Waade

Me waade - schon em Bauch

vun unsrer Mamm.

Mir waade - dann op unsre eeste Zahn.

Mir waade - un fangen aan ze schwaade!

 

Mit waade - bes mer

der Schull hinger uns han.

Mir waade - un fangen dann

en Lierstell aan,

un mir waade dann

op unsre allereetstes¹ Rendevouz

un waade bes mir uns traue.

 

Jo mir waade op dä Bus

oder op de Stroßebahn,

op dä Führersching und dann -

em Auto en der Schlang.

Mir waade ohne Hemmung

unser ganz klei Levve lang.

Mer waade - am Engk

noch op dr Sensemann!

 

Mir waade - op die Pänz

die mr dann kritt.

Mir waade - dat mr su langsam älder weed.

Mir waade - un fange aan ze froge.

 

Mir waade - schon Mondaachs

op et Wochenengk.

Mir waade - bes dat mer en Rente sin

un mir waaden op schön Wedder

und dann waade mer op Rän.

Mir waade - beim Zahnarz'

op de drette Zäng.

Jo mir waade op dä Zooch

un am Airport ston mer aan,

waaden op dä Doktor u

n för Pille vell zo lang,

aan dä Kass em Supermarkt

ston mer jeduldich en dr Schlang.

Mir waade - am Engk noch

op dä Sensemann!

 

Wat wellste maache?

Et kütt su wie et kütt!

Los mer drövver laache!

E besje waade künne

muss mer künne!

 

Gesprochen:

Also ich persönlich waade jo

üvverhaup nit mieh.

Han ich ming Lück för!

För ne Fuffzijer waad dä

för mich beim Arz',

dann han ich eine am Bahnhof,

dat dat Zooch och kütt,

eine am Bus un eine am Arbeitsamp!

Ich han quasi ständich

vier Lück ungerwäächs!

 

Jo mir waade op dä Bus

oder op de Stroßebahn,

op dä Führersching un dann -

em Auto en dr Schlang.

Mir waade ohne Hemmung

unser janz klei Levve lang.

Mir waade - am Engk

noch op dr Sensemann!

 

Gesprochen:

Et jitt Lück, die waade schon beruflich, ne

also Beruf: Waademeister!

 

Waade un schwaade

schwaade un laache

laache un maache

maache un waade

 

Waade un schwaade

schwaade un laache

waade jeit en de Wade

maache un waade!

 

1 grammatisch inkorrekt

 

Waade

Mer waade - ald em Buch

vun unser Mamm.

Mer waade - dann op unse eetste Zant.

Mer waade - un fangen aan ze schwaade!

 

Mer waade - bes mer

de Schull hinger uns han.

Mer waade - un fangen dann

en Lierstell aan,

un mer waade dann

op uns allereets Rendezvous

un waade, bes mer uns traue.

 

Jo, mer waade op der Bus

oder op de Stroßebahn,

op der Führersching un dann -

em Auto en der Schlang.

Mer waade ohne Hemmung

uns ganz klei Levve lang.

Mer waade - am Engk

noch op der Sensemann!

 

Mer waade - op die Pänz,

die mer dann kritt.

Mer waade - dat mer su langsam älder weed.

Mer waade - un fange aan ze froge.

 

Mer waade - ald mondags

op et Wochenengk.

Mer waade - bes dat mer en Rente sin

un mer waaden op schön Wedder

un dann waade mer op Rähn.

Mer waade - beim Zahnaaz

op de drette Zäng.

Jo, mer waade op der Zog

un am Airport stonn mer aan,

waaden op der Doktor

un för Pille vill zo lang,

an der Kass em Supermaat

stonn mer geduldig en der Schlang.

Mer waade - am Engk noch

op der Sensemann!

 

Wat wells de maache?

Et kütt su, wie et kütt!

Loss mer drüvver laache!

E bessche waade künne

muss mer künne!

 

Gesprochen:

Alsu ich persönlich waade jo

üvverhaup nit mih.

Han ich ming Lück för!

För ne Fuffziger waad dä

för mich beim Aaz,

dann han ich eine am Bahnhoff,

dat der Zog och kütt,

eine am Bus un eine am Arbeidsamp!

Ich han quasi ständig

vier Lück ungerwägs!

 

Jo mer waade op der Bus

oder op de Stroßebahn,

op der Führersching un dann -

em Auto en der Schlang.

Mer waade ohne Hemmung

uns ganz klei Levve lang.

Mer waade - am Engk

noch op der Sensemann!

 

Gesprochen:

Et gitt Lück, die waade schon beruflich, ne

alsu Beruf: Waademeister!

 

Waade un schwaade

schwaade un laache

laache un maache

maache un waade

 

Waade un schwaade

schwaade un laache

waade geiht en de Wade

maache un waade!

 

Warten

Wir warten - schon im Bauch

von unserer Mama.

Wir warten - dann auf unseren ersten Zahn.

Wir warten - und fangen an zu reden!

 

Wir warten - bis wir

die Schule hinter uns haben.

Wir warten - und fangen dann

eine Lehrstelle an,

und wir warten dann

auf unser allererstes Rendezvous

und warten, bis wir uns trauen.

 

Ja, wir warten auf den Bus

oder auf die Straßenbahn,

auf den Führerschein und dann -

im Auto in der Schlange.

Wir warten ohne Hemmung

unser ganzes kleines Leben lang.

Wir warten - am Ende

noch auf den Sensemann!

 

Wir warten - auf die Kinder,

die man dann bekommt.

Wir warten - dass man so langsam älter wird.

Wir warten - und fangen an zu fragen.

 

Wir warten - schon Montags

aufs Wochenende.

Wir warten - bis dass wir in Rente sind

und wir warten auf schönes Wetter

und dann warten wir auf Regen.

Wir warten - beim Zahnarzt

auf die dritten Zähne.

Ja, wir warten auf den Zug

und am Airport stehen wir an,

warten auf den Doktor

und auf Pillen viel zu lange,

an der Kasse im Supermarkt

stehen wir geduldig in der Schlange.

Wir warten - am Ende noch

auf den Sensemann!

 

Was willst du machen?

Es kommt so, wie es kommt!

Lasst uns drüber lachen!

Ein bisschen warten können

muss man können!

 

Gesprochen:

Also ich persönlich warte ja

überhaupt nicht mehr.

Habe ich meine Leute für!

Für einen Fünfziger wartet der

für mich beim Arzt,

dann habe ich einen am Bahnhof,

dass der Zug auch kommt,

einen am Bus und einen am Arbeitsamt!

Ich habe quasi ständig

vier Leute unterwegs!

 

Ja, wir warten auf den Bus

oder auf die Straßenbahn,

auf den Führerschein und dann -

im Auto in der Schlange.

Wir warten ohne Hemmung

unser ganzes kleines Leben lang.

Wir warten - am Ende

noch auf den Sensemann!

 

Gesprochen:

Es gibt Leute, die warten schon beruflich, ne

also Beruf: Wartemeister!

 

Warten und reden

reden und lachen

lachen und machen

machen und warten

 

Warten und reden

reden und lachen

warten geht in die Waden

machen und warten!