Esu krank wie ich ben

Refrain:

Esu krank wie ich ben

möt ich ald längs om Kirchhoff lijje

ävver Jefzäng wie mir,

die sin nit kapott zu krijje.

 

Haste jesehen. wie schlech ich jehen kann,

du weiß ja, ich bin janz arm dran,

am janxe Liev deit et mir wieh,

jo su wie fröher es dat all nit mieh.

 

Wat? Du bes unger d'r Laster jekumme?

Och, dat es nit esu schlimm,

aber hör emal - ich han Ping

un do sät doch dä neue Doktor für mich

dä blöden Hund, gnä Frau, se sin känjesund!

 

Esu krank wie ich ben ...

 

Häste dat vum Essers Marlies jehoot?

Dat hät sun neumodische Krankheit,

ich mein - et will sich jet interessant maache,

nich, daß mich das stören würde -

aber - is doch nit normal

e halv Johr em Krankehuus

un op Schieve jeschnidde.

Do kummen se all an, do sin se all do

ävver, ävver wie et mir jeit -

wie dreckich et mir jeit

do fröch kein Sau noh.

 

Ach, die Aufrejung, die deit mir janit jot

ich muß mich jet läje, mir es et janit jot.

Jetz weed et m‘r doch e bissje bang,

ich jläuv, ich maach et nit mieh lang.

 

Wat säss do? Ich söch bombich us?

Un dat m'r keine Doktor rofe muß,

öm mich he en ener Kess erus ze drage,

do möht m'r ald

met d'r Schöpp dropschlage?

 

Esu krank wie ich ben...

Esu krank wie ich ben

Refrain:

Esu krank wie ich ben

mööt ich ald längs om Kirchhoff lige

ävver Geffzäng wie mir,

die sin nit kapodd ze krige.

 

Has de gesehen. wie schlech ich gehen kann,

du weiß ja, ich bin ganz arm dran,

am ganze Liev deit et mer wih,

jo su wie fröher es dat all nit mih.

 

Wat? Do bes unger der Laster gekumme?

Och, dat es nit esu schlemm,

aber hör emal - ich han Ping

un do säht doch dä neue Doktor för mich

dä blöden Hund, gnä Frau, se sin kerngesund!

 

Esu krank wie ich ben ...

 

Häs de dat vum Essers Marlies gehoot?

Dat hät su 'n neumodische Krankheit,

ich mein - et well sich jet interessant maache,

nich, dass mich das stören würde -

aber - is doch nit normal

e halv Johr em Krankehuus

un op Schieve geschnedde.

Do kummen se all aan, do sin se all do

ävver, ävver wie et mir geiht -

wie dreckig et mir geiht

do frög kein Sau noh.

 

Ach, die Aufregung, die deit mer gar nit god

ich muss mich jet läge, mir es et gar nit god.

Jetz weed et mer doch e bessche bang,

ich gläuv, ich maach et nit mih lang.

 

Wat sähs do? Ich söch bombig us?

Un dat mer keine Doktor rofe muss,

för mich hee en ener Kess erus ze drage,

do mööt mer ald

met der Schöpp dropschlage?

 

Esu krank wie ich ben ...

So krank wie ich bin

Refrain:

So krank wie ich bin

müsste ich schon längst auf dem Kirchhof liegen

aber Giftzähne wie wir,

die sind nicht kaputt zu kriegen.

 

Hast du gesehen, wie schlecht ich gehen kann,

du weiß ja, ich bin ganz arm dran,

am ganzen Leib tut es mir weh,

ja, so wie früher ist das alles nicht mehr.

 

Was? Du bist unter den Laster gekommen?

Ach, das ist nicht so schlimm,

aber hör einmal - ich habe Schmerzen

und da sagt doch der neue Doktor zu mir

der blöde Hund, gnä Frau, sie sind kerngesund!

 

So krank wie ich bin ...

 

Hast du das vom Marlies Esser gehört?

Die hat so eine neumodische Krankheit,

ich meine - sie will sich etwas interessant machen,

nicht, dass mich das stören würde -

aber - ist doch nicht normal

ein halbes Jahr im Krankehaus

und auf Scheiben geschnitten.

Da kommen sie alle an, da sind sie all da

aber, aber wie es mir geht -

wie dreckig es mir geht

da fragt keine Sau nach.

 

Ach, die Aufregung, die tut mir gar nicht gut

ich muss mich etwas legen, mir ist es gar nicht gut.

Jetzt wird es mir doch ein bisschen bang,

ich glaube, ich mache es nicht mehr lange.

 

Was sagst du? Ich sähe bombig aus?

Und dass man keinen Doktor rufen muss,

um mich hier in einer Kiste heraus zu trage,

da müsste man schon

mit der Schaufel draufschlagen?

 

So krank wie ich bin ...