Dä ein säät su, dä andre su

Sulang et Minsche jitt he op unserer Ääd

weed jeschwaad, jelaach,

jestredde un diskuteet.

Doch jet jenaues weiss keiner,

weder ich noch du.

Dä ein säät su, dä andre su.

 

En jeder Weetschaff aan d`r Thek,

wie et aan d`r Thek esu jeiht,

läuf dä Schwaad zom jode Schluss

miestens immer op die Schöss erus.

Ein Froch, die es für Stimmung joot

„ saach stemmp dat, wat ich do jehoot

,dat ding Frau, su wie m`r säät,

em Bett esu afjeiht wie en Raket ?”

Do bes de eets ens völlich baff

un putz d`r dann de Muul drop af.

 

Refrain:

Dä ein säät su,dä andre su

dat wor em Levve immer `su.

Janz ejal wie m`r et määt ,

janz ejal wat m`r säät,

immer määt m`r et verkeht.

Dä ein säät su, dä andre su,

un dä Esel dä bes du.

Ob m`r et joot meint oder schlääch,

nä, m`r määt et keinem rääch.

 

Kirchefinster für d`r Dom

sorcht für heisse Diskussion.

Gerhard Richter, weltbekannt, famos

entwirf e Finster völlig kostenlos.

Dä Meissner es total jeschock,

springk fass us singem Bischofsrock.

Däm fähle Fijure met Hellijesching,

hät sich wohl selver jään dren jesinn.

Die Diskussion noch wiggerjeiht

bes en alle Iwichkeit.

 

Dä ein säät su, dä andre su ...

 

Depression em Parlament,

kaum einer do, dä Ress dä pennt.

Ordnungsruf, der Adler singt,

Deutschlandlied erklingt.

Punkt Diäterhöhung dann,

lockt die Volksvertreter an.

Alle kumme em Dauerlauf,

un halten et Händchen auf.

Dann sprechen se met einer Stemm

un jedem fällt jet anderes en.

 

Un wenn ding Zick jekumme es,

du hilflos durch et Weltall flüchs,

fröchs du die Engel die do sin

saach, „wie jeiht et en d`r Himmel ren ?

 

Dä ein säät su, dä andre su ...

Dä ein säht su, dä andre su

Sulang et Minsche gitt hee op unser Ääd

weed geschwaadt, gelaach,

gestredde un diskuteet.

Doch jet Genaues weiß keiner,

weder ich noch do.

Dä ein säht su, dä andre su.

 

En jeder Weetschaff an der Thek,

wie et an der Thek esu geiht,

läuf dä Schwaad zom gode Schluss

miestens immer op de Schöss erus.

Ein Frog, die es för Stimmung god

„sag, stemmp dat, wat ich do gehoot,

dat ding Frau, su wie mer säht,

em Bedd esu avgeiht wie en Raket ?”

Do bes de eets ens völlig baff

un putz der dann de Muul drop av.

 

Refrain:

Dä ein säht su,dä andre su

dat wor em Levve immer su.

Ganz egal, wie mer et mäht,

ganz egal, wat mer säht,

immer mäht mer et verkeht.

Dä ein säht su, dä andre su,

un dä Esel, dä bes do.

Ov mer et god meint oder schlääch,

nä, mer mäht et keinem rääch.

 

Kirchefinster för der Dom

sorg för heiße Diskussion.

Gerhard Richter, weltbekannt, famos

entwirf e Finster völlig kostenlos.

Dä Meissner es total geschock,

springk fass us singem Bischofsrock.

Däm fähle Figure met Helligesching,

hätt sich wall selver gään dren gesinn.

Die Diskussion noch wiggergeiht

bes en alle Iwigkeit.

 

Dä ein säht su, dä andre su …

 

Depression em Parlament,

kaum einer do, dä Ress, dä pennt.

Ordnungsruf, der Adler singt,

Deutschlandlied erklingt.

Punk Diäterhöhung dann,

lockt die Volksvertreter an.

Alle kumme em Dauerlauf,

un halden et Händchen auf.

Dann sprechen se met einer Stemm

un jedem fällt jet anderes en.

 

Un wann ding Zigg gekumme es,

do hilflos durch et Weltall flügs,

frögs do die Engel, die do sin

sag, „wie geiht et en der Himmel ren ?

 

Dä ein säht su, dä andre su …

Der eine sagt so, der andere so

So lange es Menschen gibt hier auf unserer Erde

wird geredet, gelacht,

gestritten und diskutiert.

Doch etwas Genaues weiß keiner,

weder ich noch du.

Der eine sagt so, der andere so.

 

In jeder Wirtschaft an der Theke,

wie es an der Theke so geht,

läuft das Gerede zum guten Schluss

meistens immer auf die Frauen heraus.

Eine Frage, die ist für Stimmung gut

„sag, stimmt das, was ich da gehört,

dass deine Frau, so wie man sagt,

im Bett so abgeht wie eine Rakete?”

Da bist du erst mal völlig baff

und putzt dir dann den Mund drauf ab.

 

Refrain:

Der eine sagt so, der andere so

das war im Leben immer so.

Ganz egal, wie man es macht,

ganz egal, was man sagt,

immer macht man es verkehrt.

Der eine sagt so, der andere so,

und der Esel, der bist du.

Ob man es gut meint oder schlecht,

nein, man macht es keinem recht.

 

Kirchenfenster für den Dom

sorgt für heiße Diskussion.

Gerhard Richter, weltbekannt, famos

entwirft ein Fenster völlig kostenlos.

Der Meissner ist total geschockt,

springt fast aus seinem Bischofsrock.

Dem fehlen Figuren mit Heiligenschein,

hätte sich wohl selber gern drin gesehen.

Die Diskussion noch weitergeht

bis in alle Ewigkeit.

 

Der eine sagt so, der andere so …

 

Depression im Parlament,

kaum einer da, der Rest, der pennt.

Ordnungsruf, der Adler singt,

Deutschlandlied erklingt.

Punkt Diäterhöhung dann,

lockt die Volksvertreter an.

Alle kommen im Dauerlauf,

und halten das Händchen auf.

Dann sprechen sie mit einer Stimme

und jedem fällt etwas anderes ein.

 

Und wenn deine Zeit gekommen ist,

du hilflos durch das Weltall fliegst,

fragst du die Engel, die da sind

sag, „wie geht es in den Himmel rein ?

 

Der eine sagt so, der andere so …