Ich jonn kapott

Uns Name prange stolz un schäl,

in Kupfer injraveet

E Hätz, en Zahl, för immer,

wä hätt jewuss wat dann passeet

Alt, zerschramp un rostich,

am Jeländer vun der Brück

Et rüch als hät ene Hungk ald draanjesick

 

Et wor ne Daach voll jolde Sonn,

su han ich et em Kopp

Vür ener halven Iewigkeit,

die Zick määt mich beklopp

Dä Schlüssel litt flussaffwärts

irjendwo im deefe Schlamm

Hück schingk de Sonn nit mieh,

un de Bröck es klamm

 

Kumm un schnigg mi Hätz

Met enem Bolzeschnigger erus

Zerbiess dat Schloss

un wirf et in dä Fluss

Un et singk zum Jrund,

met Alje, Schlick un Teer

Schmiess mi Hätz jlich hingerher

 

Kumm un schlaach uns Welt

Mit enem Vürschlaachhammer en

Un die dausen Schirve jevve keine Sinn

Un dann jank, kumm jank,

dann bes Du endlich fott

Du jeihs zo em,

Un ich, ich jonn kapott

 

He hing dat Deil jetz Daach un Naach

bei Rään un Sunnesching

Als künnt et irjendjet konserviere

dat dumme rude Ding

Als künnt et uns üvver Wasser halde,

als wöre mer noch zwei

Der ICE noh Hamburch rausch vörbei

 

Dä Jriff us Chrom Vanadium

litt köhl in minger Hand

Dä Büjel us jehärtetem Stahl

dä leiss noch Widderstand

ävver wie die Zick an uns jedaach,

zerbrich et doch zoletz

Kumm ich schenk Dir hück Naach

mi halves¹ Hätz

Kumm un schnigg mi Hätz

 

Du häss ens jesaat,

dat dat met uns jet besonderes es

Luur wie et jeloofe es,

wat üvverich es ne Haufe Driss

Un he dat Schloss an der Bröck,

unser Monument

Luur uns aan hück, di Hätz es Stein,

un mings dat brennt

 

Keine Jewinner doch

in minger Bruss e Scheissloch

Du häs jesaat dat weed för immer sin,

weiss Du noch?

 

Doch för immer jing nur bes he hin,

wigger nit

Du saats am Anfang nur

du bruchs e besje Zick för Dich?

 

Wer is dat Sackjeseech,

hä kritt Dich aff un ich?

Ich wööd ihm su jään wieh dun,

doch dat maach ich nit

Dat friss mich richtig aan,

wat hätt der wat ich nit han

Hä hätt wat ich nit han,

es jede Naach dinge Mann

 

Häss die Welt usjemolt,

ich der Papp Du die Mama

Jetzt schlääs Du alles am Arsch

mit dem Vürschlaachhammer

Nur noch Schirve, Schund un Schrott,

un wenn Du Dich irjendwann fröchs

wohin ich jejange ben

ich jonn kapodd

 

11. grammatisch nicht möglich

Ich gonn kapodd

Uns Name prange stolz un schääl,

en Koffer engraveet.

E Hätz, en Zahl, för immer,

wä hätt gewoss, wat dann passeet?

Ald, zerkatsch un rostig

am Geländer vun der Bröck.

Et rüch, als hätt ene Hungk ald draangeseck.

 

Et wor ne Dag voll golde Sonn,

su han ich et em Kopp,

vür ener halven Iwigkeit,

die Zigg mäht mich beklopp.

Dä Schlössel litt flossavwääts

irgendwo em deefe Schlamm.

Hügg schingk de Sonn nit mih,

un de Bröck es klamm.

 

Kumm un schnigg mi Hätz

met enem Bolzeschnigger erus!

Zerbieß dat Schloss

un werf et en dä Floss.

Un et sink nohm Grund,

met Alge, Schlick un Teer.

Schmieß mi Hätz glich hingerher!

 

Kumm un schlag uns Welt

met enem Vürschlaghammer en

un die dausend Scherve gevve keine Senn.

Un dann gangk, kumm gangk,

dann bes do endlich fott.

Do geihs bei in

un ich, ich gonn kapodd.

 

Hee hing dat Deil jetz Dag un Naach

bei Rähn un Sonnesching

als künnt et irgendjet konserviere,

dat domme rude Ding,

als künnt et uns üvver Wasser halde,

als wöre mer noch zwei.

Der ICE noh Hamburg ruusch vörbei.

 

Dä Greff us Chrom Vanadium

litt köhl en minger Hand.

Dä Bügel us gehäädtem Stahl,

dä leis noch Widderstand.

ävver wie de Zick an uns gedaach,

zerbrich et doch zoletz.

Kumm ich schenk dir hügg Naach

mi halv Hätz.

Kumm un schnigg mi Hätz!

 

Do häs ens gesaht,

dat dat met uns jet Besonderes es.

Luur, wie et gelaufen es,

wat üvverig, es ne Haufe Dress.

Un hee dat Schloss an der Bröck,

uns Monument.

Luur uns aan hügg, di Hätz es Stein,

un mings dat brennt.

 

Kein Gewenner, doch

en minger Bross e Scheißloch.

Do häs gesaht, dat weed för immer sin,

weiß do noch?

 

Doch "för immer" ging nor bes hee hin,

wigger nit.

Do sahts am Aanfang nor,

du bruchs e bessche Zigg för dich.

 

Wä es dat Sackgeseech,

hä kritt dich av un ich?

Ich dät im su gään wih dun,

doch dat maach ich nit.

Dat friss mich richtig aan,

wat hät dä, wat ich nit han?

Hä hät, wat ich nit han,

es jede Naach dinge Mann.

 

Häs de Welt usgemolt,

ich der Papp, do die Mama.

Jetzt schleihs do alles am Aasch

met dem Vürschlaghammer.

Nor noch Scherve, Schund un Schrott,

un wenn do dich irgendwann frögs,

wohin ich gegange ben,

ich gonn kapodd.

Ich gehe kaputt

Unsere Namen prangen stolz und schief

in Kupfer eingraviert.

Ein Herz, eine Zahl, für immer,

wer hätte gewusst, was dann passiert?

Alt, zerschrammt und rostig

am Geländer der Brücke.

Es riecht, als hätte ein Hund drangepinkelt.

 

Es war ein Tag voll goldener Sonne,

so habe ich es im Kopf,

vor einer halben Ewigkeit,

die Zeit macht mich verrückt.

Der Schlüssel liegt flussabwärts,

irgendwo im tiefen Schlamm.

Heute scheint die Sonne nicht mehr

und die Brücke ist klamm.

 

Komm und schneide mein Herz

mit einem Bolzenschneider heraus.

Zerbeiße das Schloss

und wirf es in den Fluss.

Und sinkt es zum Grund,

mit Algen, Schlick und Teer,

schmeiße mein Herz gleich hinterher.

 

Komm und schlage unsere Welt

mit einem Vorschlaghammer ein

und die tausend Scherben geben keinen Sinn.

Und dann gehe, los gehe,

dann bist du endlich fort.

Du gehst zu ihm,

und ich, ich gehe kaputt.

 

Hier hing das Teil jetzt Tag und Nacht

bei Regen und Sonnenschein,

als könnte es irgendwas konservieren,

das dumme, rote Ding,

als könnte es uns über Wasser halten,

als wären wir noch zwei.

Der ICE nach Hamburg rauscht vorbei.

 

Der Griff aus Chrom Vanadium

liegt kühl in meiner Hand.

Der Bügel aus gehärtetem Stahl,

der leistet noch Widerstand.

Aber wie die Zeit an uns gedacht,

zerbricht er doch zuletzt.

Komm, ich schenke dir heute Nacht

mein halbes Herz.

Komm, und schneide mein Herz.

 

Du hast mal gesagt,

dass das mit uns etwas besonderes ist.

Schau, wie es gelaufen ist,

was übrig, ist ein Haufen Mist.

Und hier das Schloss an der Brücke,

unser Monument.

Schau uns heute an, dein Herz ist Stein

und meins das brennt.

 

Keine Gewinner, doch

in meiner Brust ein Scheißloch.

Du hast gesagt, das wird für immer sein,

weißt du noch?

 

Doch "für immer" ging nur bis hierhin,

weiter nicht.

Du sagtest am Anfang nur,

du brauchst ein bisschen Zeit für dich.

 

Wer ist das Sackgesicht,

er bekommt dich ab und ich?

Ich würde ihm so gerne wehtun,

doch das mache ich nicht.

Das frisst mich richtig an,

was hat der, was ich nicht habe?

Er hat etwas, was ich nicht habe,

ist jede Nacht dein Mann.

 

Hast die Welt ausgemalt,

ich der Papa, du die Mama.

Jetz schlägst du alles entzwei

mit dem Vorschlaghammer.

Nur noch Scherben, Schund und Schrott

und wenn du dich irgendwann einmal fragst,

wohin ich gegangen bin .

ich gehe kaputt!!