Em zibbelonische Gahde

Die Famillje Pitterzillje allemolde em Fulldreß

jinke botterambelade

en der zoolosche Jahde,

denn för Deere intresseere

deiht sich jeder ens jeweß

un wenn bellije Sonndag essteiht

mer sich dobei et bess

Chress, pass op jetz, un Adele

he süht mer Aape Bäre, Löwe un Kamele

vill Jeflüjel un och Mösche,

sujar Vüjjel die och spreche

un der Chress reef:”Wat e Jeschrei do

vun däm pi-pi, dä po- po- po, däm Pa-Pa- gei do

ich gäuv, dä kennt dich, Papp

denn jrad reef hä: Do versoffe Plaat.”

 

Dat Adele, diese Seele wor dä Deere Fründ em Nu.

It säht:” Zartes Seehund flößlein

reizendes Rinozerößlein.”

Nor e Kningche mäht e Müngche.

“Papa, guck doch einmal zu,

dat Kning dat ärgert mich sühs du,

dat waggelt met der Muhl esu.”

Un der Elefant däht schänge:

“Nä wat se meer doch

für en Esse meddags brenge

nor Kanalijevüjrlszüngelchenszüppchenszäusche

alle Augenblecks do muß mer op et Häus’che”

Do e Zebra kom jesprunge

do reef dä Christian:

“No süch ens wie jelunge,

Papp do kütt e Pähd eran,

dat hät e Fußballtrikot an.”

 

Wat der Löw do eesch bedröv wor

bes de Mama vör im stunnt,

kaum sooch hä de Mamm, die decke,

daach: ha, dat wör

jet zom verdröcke,

diese Schinken, wie sie winken,

dat wör jet för minge Schlund”

Doch se jinge wigger rund,

einer reef su laut hä kunnt:

Die Kamele sin zom Wälze,

mer meint, e Sibbejebirg

spazeeten he op Stelze,

Papp, do kütt ene Storch jestitzelt,

doch dä Aahl säht janz jekitzelt:

“Su ‘ne Klapperstorch e Veeh es,

weil dä vum Titititikakakakaka-See es.

Loß meer jonn, dä bieß jemein

de Mama immer en et Bein”

 

Die Famillje Pitterzillje hä sich jede Aap beloort.

“Mama” säht dä Chress “wie dämlich

süht die Aap däm Papp nit ähnlich?”

“Domme Puut do, halt ding Schnuut jo!”

reef die Mama voller Wot.

“Jo woröm dann” säht dä Puut,

“Dat hät die Aap doch nit gehoot!”

Hinger, em Insektenhäus’che,

do süht mer Kackerlacke, Wanze, Heimermäusche.

“Do bruch keiner hinzolaufe,

der ha’meer selvs ne janze Haufe”

“Kutt” reef sei, “ich mööch no Huhs jonn,

ich han e Wölfje,

un dat es nit mieh zom uhsstonn.”

“Ei”, reef do dä Chress “wie fein,

dat Wölfje nemme meer met heim.”

 

Em zibbelonische Gaade

Die Famillie Pitterzillie allemolde em Fulldress

gingke botterammbelade

en der zoologische Gaade,

denn för Deere intresseere

deit sich jeder ens gewess

un wann bellige Sonndag es,

steiht mer sich dobei et Bess.

Chress, pass op jetz, un Adele

hee süht mer Aape Bäre, Löwe un Kamele

vill Geflügel un och Mösche,

sugar Vügel, die och spreche

un der Chress reef: ”Wat e Geschrei do

vun däm pi-pi, dä po- po- po, däm Pa-Pa-gei do

ich gläuv, dä kennt dich, Papp

denn grad reef hä: Do versoffe Plaat.”

 

Dat Adele, diese Seele, wor dä Deere Fründ em Nu.

It säht:” Zartes Seehundflösslein

reizendes Rhinozerösslein.”

Nor e Kningche mäht e Müngche.

“Papa, guck doch einmal zu,

dat Kning dat ärgert mich, sühs do,

dat waggelt met der Muul esu.”

Un der Elefant dät schänge:

“Nä, wat se mir doch

för en Esse meddags bränge

nor Kanaljevügelszüngelchenszüppchenszäußche

alle Augenblecks, do muss mer op et Häusche”

Do e Zebra kom gesprunge,

do reef dä Christian:

“No süch ens wie gelunge,

Papp, do kütt e Pääd eran,

dat hät e Fußballtrikot an.”

 

Wat der Löw do eesch bedröv wor

bes de Mama vör im stundt,

kaum soch hä de Mamm, die decke,

daach: ha, dat wör

jet för ze Verdröcke,

diese Schinken, wie sie winken,

dat wör jet för minge Schlund.

Doch se ginge wigger rund,

einer reef su laut hä kunnt:

Die Kamele sin för ze Wälze,

mer meint, e Sibbegebirg

spazeeten hee op Stelze,

Papp, do kütt ene Storch gestitzelt,

doch dä Aal säht ganz gekitzelt:

“Su ‘ne Klapperstorch e Veeh es,

weil dä vum Titititikakakakaka-See es.

Loss meer gonn, dä bieß gemein

de Mama immer en et Bein”

 

Die Famillie Pitterzillie hee sich jede Aap beloort.

“Mama” säht dä Chress “wie dämlich

süht die Aap däm Papp nit ähnlich?”

“Domme Puut do, hald ding Schnut jo!”

reef die Mama voller Wod.

“Jo woröm dann” säht dä Puut,

“Dat hät die Aap doch nit gehoot!”

Hinge, em Insektenhüüsche,

do süht mer Kackerlacke, Wanze, Heimermüüscher.

“Do bruch keiner hinzolaufe,

der ha’ mir selvs ne ganze Haufe”

“Kutt” reef se, “ich mööch noh Hus gonn,

ich han e Wölfche,

un dat es nit mih för Uszestonn.”

“Ei”, reef do dä Chress “wie fein,

dat Wölfche nemme mir met heim.”

 

Im zibbelonischen Garten

Die Familie Petersilie alle im Fulldress

gingen, beladen mit Butterbroten,

in den zoologischen Garten,

denn für Tiere interessiert

sich jeder mal gewiss

und wenn billiger Sonntag ist,

steht man sich dabei am besten

Christian, pass auf jetzt, und Adele

hier sieht man Affen Bären, Löwen und Kamele

viel Geflügel und auch Spatzen,

sogar Vögel, die auch sprechen

und der Christian rief: ”Was für ein Geschrei da

von dem pi-pi, dem po- po- po, dem Pa-Pa-gei da

ich glaube, der kennt dich, Papa

denn gerade rief er: Du versoffene Glatze.”

 

Die Adele, diese Seele war der Tiere Freund im Nu.

Sie sagt:” Zartes Seehundflösslein

reizendes Rinozerösslein.”

Nur ein Kaninchen macht ein Mündchen.

“Papa, guck doch einmal zu,

das Kaninchen, das ärgert mich, siehst du,

das wackelt mit dem Maul so.”

Und der Elefant schimpfte:

“Nein, was sie mir doch

für ein Essen mittags bringen

nur Kanarienvogelszüngelchensüppchensößchen

alle Augenblicke, da muss man aufs Häuschen”

Da ein Zebra kam gesprungen,

da rief der Christian:

“Nun sieh mal wie gelungen,

Papa, da kommt ein Pferd heran,

das hat ein Fußballtrikot an.”

 

Was der Löwe da erst betrübt war,

bis die Mama vor ihm stand,

kaum sah er die Mama, die dicke,

dachte: ha, das wäre etwas zum verdrücken,

diese Schinken, wie sie winken,

das wäre etwas für meinen Schlund”

Doch sie gingen weiter rund,

einer rief so laut er konnte:

Die Kamele sind zum Wälzen,

man meint, ein Siebengebirge

spazierte hier auf Stelzen,

Papa, da kommt ein Storch

mit kleinen Schritten an,

doch der Alte sagt ganz gekitzelt:

“So ein Klapperstorch ein Vieh ist,

weil der vom Titititikakakakaka-See ist.

Lasst uns gehen, der beißt gemein

die Mama immer ins Bein”

 

Die Familie Petersilie hier sich jeden Affe ansieht.

“Mama” sagt der Christian “wie dämlich,

sieht der Affe dem Papa nicht ähnlich?”

“Dummes Kind du, halt deinen Mund ja!”

rief die Mama voller Wut.

“Ja warum denn” sagt das Kind,

“Das hat der Affe doch nicht gehört!”

Hinten, im Insektenhäuschen,

da sieht man Kakerlaken, Wanzen, Heimchen.

“Da braucht keiner hinzulaufen,

davon haben wir selbst einen ganzen Haufen”

“Kommt” rief sie, “ich möchte nach Hause gehen,

ich habe ein Wölfchen,

und das ist nicht mehr zum Ausstehen.”

“Ei”, rief da der Christian “wie fein,

das Wölfchen nehmen wir mit heim.”