Hämmche

Ich han als Kind nit jot jejesse,

de Mamm saat immer: Jung, du muß.

Noh Kühl un Kappes moot ich breche,

dat Zeuch kom immer widder 'rus.

Nur eins, dat han ich jän jemoch,

un dovun krät ich nie jenoch:

Allein schon wenn ich et roch,

su e lecker Hämmche.

 

Jet späder han ich 'rusjefunge,

dat et noch jet anderes jov,

op dat ich unwahrscheinlich stund,

dat wor, als ich mi Rosie trof,

de Beinche stramm un nit zo dönn,

de Bäckche zart, rusich un fing,

schon leef mer et Wasser üvver et Kenn,

denn ich dach an Hämmche.

 

Refrain:

Hämmche - für e Hämmche

loß ich alles ston

Hämmche - für e Hämmche

wöd ich bes noh Neppes jon

Hämmche - für e lecker, lecker Hämmche.

Hämmche - wat wör e Lääve

ohne Hämmche wät,

Hämmche - su e Hämmche

es d'r Himmel op d'r äd,

Hämmche - su e lecker, lecker Hämmche.

 

Ich ston mem Auto vör d'r Ampel,

die es ald lang op Jrön,

hinger mir e Hupkonzert,

ich drieh mich janit öm,

en wieße Jack kütt op mich zo

un schriev jet op e ne Zeddel drop,

ich jevve ming Bestellung op:

Herr Ober, bringen Se bitte en Hämmchen.

 

Hämmche - für e Hämmche...

 

Ich fahre wigger wie em Draum,

plötzlich hür ich wie et kraach,

op eimol sin ich dausend Hämmche,

dann weed ich em Himmel wach.

Ich jov däm Petrus minge Löffel af,

dann jommer en d'r Speisesaal,

an 'nem Desch, su wie beim Sion,

jo do soßen se schon all:

d'r Willi Ostermann, die Läsche Nas

un och d'r Karl Berbuer,

jo, un die schmesse met de Knoche noh mir

und reefen: Jung, küss e beßje spät,

hück jov et Hämmche.

 

Hämmche - für e Hämmche...

 

Hämmche

Ich han als Kind nit god gegesse,

de Mamm saht immer: Jung, do muss.

Noh Kühl un Kappes moot ich breche,

dat Zeug kom immer widder 'rus.

Nor eins, dat han ich gään gemoch,

un dovun kräht ich nie genog:

Allein schon, wann ich et roch,

su e lecker Hämmche.

 

Jet späder han ich 'rusgefunge,

dat et noch jet anderes gov,

op dat ich unwahrscheinlich stundt,

dat wor, als ich mi Rosie trof,

de Beincher stramm un nit zo dönn,

de Bäckcher zaat, rusig un fing,

schon leef mer et Wasser üvver et Kenn,

denn ich daach an Hämmche.

 

Refrain:

Hämmche - för e Hämmche

loss ich alles stonn

Hämmche - för e Hämmche

wöödt ich bes noh Neppes gonn

Hämmche - för e lecker, lecker Hämmche.

Hämmche - wat wör e Levve

ohne Hämmche wäät,

Hämmche - su e Hämmche

es der Himmel op der ääd,

Hämmche - su e lecker, lecker Hämmche.

 

Ich stonn mem Auto vör der Ampel,

die es ald lang op Grön,

hinger mir e Hupkonzert,

ich drih mich gar nit öm,

en wieße Jack kütt op mich zo

un schriev jet op ene Zeddel drop,

ich gevve ming Bestellung op:

Herr Ober, brängen Se bitte en Hämmchen.

 

Hämmche - för e Hämmche...

 

Ich fahre wigger wie em Draum,

plötzlich hür ich, wie et kraach,

op eimol sinn ich dausend Hämmcher,

dann weed ich em Himmel waach.

Ich gov däm Petrus minge Löffel av,

dann gonn mer en der Speisesaal,

an 'nem Desch, su wie beim Sion,

jo do soßen se schon all:

der Willi Ostermann, die Läsche Nas

un och der Karl Berbuer,

jo, un die schmesse met de Knoche noh mir

und reefen: Jung, küss e bessche späd,

hügg gov et Hämmche.

 

Hämmche - för e Hämmche...

 

Eisbein

Ich habe als Kind nicht gut gegessen,

die Mama sagte immer: Junge, du musst.

Nach Kühl¹ und Kappes² musste ich brechen,

das Zeug kam immer wieder raus.

Nur eins, das habe ich gern gemocht,

und davon kriegte ich nie genug:

Allein schon, wenn ich es roch,

so ein leckeres Eisbein.

 

Etwas später habe ich rausgefunden,

dass es noch etwas anderes gab,

auf das ich unwahrscheinlich stand,

das war, als ich meine Rosie traf,

die Beinchen stramm und nicht zu dünn,

die Bäckchen zart, rosig und fein,

schon lief mir das Wasser übers Kinn,

denn ich dachte an Eisbein.

 

Refrain:

Eisbein- für ein Eisbein

lasse ich alles stehen

Eisbein- für ein Eisbein

würde ich bis nach Nippes gehen

Eisbein- für ein leckeres, leckeres Eisbein.

Eisbein- was wäre ein Leben

ohne Eisbeinwert,

Eisbein- so ein Eisbein

ist der Himmel auf der Erde,

Eisbein- so ein leckeres, leckeres Eisbein.

 

Ich stehe mit dem Auto vor der Ampel,

die ist schon lange auf Grün,

hinter mir ein Hupkonzert,

ich drehe mich gar nicht um,

eine weiße Jacke kommt auf mich zu

und schreibt etwas auf einen Zettel drauf,

ich gebe meine Bestellung auf:

Herr Ober, bringen Sie bitte ein Eisbein.

 

Eisbein- für ein Eisbein...

 

Ich fahre weiter wie im Traum,

plötzlich höre ich, wie es kracht,

auf einmal sehe ich tausend Eisbein,

dann werde ich im Himmel wach.

Ich gab dem Petrus meinen Löffel ab,

dann gehen wir in den Speisesaal,

an einem Tisch, so wie beim Sion,

ja da saßen sie schon alle:

der Willi Ostermann, die Läschen Nas

und auch der Karl Berbuer,

ja, und die schmissen mit den Knochen nach mir

und riefen: Junge, kommst ein bisschen spät,

heute gab es Eisbein.

 

Eisbein- für ein Eisbein...

 

 

1) Krauskohl, Grünkohl

2) Kohl