Verkehr

Ich jonn frisch jedusch un rasiert us d'r Bud

han joot jefröhstöck un widder neue Mut

D'r Daach weed schön red' ich mir en

wat kann mer schon passiere wenn ich locker ben

Mach hinger mir de Dür zo, jonn durch de Flur

keiner süht mich, hürt mich die Ruhe pur

Wie en Katz schleich ich mich

an de Huusdür e'ran

deu se op, wat sün ich dann?

 

Refrain:

Verkehr, vell Vekehr

Kumm stell dich nit ahn sag ich mir dann

do muß jeder durch dann un wann

Kumm stell dich nit ahn sag ich mir dann

do muß jeder durch, -Verkehr

 

Su schlag ich mir de Wääch frei durch et Jwöhl

et entwickelt sich em Buch schon e'su e'Jeföhl

Kumme ahn an d'r Bahn die es rappelvoll

se deue un dröcke mich eren wie doll

Su stonn ich en d'r Bahn

un et rüch noh Schweiß

un noh irjend'jet wat ich noch nit weiß

Ich loor op de Äd un et rüch noch mieh

do setz e'ne Hungk un kack, mer op de Zieh

 

Verkehr ...

 

Su kumm ich op de Arbeit ahnjefääch

ben kaum do un mer weet et schon schlääch

Die Telefone bimmele permanent

alles janz wichtig un super-dringend

Ich fange vell ahn un hüre nix op

kumme met d'r Zick immer iggelier drop

Ich weiß nit wie dat andere künne

ich kann em Lääve kein Rauh mi finge

 

Su kumm'ich avvjeschlaff

zo minger Frau nohus

wo vürher noch koot em Stau me'm Bus

Ich ahne schon leis wat jetz passeet,

deu de Dür op ...

"Hallo Schatz, hattest Du auch

so einen schonen Tag wie ich?

"Hast Du auch Lust? " ... Lust, worauf? ...

 

Verkehr...

 

Verkehr

Ich gonn fresch gedusch un rasiert us der Bud

han god gefröhstöck un widder neue Mod

Der Dag weed schön, red' ich mir en

wat kann mer schon passiere, wann ich locker ben

Maach hinger mir de Dür zo, gonn durch der Flur

keiner süht mich, hürt mich, die Ruhe pur

Wie en Katz schleich ich mich

an de Huusdür eran

däu se op, wat sinn ich dann?

 

Refrain:

Verkehr, vill Vekehr

Kumm, stell dich nit aan, sag ich mir dann

do muss jeder durch dann un wann

Kumm, stell dich nit aan, sag ich mir dann

do muss jeder durch - Verkehr

 

Su schlag ich mir der Wäg frei durch et Gewöhl

et entweckelt sich em Buch schon esu e Geföhl

Kumme aan an der Bahn, die es rappelvoll

se däue un dröcke mich eren wie doll

Su stonn ich en der Bahn

un et rüch noh Schweiß

un noh irgend jet, wat ich noch nit weiß

Ich loor op de Ääd un et rüch noch mih

do setz ene Hungk un kack mer op de Zih

 

Verkehr ...

 

Su kumm ich op de Arbeid aangefäg

ben kaum do un mer weed et ald schlääch

De Telefone bimmele permanent

alles ganz wichtig un super-dringend

Ich fange vill aan un hüre nix op

kumme met der Zigg immer iggeliger drop

Ich weiß nit wie dat andere künne

ich kann em Levve kein Rauh mih finge

 

Su kumm ich avgeschlaff

bei ming Frau noh Hus

wor vürher noch koot em Stau mem Bus

Ich ahne ald leis, wat jetz passeet,

däu de Dür op ...

"Hallo Schatz, hattest du auch

so einen schönen Tag wie ich?

"Hast du auch Lust? " ... Lust, worauf? ...

 

Verkehr...

 

Verkehr

Ich gehe frisch geduscht und rasiert aus der Bude

habe gut gefrühstückt und wieder neuen Mut

Der Tag wird schön, red' ich mir ein

was kann mir schon passieren wenn ich locker bin

Mach hinter mir die Tür zu, gehe durch den Flur

keiner sieht mich, hört mich, die Ruhe pur

Wie eine Katze schleiche ich mich

an die Haustür heran

mach sie auf, was sehe ich dann?

 

Refrain:

Verkehr, viel Verkehr

Komm stell dich nicht an sag ich mir dann

da muss jeder durch dann und wann

Komm stell dich nicht an sag ich mir dann

da muss jeder durch, -Verkehr

 

So schlag ich mir den Weg frei durch das Gewühl

es entwickelt sich im Buch schon so ein Gefühl

Komme an, an der Bahn die ist rappelvoll

sie tun und drücken mich hinein wie doll

So stehe ich in der Bahn

und es riecht nach Schweiß

und nach irgendetwas, was ich noch nicht weiß

Ich schau auf die Erde und es riecht noch mehr

da sitzt ein Hund und kackt, mir auf die Zehen

 

Verkehr ...

 

So komm ich auf die Arbeit angefegt

bin kaum da und mir wird es schon schlecht

Die Telefone bimmeln permanent

alles ganz wichtig und super-dringend

Ich fange viel an und höre nix auf

komme mit der Zeit immer nervöser drauf

Ich weiß nicht wie das andere können

ich kann im Leben keine Ruhe mehr finden

 

So komme ich abgeschlafft

zu meiner Frau nach Haus

war vorher noch kurz im Stau mit dem Bus

Ich ahne schon leise was jetzt passiert,

drücke die Tür auf ...

"Hallo Schatz, hattest Du auch

so einen schönen Tag wie ich?

"Hast Du auch Lust? " ... Lust?, worauf ? ...

 

Verkehr ...