Ich söök noh dir

Wie en Stecknodel em Heuhaufe, die sich versteck,

un schwer nur finge lööt, doch wo mer weiß, dat et se jitt.

Wenn mer´t spürt un fess dran jläuv, dat mer ne Deckel fingk,

für jede Pott he op der Ääd, der die Erlösung brengk.

Immer wenn mer´t jrad nit denk, kütt do e Jeföhl,

et kribbelt leich em Buch, et weed alles anders un mer well

de janze Welt ömärme, schreie vür luter Jlöck,

op der Moment waat ich schon lang, vielleich passeet et hück!

 

Ich söök noh dir, vielleich bes do he irjendwo,

ich söök noh dir, vielleich bes do mir schon janz noh.

Ich weiß nit, wie do heiß, un ich weiß nit wer do bes,

doch ich weiß, dat et dich jitt.

 

Ich künnt mich opmaache, lostrecke en de wigge Welt,

dir folje wie ne Detektiv, spioniere, doch ich well

nit öm jede Pries för alles Jeld der Welt opdringlich sin,

ich wade op der Augebleck, en däm ich dich fing.

 

Ich söök noh dir…

 

Wenn mer wöss, wie et es, wie et sich ahnföhlt, dat jroße Jlöck,

un ov mer wirklich richtig litt, verröt nur de Zick.

 

 

 

Ich sök' noh dir

Wie en Stechnodel em Heuhaufe, die sich verstich,

un schwer nor finge lööt, doch wo mer weiß, dat et se gitt.

Wenn mer´t spürt un fess dran gläuv, dat mer ne Deckel fingk

för jede Pott he op der Ääd, dä de Erlösung brängk.

Immer wenn mer´t grad nit denk, kütt do e Geföhl,

et kribbelt leich em Buch, et weed alles anders un mer well

de ganze Welt ömärme, schreie vür luuter Glöck,

op der Moment waad ich ald lang, villleich passeet et hügg!

 

Ich sök‘ noh dir, villleich bes do hee irgendwo,

ich sök‘ noh dir, villleich bes do mir schon ganz noh.

Ich weiß nit, wie do heiß, un ich weiß nit, wä do bes,

doch ich weiß, dat et dich gitt.

 

Ich künnt mich opmaache, losstrecke en de wigge Welt,

dir folge wie ne Detektiv, spioniere, doch ich well

nit öm jede Pries för alles Geld der Welt opdringlich sin,

ich waade op dä Augebleck, en däm ich dich fing.

 

Ich sök noh dir…

 

Wenn mer wöss, wie et es, wie et sich aanföhlt, dat große Glöck,

un ov mer wirklich richtig litt, verröd nor de Zigg.

 

 

 

 

Ich suche nach dir

Wie eine Stecknadel im Heuhaufen, die sich versteckt,

und sich schwer nur finden lässt, doch wo man weiß, dass es sie gibt.

Wenn man es spürt und fest dran glaubt, dass man einen Deckel findet

für jeden Topf hier auf der Erde, der die Erlösung bringt.

Immer wenn man es gerade nicht denkt, kommt da ein Gefühl,

es kribbelt leicht im Bauch, es wird alles anders und man will

die ganze Welt umarmen, schreien vor lauter Glück,

auf den Moment warte ich schon lange, vielleicht passiert es heute!

 

Ich suche nach dir, vielleicht bist du hier irgendwo,

ich suche nach dir, vielleicht bist du mir schon ganz nah.

Ich weiß nicht, wie du heißt, und ich weiß nicht wer du bist,

doch ich weiß, das s es dich gibt.

 

Ich könnte mich aufmachen, losziehen in die weite Welt,

die folgen wie ein Detektiv, spioniere, doch ich will

nicht um jeden Preis für alles Geld der Welt aufdringlichsein,

ich warte auf den Augenblick, in dem ich dich finde.

 

Ich suche nach dir, ...

 

Wenn man wüsste, wie es ist, wie es sich anfühlt, das große Glück,

und ob man wirklich richtig liegt, verrät nur die Zeit.