Stääne leuchten och am Daach

Hä setz in däm Stohl wie ne Künning,

die Deck litt stramm üvver de Bein,

ne Hot mit ner Fedder us Plastik,

su sitz hä des Morjens allein.

Hä schrabbelt genüsslich en Jitta

un waat dat sing Volk zo im kütt,

im zohürt bestaunt do im Rollstohl

un manchmol sujar im jett jitt.

Dä Künning is immer am laache,

he laach un singk fründlich sing Leed,

im Rücke e Kisse us Plastik wo

"I love you for ever" drop steiht.

"Hück morjen do jücke ming Ziehe,

ich jläuve et Wedder schläät öm!"

sing Bein hät hä lang alt verlore,

su öm dreiunveezich eröm.

 

Refrain:

Stääne leuchten och am Daach,

mer kann se nur schlääch sin,

nur wä richtich luure kann,

dä kann se funkele sinn.

 

Hält Hoff in nem klapprije Rollstohl

un singk vun ner bessere Zick,

für manche do is hä ne Spinner,

de Dräümer oder einfach verröck.

Iwig vergnögt still am laache,

hä laach sich och jähn selver us,

dä Schupo dä kennt en am längste

und schick en och manchmol no Huus.

Ze Huus es wo die andere schloofe,

de Bedde stonn lang an d'r Wand,

hä schlööf alt zick Johre am Finster,

Palast hät hä dat all he jenannt.

Hä dräump off vun bessere Zigge,

des Naachs, wenn et Moondleech in treff,

am Morje is alles verjesse,

dann hät hä sich widder im Jriff.

 

Stääne leuchten och am Daach ...

 

Hä sitz in däm Stohl wie ne Künning,

die Deck litt stramm övver de Bein,

ne Hot mit der Fedder us Plastik,

su sitz hä am Morje allein.

Hält Hoff su wie immer im Rollstohl,

do fleeg im die Fedder vum Hot,

ets ovends bemerkt in dä Schupo,

dä Künning, dä Künning is dut!

 

Stääne leuchten och am Daach

Stääne leuchten och am Dag

Hä setz en däm Stohl wie ne Künning,

de Deck litt stramm üvver de Bein,

ne Hot met ner Fedder us Plastik,

su setz hä des Morgens allein.

Hä schrabbelt genösslich en Gitta

un waad, dat sing Volk bei en¹ kütt,

im zohürt, bestaunt do em Rollstohl

un manchmol sugar im jet gitt.

Der Künning es¹ immer am Laache,

hä¹ laach un singk fründlich sing Leed,

em Rögge e Kesse us Plastik wo

"I love you for ever" drop steiht.

"Hügg morgen do jöcke ming Zihe,

ich gläuve, et Wedder schleiht¹ öm!"

sing Bein hät hä lang ald verlore,

su öm dreiunveezig eröm.

 

Refrain:

Stääne leuchten och am Dag,

mer kann se nor schlääch sinn,

nor wä richtig luure kann,

dä kann se funkele sinn.

 

Häld Hoff en nem klapprige Rollstohl

un singk vun ner bessere Zigg,

för manche do es hä ne Spenner,

ne Dräumer oder einfach verröck.

Iwig vergnög¹ stell am Laache,

hä laach sich och gään selver us,

der Schupo dä kennt en am längste

un scheck en och manchmol noh Hus.

Ze Hus es, wo die andere schlofe,

de Bedder stonn lang an der Wand,

hä schlöf ald zick Johre am Finster,

Palass¹ hät hä dat all hee genannt.

Hä dräump off vun bessere Zigge,

des Naachs, wann et Mondleech en triff¹,

am Morge es alles vergesse,

dann hät hä sich widder em Greff.

 

Stääne leuchten och am Dag ...

 

Hä setz en däm Stohl wie ne Künning,

de Deck litt stramm üvver de Bein,

ne Hot met ner Fedder us Plastik,

su setz hä am Morge allein.

Häld Hoff su wie immer em Rollstohl,

do flüg¹ im die Fedder vum Hot,

eets ovends bemerk¹ en dä Schupo,

dä Künning, dä Künning es dud!

 

Stääne leuchten och am Dag

 

1. grammatisch ans Kölsche angepasst

Sterne leuchten auch am Tag

Er sitzt in dem Stuhl wie ein König,

die Decke liegt stramm über den Beinen,

ein Hut mit einer Feder aus Plastik,

so sitzt er des Morgens allein.

Er schrabbelt genüsslich eine Gitarre

und wartet, dass sein Volk zu ihm kommt,

ihm zuhört, bestaunt da im Rollstuhl

und manchmal sogar ihm etwas gibt.

Der König ist immer am Lachen,

er lacht und singt freundlich sein Lied,

im Rücken ein Kissen aus Plastik

wo "I love you for ever" drauf steht.

"Heute morgen da jucken meine Zehen,

ich glaube, das Wetter schlägt um!"

seine Beine hat er lange schon verloren,

so um dreiundvierzig herum.

 

Refrain:

Sterne leuchten auch am Tag,

man kann sie nur schlecht sehen,

nur wer richtig schauen kann,

der kann sie funkeln sehen.

 

Hält Hof in einem klapprigen Rollstuhl

und singt von einer besseren Zeit,

für manchen da ist er ein Spinner,

ein Träumer oder einfach verrückt.

Ewig vergnügt still am Lachen,

er lacht sich auch gern selber aus,

der Schupo der kennt ihn am längsten

und schickt ihn auch manchmal nach Hause.

Zu Hause ist, wo die anderen schlafen,

die Betten stehen lang an der Wand,

er schläft schon seit Jahren am Fenster,

Palast hat er das alles hier genannt.

Er träumt oft von besseren Zeiten,

des Nachts, wenn das Mondlicht ihn trifft,

am Morgen ist alles vergessen,

dann hat er sich wieder im Griff.

 

Sterne leuchten auch am Tag ...

 

Er sitzt in dem Stuhl wie ein König,

die Decke liegt stramm über den Beinen,

ein Hut mit einer Feder aus Plastik,

so sitzt er am Morgen allein.

Hält Hof so wie immer im Rollstuhl,

da fliegt ihm die Feder vom Hut,

erst abends bemerkt ihn der Schupo,

der König, der König ist tot!

 

Sterne leuchten auch am Tag