Das Hemd

Ob de et wills oder nit,

einmol kriss de dat Hemp

un de drääs dat bestemp,

ob d'r et pass oder nit.

M'r kritt dich beim Schlawittche'

un de muss vun he fott.

Einmol bes de kapott,

ob de et wills oder nit.

 

Un dann liss de do unge,

dir deit nix mih wih,

bruchs kein' Strömp und kein' Schoh,

kriss kein' Mahnunge mih.

Langsam wees de verjesse,

et beginnt der Zerfall,

doch manch' einer meint,

dat wür et nit all.

 

Denn am Engk aller Daach,

köm "Dä üHM" met dem Bart,

mem Berechtijungssching

für en himmlische Fahrt.

Dä däät sage "he ben ich,

ich ben ühren Häär",

die Joode bei mich -

un' die Schläächte bei "der".

 

Un "der" setz do un jrins,

"der" wor immer dobei.

"Der" hätt he op d'r ääd

noch de stärkste Partei.

Un "Dä üHM" met dem Bart,

hält ein strenges Gericht.

Wiech wat joot es, wat schlääch,

wat hätt üvvergewich?

 

Un hä jitt sich vill Möh,

bringk et all en et Lot,

doch bei der Prozedur

jonn ihm e paar durch de Koot.

Jrad die Schläächteste

maachen en hillije Schau,

un "Dä üHM" hätt ze dunn

un die Junge sin schlau.

 

Hä es streng un jerääch,

dä vum Patriarchat,

doch dä hatt m'r zoletz

ze vill Fähler jemaat.

Dä säät immer: "Jehorche!

Die Rache ist mein",

wenn de wirklich drop waats,

jo dann bes de allein.

 

Ich will jo nit sage,

dat janix draan stemmp,

doch allein met dem Glauben,

do stehs de em Hemp.

Ich kenne die Junge,

ich weiss wie die sin,

die loossen dich nur

jäjen Entrett eren.

 

Do muss dich doch wehre,

do bes doch jet wäät

un eijentlich es et doch

schün op d'r ääd.

Trotz Sorje un Möh,

dat letzte Hemp kriss de

noch immer ze fröh.

Das Hemd

Ov de et wells oder nit,

eimol kriss de dat Hemb

un de drägs dat bestemmp,

ov der et pass oder nit.

Mer kritt dich beim Schlawittche'

un do muss vun hee fott.

Eimol bes de kapodd,

ov de et wells oder nit.

 

Un dann liss de do unge,

dir deit nix mih wih,

bruchs kein Strömp und kein Schoh,

kriss kein Mahnunge mih.

Langsam wees de vergesse,

et beginnt der Zerfall,

doch manch einer meint,

dat wör et nit all.

 

Denn am Engk aller Dag,

köm "Dä üHM" met dem Bart,

mem Berechtigungssching

för en himmlische Fahrt.

Dä dät sage "hee ben ich,

ich ben üüren Häär",

die Gode bei mich -

un die Schläächte bei "der".

 

Un "der" setz do un grins,

"der" wor immer dobei.

"Der" hät hee op der ääd

noch de stärkste Partei.

Un "Dä üHM" met dem Bart,

häld ein strenges Gericht.

Wäg wat god es, wat schlääch,

wat hät üvvergewich?

 

Un hä gitt sich vill Möh,

brängk et all en et Lut,

doch bei der Prozedur

gonn im e paar durch de Koot.

Grad die Schläächteste

maachen en hellige Schau,

un "Dä üHM" hät ze dun

un die Junge sin schlau.

 

Hä es streng un gerääch,

dä vum Patriarchat,

doch dä hät mer zoletz

ze vill Fähler gemaht.

Dä säht immer: "Gehorche!

Die Rache ist mein",

wann de wirklich drop waads,

jo, dann bes de allein.

 

Ich well jo nit sage,

dat gar nix draan stemmp,

doch allein met dem Glauben,

do steihs de em Hemb.

Ich kenne die Junge,

ich weiß, wie die sin,

die looßen dich nor

gägen Entredd eren.

 

Do muss dich doch wehre,

do bes doch jet wäät

un eigentlich es et doch

schön op der ääd.

Trotz Sorge un Möh,

dat letzte Hemb kriss de

noch immer ze fröh.

Das Hemd

Ob du es willst oder nicht,

einmal bekommst du das Hemd

und du trägst das bestimmt,

ob dir es passt oder nicht.

Man bekommt dich beim Schlafittchen

und du musst von hier fort.

Einmal bist du kaputt,

ob du es willst oder nicht.

 

Und dann liegst du da unten,

dir tut nichts mehr weh,

brauchst keine Strümpfe und keine Schuhe,

bekommst kein Mahnungen mehr.

Langsam wirst du vergessen,

es beginnt der Zerfall,

doch manch einer meint,

das wäre es nicht alles.

 

Denn am Ende aller Tage,

käme "Der Onkel" mit dem Bart,

mit dem Berechtigungsschein

für eine himmlische Fahrt.

Der würde sagen "hier bin ich,

ich bin euer Herr",

die Guten zu mir -

und die Schlechten zu "dem".

 

Und "der" sitzt da und grinst,

"der" war immer dabei.

"Der" hat hier auf der Erde

noch die stärkste Partei.

Und "Der Onkel" mit dem Bart,

hält ein strenges Gereicht.

Wägt ab, was gut ist, was schlecht,

was hat übergewicht?

 

Und er gibt sich viel Mühe,

bringt es alles ins Lot,

doch bei der Prozedur

gehen ihm ein paar durchs Netz.

Gerade die Schlechtesten

machen eine heilige Schau,

und "Der Onkel" hat zu tun

und die Jungen sind schlau.

 

Er ist streng und gerecht,

der vom Patriarchat,

doch der hat mir zuletzt

zu viele Fehler gemacht.

Der sagt immer: "Gehorche!

Die Rache ist mein",

wenn du wirklich drauf wartest,

ja, dann bist du allein.

 

Ich will ja nicht sagen,

dass gar nichts dran stimmt,

doch allein mit dem Glauben,

da stehst du im Hemd.

Ich kenne die Jungen,

ich weiß, wie die sind,

die lassen dich nur

gegen Eintritt hinein.

 

Du muss dich doch wehren,

du bist doch etwas wert

und eigentlich ist es doch

schön auf der Erde.

Trotz Sorgen und Mühe,

das letzte Hemd bekommst du

noch immer zu früh.