bin

weede ich et noch kölsch hann op Melote.

Ihr meint ich üvverdriewe?

Ja joot, och eh kölsch Hätz kritt ene Herzinfarkt.

Vun zovill Flönz verkalk och et kölsche Bloot.

Met Raucherstemm klingen och kölsche Leeder nit ...,

oder doch?

 

Jo, ich jewwe zo, dä FC verliert einmol,

oder zweimol, oder su

ävver die Stimmung im Stadion is doch immer klasse.

Dofür kritt dä Hennes och bei jedem Spill

Frikadelle metjebraht.

Och un weil dä jo Vegetarier is.

 

Also uns Bröcke sinn ävver och wirklich klasse,

wenn se nit jrad gesperrt sinn.

mer hätt jo immer jenooch zick

dä Blick ob dä Rhing zo jenesse,

un Fotos jitt et dovun och, sujar ob Rechnung.

Die kummen dann eh paar Woche späder.

 

Naja dä Rhing kütt uns jo öfter besöke

als uns leev is,

da mir kölsche däm jo vor langer Zick

singe Platz jekläut

un däm he e neu Bett jemaaht hann.

 

Eh paar eifrije Kölschtrinker sinn ömmjetrocke

ob dr Rudolfplatz un de Domplaat.

Die jeneesse jetz dä Duff vun unfreiwillger Freiheit.

Jetz kann et bei denne och Altbier oder Fusel sinn.

 

Vum Ruusemoondaachszoch 38 hann ich nix jewoss.

Et heiß mir Kölsche woren och do sehr kreativ.

 

Schwaadlappe behaupten,

die Altstadt vun Düsseldorf es och nit schlääch,

un teilweise sujar älder ... naja …

 

Ob vorzeitije Anfrare

hätt mir die Friedhofsverwaltung vun Melote mittjedeilt,

se wullen mich nit.

Mir fählt der Name un die Million.

 

Häs du de Sonn je om Wasser glitzere jesinn,

oder ne Ihsbär om Packeis?

Die Welt es schön, Kölle es schön…

jo, un ich, ich bin jett janz besonderes,

ich ben ene Kölsche Jung …

Ich bin Kölner

Tja, ich, ich ben schon jet ganz besonderes ...

Woröm? Tja, ich ben ne echte kölsche Jung,

un dat es halt jet ganz besonderes …

Ja, der Kölner weed wall om Wasserwäg

hee sing Stadt erreich han.

Hee ben ich, hee bliev ich. Su oder su ähnlich

sochen wall sing Gedanke us.

Et es och nit bekannt, ov an dä Stell

dat Geföhl "des Auserwählten" schon Enzog heelt.

Die Minsche hee allerdings levven bestemmp

met däm Geföhl, jet ganz besonderes zo sin.

 

Maht üch kein Sorg, ich weede nit ungerääch,

ävver ich ben Kölner un jet ganz besonderes.

En minger Bross schleiht e ech kölsch Hätz.

Un durch ming Odere läuf kölsch Blod.

Die Leeder, die ming Stemm singk, sin kölsche Leeder.

Rud un Wieß sin ming Färve

un die vun mingem Verein, däm eetste FC Kölle.

Als aale FC-Fan gonn ich jo zo all Heimspille

met nem löstige Leed op de Leppe.

Der Hennes es jo quasi "sowas

wie mein Tierschutzprojekt",

wat ich schon üvver vill Hennesjohre hinweg verfolge.

 

Jeden Dag fahre ich üvver uns kölsche Bröcke,

ohne Stress, Step by Step quasi.

Schleeßlich sin mir jo "die Südländer des Westens",

manana, manana, manana.

 

Der Vatter Rhing hät irgendwann beschlosse,

sing Fleeßgeschwindigkeit hee durch Kölle

erheblich zo bremse.

Et gefällt däm halt hee su god bei uns.

 

Am Eng vum Dag, av un zo

en der Medde vum Dag, eher selden am Morge,

bruch dä echte Kölsche si Kölsch.

Et beste obergärige Bier weltweit,

un natörlich met godem kölsche Wasser gebraut.

 

Der größte Wunsch vun jedem kölsche Jung es,

eimol Prinz zo sin en Kölle am Rhing.

Wat för 'n prächtige Wage zeige mir

am Rusemondag dem Ress vun der Welt.

Ming Pänz die weeden natörlich em Dom gedäuf.

Ach jo, un dann die Hüüscher

bunt om Aldermaat,

die zeugen vun kölscher Eigenaat.

Wä hät je jet schöneres gesinn?

 

Alsu, selvs wann ich ens dud ben

weede ich et noch kölsch han op Melote.

Ehr meint ich üvverdrieve?

Ja god, och e kölsch Hätz kritt ene Hätzinfark.

Vun zo vill Flönz verkalk och et kölsche Blod.

Met Raucherstemm klingen och kölsche Leeder nit ...,

oder doch?

 

Jo, ich gevve zo, der FC verliert eimol,

oder zweimol, oder su

ävver die Stimmung em Stadion es doch immer klasse.

Doför kritt der Hennes och bei jedem Spill

Frikadelle metgebraht.

Och un weil dä jo Vegetarier es.

 

Alsu uns Bröcke sin ävver och wirklich klasse,

wann se nit grad gesperrt sin.

Mer hät jo immer genog Zigg

dä Bleck op der Rhing zo geneeße,

un Fotos gitt et dovun och, sugar op Rechnung.

Die kummen dann e paar Woche späder.

 

Naja, der Rhing kütt uns jo öfter besöke

wie uns leev es,

da mir Kölsche däm jo vör langer Zigg

singe Plaatz gekläut

un däm hee e neu Bedd gemaht han.

 

E paar eifrige Kölschdrinker sin ömgetrocke

op der Rudolfplatz un de Domplaat.

Die geneeße jetz dä Duff vun unfreiwilliger Freiheit.

Jetz kann et bei denne och Altbier oder Fusel sin.

 

Vum Rusemondagszog 38 han ich nix gewoss.

Et heiß, mir Kölsche woren och do sehr kreativ.

 

Schwaadlappe behaupten,

die Aldstadt vun Düsseldorf es och nit schlääch,

un teilweise sugar älder ... naja …

 

Op vorzeitige Anfrage

hät mir die Friedhofsverwaltung vun Melote metgedeilt,

se wollen mich nit.

Mir fählt der Name un die Million.

 

Häs do de Sonn je om Wasser glitzere gesinn

oder ne Iesbär om Packies?

Die Welt es schön, Kölle es schön …

jo, un ich, ich ben jet ganz besonderes,

ich ben ene kölsche Jung …

Ich bin Kölner

Tja, ich, ich bin schon etwas ganz besonderes ...

Warum? Tja, ich bin ein echter kölscher Junge,

und das ist halt etwas ganz besonderes …

Ja, der Kölner wird wohl auf dem Wasserweg

hier seine Stadt erreicht haben.

Hier bin ich, hier bleibe ich. So oder so ähnlich

sahen wohl seine Gedanken aus.

Es ist auch nicht bekannt, ob an der Stelle

das Gefühl "des Auserwählten" schon Einzug hielt.

Die Menschen hier allerdings leben bestimmt

mit dem Gefühl, etwas ganz besonderes zu sein.

 

Macht euch keine Sorgen, ich werde nicht ungerecht,

aber ich bin Kölner und etwas ganz besonderes.

In meiner Brust schlägt ein echt kölsches Herz.

Und durch meine Adern läuft kölsches Blut.

Die Lieder, die meine Stimme singt, sind kölsche Lieder.

Rot und Weiß sind meine Farben

und die von meinem Verein, dem ersten FC Köln.

Als alter FC-Fan gehe ich ja zu allen Heimspielen

mit einem lustigen Lied auf den Lippen.

Der Hennes ist ja quasi "sowas

wie mein Tierschutzprojekt",

was ich schon über viele Hennesjahre hinweg verfolge.

 

Jeden Tag fahre ich über unsere kölschen Brücken,

ohne Stress, Step by Step quasi.

Schließlich sind wir ja "die Südländer des Westens",

manana, manana, manana.

 

Der Vater Rhein hat irgendwann beschlossen,

seine Fließgeschwindigkeit hier durch Köln

erheblich zu bremsen.

Es gefällt dem halt hier so gut bei uns.

 

Am Ende des Tages, ab und zu

in der Mitte des Tages, eher selten am Morgen,

braucht der echte Kölsche sein Kölsch.

Das beste obergärige Bier weltweit,

und natürlich mit gutem kölschen Wasser gebraut.

 

Der größte Wunsch von jedem kölschen Jungen ist,

einmal Prinz zu sein in Köln am Rhein.

Was für prächtige Wagen zeigen wir

am Rosenmontag dem Rest der Welt.

Meine Kinder werden natürlich im Dom getauft.

Ach ja, und dann die Häuschen

bunt auf dem Altermarkt,

die zeugen von kölscher Eigenart.

Wer hat je etwas schöneres gesehen?

 

Also, selbst wenn ich mal tot bin

werde ich es noch kölsch haben auf Melaten.

Ihr meint ich übertreibe?

Ja gut, auch ein kölsches Herz kriegt einen Herzinfarkt.

Von zu viel Blutwurst verkalkt auch das kölsche Blut.

Mit Raucherstimme klingen auch kölsche Lieder nicht,

oder doch?

 

Ja, ich gebe zu, der FC verliert einmal,

oder zweimal, oder so

aber die Stimmung im Stadion ist doch immer klasse.

Dafür kriegt der Hennes auch bei jedem Spiel

Frikadellen mitgebracht.

Auch und weil der ja Vegetarier ist.

 

Also unsere Brücken sind aber auch wirklich klasse,

wenn sie nicht gerade gesperrt sind.

Man hat ja immer genug Zeit

den Blick auf den Rhein zu genießen,

und Fotos gibt es davon auch, sogar auf Rechnung.

Die kommen dann ein paar Wochen später.

 

Naja, der Rhein kommt uns ja öfter besuchen

als uns lieb ist,

da wir Kölschen dem ja vor langer Zeit

seinen Platz geklaut

und dem hier ein neues Bett gemacht haben.

 

Ein paar eifrige Kölschtrinker sind umgezogen

auf den Rudolfplatz und die Domplatte.

Die genießen jetzt den Duft von unfreiwilliger Freiheit.

Jetzt kann es bei denen auch Altbier oder Fusel sein.

 

Vom Rosenmontagszug 38 habe ich nichts gewusst.

Es heißt, wir Kölschen waren auch da sehr kreativ.

 

Klugscheißer behaupten,

die Altstadt von Düsseldorf ist auch nicht schlecht,

und teilweise sogar älter ... naja …

 

Auf vorzeitige Anfrage

hat mir die Friedhofsverwaltung von Melaten mitgeteilt,

sie wollen mich nicht.

Mir fehlt der Name und die Million.

 

Hast du die Sonne je auf dem Wasser glitzern gesehen

oder einen Eisbären auf dem Packeis?

Die Welt ist schön, Köln ist schön …

ja, und ich, ich bin etwas ganz besonderes,

ich bin ein kölscher Junge …