Schääl Sick

Als ich ne kleine Panz wor, noch kein elf Johr,

do schenkte mir dä Papp en ahl Jittar

 

Ich wuss nit, wie mer spille dät, han einfach nor probiert

un schnell dat eetste Leedche komponiert

 

Et jov paar Jungs in minger Schull, die wore su wie ich:

dä Kopp voll Melodie statt Ungerreech

 

In jeder Paus zum Mosikraum, han einfach su jejammt,

bes einer reef “mir jründe jetz en Band”

 

Oh - Op dä Schäl Sick fing alles an,

wo de Morjesonn zu eets am Himmel steiht

 

Oh - Op dä Schäl Sick fing alles an,

doh, wo mer all sing Dräum noch dräume kann

 

Dä Keller wood zum Proberaum, dä Nohber usjetick,

Green Day un Offspring schon zur Meddagszigg

 

Et Täschejeld wood investiert in Amp un Instrument

För Musik jovve mir et letzte Hemp

 

Dann dä eetste Gig jespillt im Lade vür der Dür

met mih Lück op dä Bühn als wie dovür

 

Doch dat wor uns och ejal, mer lävte för de Kuns

Et jov kei Fans, doch mer hatte uns

 

Oh - Op dä Schäl Sick ...

 

Un wenn se nit jestorve sin, dann spille se noch hück,

die fünf Type vun d’r schäle Sick

 

Zesamme schon su vill erlääv, nor leis wood et nie

Han immer noch dä Kopp voll Melodie

 

Schäl Sick

Wie ich ne kleine Panz wor, noch kein elf Johr,

do schenkte mir dä Papp en aal Gitta.

 

Ich woss nit, wie mer spille dät, han einfach nor probiert

un schnell et eetste Leedche komponiert.

 

Et gov paar Junge en minger Schull, die wore su wie ich:

der Kopp voll Melodie statt Ungerrich.

 

En jeder Paus nohm Musikraum, han einfach su gejammp,

bes einer reef: “Mir gründe jetz en Band!”

 

Oh - Op der Schäl Sick fing alles aan,

wo de Morgesonn zoeets am Himmel steiht.

 

Oh - Op der Schäl Sick fing alles an,

do, wo mer all sing Dräum noch dräume kann.

 

Der Keller woodt zom Proberaum, der Nohber usgetick,

Green Day un Offspring ald zor Meddagszigg.

 

Et Täschegeld woodt investiert en Amp un Instrument.

För Musik gove mir et letzte Hemb.

 

Dann der eetste Gig gespillt em Lade vür der Dür

met mih Lück op der Bühn wie dovür.

 

Doch dat wor uns och egal, mer lävte för de Kuns.

Et jov kei Fans, doch mer hatte uns.

 

Oh - Op der Schäl Sick ...

 

Un wenn se nit gestorve sin, dann spille se noch hügg,

die fünf Type vun der Schäl Sick.

 

Zesamme ald su vill erläv, nor leis woodt et nie.

Han immer noch der Kopp voll Melodie.

 

 

 

 

 

Schäl Sick

Als ich ein kleines Kind, noch keine elf Jahr,

da schenkte mir der Papa eine alte Gitarre.

 

Ich wusste nicht, wie man spielt, habe einfach nur probiert

und schnell das erste Liedchen komponiert.

 

Es gab ein paar Jungs in meiner Schule, die waren so wie ich:

Den Kopf voller Melodien statt Unterricht.

 

In jeder Pause zum Musikraum, haben einfach nur gejammt,

bis einer rief: "Wir gründen jetzt eine Band"

 

Oh - auf der Schäl Sick fing alles an,

wo die Morgensonne zuerst am Himmel steht.

 

Oh - auf der Schäl Sick fing alles an,

da, wo man all seine Träume noch träumen kann.

 

Der Keller wurde zum Proberaum, der Nachbar rastet aus,

Green Day und Offspring schön zur Mittagszeit

 

Das Taschengeld wurde investiert in Verstärker und Instrumente,

für die Musik gaben wir das letzte Hemd.

 

Dann den ersten Gig gespielt im Laden vor der Tür,

mit mehr Leuten auf der Bühne als davor.

 

Doch das war uns auch egal, wir lebten für die Kunst,

es gab keinen Fan, doch wir hatten uns.

 

Oh - auf der Schäl Sick ...

 

Und wenn sie nicht gestorben sind, dann spielen sie noch heute,

die fünf Typen von der Schääl Sick.

 

Zusammen schon so viel erlebt, nur leise wurde es nie,

haben immer noch den Kopf voller Melodien.