Unser Bäumche

Hellichovend kom eran,

d'r Pap dä wor op Jöck -

de Mamm hatt üvverall jesök

un sat, wo es dä Jeck.

Do fehl ihr en hä mot jo noch

e Bäumche kaufe jon

op Hellichovend, typisch Schäng,

wä wollt, sollt dat verston.

 

Et wooten vier, et wooten fünf,

de Dämmerung trok ald op,

do kom jet Kleines, krumm un scheif,

de Stroß zom Huus erop.

Ich hatt en dann als ehts erkannt

un reef: et Bäumche kütt,

de Mamm die sat, als sie et soch,

mein Jott, dat jitt et nit!

 

Refrain:

Unser Bäumche, o Tannenbaum

unser Bäumche, dat wor nen Draum.

Unser Bäumche verjess ich nie,

nä su ne schöne Baum wie dä

krijje m'r niemols mih.

 

Dä Pap, dä wor janz stolz un sat,

es dä nit wunderschön,

de Mamm, die wor am laache,

jo winnichstens es hä jrön.

Dat Bäumche wor noch nit ens huh,

dofür unheimlich krumm,

de Mamm die sat, dat scheife Ding,

dat kriste nie zom Ston.

 

D'r Pap janz drüch, no waat ens af,

hä es jo noch janz rüh,

wenn do ehts alles dran es,

erkenns de dä nit mih.

Dat Bäumche links, en Fläsch Schabau

rächs ungerm ärm jeklemmp,

dat wor et Letzte wat ich soch,

als hä en et Zemmer jing.

 

Unser Bäumche ...

 

Die Dür, die schloß hä immer af,

et durf im keiner ren,

denn keiner sollt dat Wunder,

dat do passierte, sin.

Zoehts wor hä am säje,

dä Baum wor doch esu klein,

dann hoot mer'n plötzlich näle,

ich daach dä Baum jing en.

 

En Zick lang wor et dann janz still,

kein Tönche us dem Raum

op eimol hoot mer'n singe

janz laut "O Tannebaum".

Ich jläuv, jetz dät er en schmücke,

met Jlöckcher un esu,

"Es ist ein Ros entsprungen"

kom falsch un vill zo huh!

 

Unser Bäumche ...

 

Op eimol jov et dann ne Knall,

dann wood et furchbar still

"Zo Bethlehem jeboren"

kom leis met vill Jeföhl.

Noh zwei Stund kom e endlich 'rus,

et Schlemmste wor jedon,

ich luurt en an, hä sat och jet,

ich kunnt en nit verston!

 

öm ach Uhr wor Bescherung,

dä Pap wie immer fit,

en singem beste Anzoch,

de Mamm em schwatze Kleid.

Hä dät mem Jlöckche lügge,

dann sunge mer e Leed,

un sochen dann dat Bäumche,

met Käze en d'r Eck:

 

Unser Bäumche ...

 

Et wor noch kleiner als vürher,

doch wirklich wunderschön,

stund käzejrad un nit mih krumm,

ein Wunder war jeschehn!

Ich hatt e Rädche kräje,

mingen allerjrötsten Draum,

dann jov et Ovendesse,

unger däm schöne Baum.

 

Wat ich dann ehts vill späder

vun im erfahre han

vum Pap, dä hück nit mih met uns

Kreßdaach fiere kann -

dat wat ich für e Wunder heelt,

woren zwei Näl en d'r Wand,

vun do en Kood rund öm d'r Baum

dröm hat hä feste Stand!

 

Unser Bäumche! O Tannebaum!...

Uns Bäumche

Helligovend kom eraan,

der Papp, dä wor op Jöck

de Mamm hatt üvverall gesök

un saht: "Wo es dä Jeck?"

Do feel ehr en, hä moot jo noch

e Bäumche kaufe gonn,

op Helligovend, typisch Schäng,

wä wollt, soll dat verstonn!

 

Et woodten vier, et woodten fünf,

de Dämmerung trok ald op,

do kom jet Kleines, kromm un scheiv

de Stroß nohm Huus erop.

Ich hatt en dann et eets erkannt

un reef: "Et Bäumche kütt!"

De Mamm, die saht, wie sei et soch:

"Mein Godd, dat gitt et nit!"

 

Refrain:

Uns Bäumche! O Tannebaum!

Uns Bäumche, dat wor nen Draum!

Uns Bäumche, vergess ich nie.

Nä su ne schöne Baum wie dä

krige mer niemols mih.

 

Dä Papp, dä wor ganz stolz

un saht: "Es dä nit wunderschön?"

De Mamm, die wor am Laache:

"No winnigstens es hä grön!"

Dat Bäumche wor noch nit ens huh,

doför unheimlich kromm.

De Mamm, die saht: "Dat scheive Ding,

dat kriss de nie zom Stonn."

 

Der Papp, ganz drüg: "No waad ens av,

hä es jo noch ganz rüh.

Wenn do eets alles dran es,

erkenns do dä nit mih."

Dat Bäumche links, en Fläsch Schabau

räächs ungerm ärm geklemmp,

dat wor et letzte, wat ich soch,

wie hä en et Zemmer ging.

 

Uns Bäumche! O Tannebaum! ...

 

Die Dür, die schloss hä immer av,

et durf im keiner ren,

denn keiner sollt dat Wunder,

dat do passierte, sinn.

Zoeets wor hä am Säge,

dä Baum wor doch esu klein,

dann hoot mer en plötzlich Nähle,

ich daach, der Baum ging en.

 

En Zigg lang wor et dann ganz stell,

kei Tönche us däm Raum.

Op eimol hoot mer en singe,

ganz laut "O Tannenbaum".

Ich gläuv, jetz dät hä et schmücke,

met Glöckcher un esu.

"Es ist ein Ros entsprungen"

kom falsch un vill ze huh.

 

Uns Bäumche! O Tannebaum!...

 

Op eimol gov et dann ene Knall,

jetz woodt et furchbar stell.

"Zo Bethlehem geboren"

kom leis met vill Geföhl.

Noh zwei Stund kom hä endlich rus,

et Schlemmste wor gedon.

Ich luurt en aan, hä saht och jet,

ich kunnt en nit verstonn.

 

öm aach Uhr wor Bescherung,

der Papp wie immer fit.

En singem beste Aanzog,

de Mamm em schwatze Kleid.

Hä dät mem Glöckche lügge,

dann sunge mer e Leed;

un sochen dann dat Bäumche

met Kääze en der Eck.

 

Uns Bäumche! O Tannebaum!...

 

Et wor noch kleiner wie vürher,

doch wirklich wunderschön,

stundt kääzegrad un nit mih kromm -

ein Wunder war gescheh'n.

Ich hatt e Räddche kräge,

mingen allergrößten Draum;

dann gov et Ovendesse

unger däm schöne Baum.

 

Wat ich dann eets vill spääder

vun im erfahre han,

vum Papp, dä hügg nit mih met uns

Chressdag fiere kann,

Dat, wat ich för e Wunder heeldt,

woren zwei Nähl en der Wand,

vun do en Kood rund öm der Baum,

dröm hatt hä feste Stand.

 

Uns Bäumche! O Tannebaum! ...

Unser Bäumchen

Heiligabend kam heran,

der Vater, der war unterwegs

die Mutter hatte überall gesucht

und sagte: „Wo ist der Jeck?”

Da fiel ihr ein, er musste ja noch

ein Bäumchen kaufen gehen,

auf Heiligangend, typisch Jean,

wer wollte soll das verstehen!

 

Es wurde vier, es wurde fünf,

die Dämmerung zog schon auf,

da kam etwas Kleines, krumm und schief

die Straße zum Haus herauf.

Ich hatte ihn dann als erster erkannt

und rief: „Das Bäumchen kommt!”

Die Mutter, die sagte, als sie es sah:

„Mein Gott, das gibt es nicht!”

 

Refrain:

Unser Bäumchen! O Tannenbaum!

Unser Bäumchen, das war ein Traum!

Unser Bäumchen, vergesse ich nie.

Nein so einen schönen Baum wie den

kriegen wir niemals mehr.

 

Der Vater, der war ganz stolz und sagte:

„Ist der nicht wunderschön?”

Die Mutter, die lachte:

„Ja wenigstens ist er grün!”

Das Bäumchen war noch nicht mal hoch,

dafür unheimlich krumm.

Die Mutter sagt: „Das schiefe Ding,

das kriegst du nie zum Stehen.”

 

Der Vater, ganz trocken: „Nun warte mal ab,

er ist ja noch ganz ungeschmückt.

Wenn da mal alles dran ist,

erkennst du den nicht mehr.”

Das Bäumchen links, eine Flasche Schnaps

rechts unter den Arm geklemmt,

das war das letzte was ich sah,

als er in das Zimmer ging.

 

Unser Bäumchen! O Tannenbaum!...

 

Die Tür, die schloss er immer ab,

es durfte ihm keiner rein,

denn keiner sollte das Wunder,

das da passierte, sehen.

Zuerst sägte er,

der Baum war doch so klein,

dann hörte man ihn plötzlich nageln,

ich dachte, der Baum ging ein.

 

Eine Zeit lang war es dann ganz still,

kein Tönchen aus dem Raum.

Auf einmal hörte man ihn singen,

ganz laut „O Tannenbaum”.

Ich glaube, jetzt schmückt er ihn,

mit Glöckchen und so.

„Es ist ein Ros entsprungen”

kam falsch und viel zu hoch.

 

Unser Bäumchen! O Tannenbaum!...

 

Auf einmal gab es dann einen Knall,

jetzt wurde es furchtbar still.

„Zu Bethlehem geboren”

kam leise mit viel Gefühl.

Nach zwei Stunden kam er endlich raus,

das Schlimmste war getan;

Ich sah ihn an, er sagte auch etwas,

ich konnte ihn nicht verstehen.

 

Um acht Uhr war Bescherung,

der Vater wie immer fit.

In seinem besten Anzug,

die Mutter im schwarzen Kleid.

Er läutete mit dem Glöckchen,

dann sangen wir ein Lied;

und sahen dann das Bäumchen

mit Kerzen in der Ecke.

 

Unser Bäumchen! O Tannenbaum!...

 

Es war noch kleiner als vorher,

doch wirklich wunderschön,

stand kerzengerade und nicht mehr krumm -

ein Wunder war geschehen.

Ich hatte ein Fahrrad bekommen,

mein allergrößter Traum;

dann gab es Abendessen

unter dem schönen Baum.

 

Was ich dann erst viel später

von ihm erfahren habe,

vom Vater, der heute nicht mehr mit uns

Christtag feiern kann;

Das was ich für ein Wunder hielt,

waren zwei Nägel in der Wand,

von da eine Kordel rund um den Baum,

darum hatte er festen Stand.

 

Unser Bäumchen! O Tannenbaum!...