Morje

En Tass Kaffe, ne Breef, in Jedanke bei dir;

Es lang schon vorbei, die Zick im Revier.

Wat wore mer hatt, wat hammer jelääv...

Ich han niemols an Morje jedaach.

 

Ich sinn die Stroß, sinn der Fluss, sinn der janze Verein,

wo mer domohls jewääse, mer woren immer dobei.

Ich sinn dinge Wage, wo mir uns jeleev¹,

ich han niemols an Morje jedaach,

ich han niemols noh Morje jefrooch.

 

Refrain:

Du lääs dinge Kopp en minge Schuuß,

flüsters mir in't Uhr, dat do mich bruchs,

sääs mer janz leis, dat du mich leevs¹

du övverdrievs!

 

Die Stones, Rock'n Roll un jenooch vun dem Zeuch

Dat uns domohls jezeich hätt, wie joot et uns jeiht,

nur immer jraaduss, keine Bleck links un rääts,

ich han niemols an Morje jedaach.

 

Der Trip an et Meer, en däm Huus hinge am Strand,

mer kohme kaum rus, han uns selver verbannt,

endlose Stunde Autobahn...

Ich han niemols ahn Morje jedaach,

ich han niemols noh Morje jefrooch.

 

Du lääs dinge Kopp en minge Schuuß, ...

 

Die Tass Kaffee es leer, dinge Breef joot verstaut,

aff un zo luur ich ren,

do häs mer wirklich vertraut,

nur leider ze vill, ich jing drövver en,

ich han niemols an Morje jedaach,

ich han niemols noh Morje jefrooch,

ich han niemols op Morje jewaat.

 

1 kein kölsches Wort

 

Morge

En Tass Kaffee, ne Breef, en Gedanke bei dir;

Es lang ald vörbei, die Zigg em Revier.

Wat wore mer hadd, wat ha' mer geläv...

Ich han niemols an morge gedaach.

 

Ich sinn die Stroß, sinn der Fluss, sinn der ganze Verein,

wo mer domols gewäse, mer woren immer dobei.

Ich sinn dinge Wage, wo mir uns gelieb¹,

ich han niemols an morge gedaach,

ich han niemols noh morge gefrog.

 

Refrain:

Do lägs dinge Kopp en minge Schuß,

flösters mir en et Uhr, dat do mich bruchs,

sähs mer ganz leis, dat do mich liebs¹

do üvverdrievs!

 

Die Stones, Rock'n Roll un genog vun däm Zeug

Dat uns domols gezeig hät, wie god et uns geiht,

nor immer gradus, keine Bleck links un rähts,

ich han niemols an morge gedaach.

 

Dä Trip an et Meer, en däm Huus hinge am Strand,

mer kome kaum rus, han uns selver verbannt,

endlose Stunde Autobahn ...

Ich han niemols an morge gedaach,

ich han niemols noh morge gefrog.

 

Do lägs dinge Kopp en minge Schuß...

 

Die Tass Kaffee es leer, dinge Breef god verstaut,

av un zo luur ich ren,

do häs mer wirklich vertraut,

nor leider ze vill, ich ging drüvver en,

ich han niemols an morge gedaach,

ich han niemols noh morge gefrog,

ich han niemols op morge gewaadt.

 

1 ungebräuchlich

 

Morgen

Eine Tasse Kaffee, ein Brief, in Gedanken bei dir;

Ist lange schon vorbei, die Zeit im Revier.

Was waren wir hart, was haben wir gelebt...

Ich habe niemals an morgen gedacht.

 

Ich sehe die Straße, sehe den Fluss, sehe den ganzen Verein,

wo wir damals gewesen, wir waren immer dabei.

Ich sehe deinen Wagen, wo wir uns geliebt,

ich habe niemals an morgen gedacht,

ich habe niemals nach morgen gefragt.

 

Refrain:

Du legst deinen Kopf in meinen Schoß,

flüsterst mir ins Ohr, dass du mich brauchst,

sagst mir ganz leise, dass du mich liebst

du übertreibst!

 

Die Stones, Rock'n Roll und genug von dem Zeug

Das uns damals gezeigt hat, wie gut es uns geht,

nur immer geradaus, kein Blick links und rechts,

ich habe niemals an morgen gedacht.

 

Der Trip ans Meer, in dem Haus hinten am Strand,

wir kamen kaum raus, haben uns selber verbannt,

endlose Stunden Autobahn ...

Ich habe niemals an morgen gedacht,

ich habe niemals nach morgen gefragt.

 

Du legst deinen Kopf in meinen Schoß ...

 

Die Tasse Kaffee ist leer, dein Brief gut verstaut,

ab und zu schau ich rein,

du hast mir wirklich vertraut,

nur leider zu viel, ich ging drüber ein,

ich habe niemals an morgen gedacht,

ich habe niemals nach morgen gefragt,

ich habe niemals auf morgen gewartet.