Unser Jrundjesetz

Am rheinischen Wesen

soll die Welt genesen

Hät der liebe Jott

am elften Schöpfungsdaach jesaat

Die bisherigen Wesen

waren's noch nicht so recht gewesen

Dröm hät hä he am Rhing

si Meisterstöck jemaat

 

Johr für Johr do froge sich

die Lück der Republik

Saat, sidd ehr eijentlich

nur em Fernseh'n su

oder sidd ehr wirklich esu verröck

Wie maat ihr dat, wie jeit dat bloß,

wie kritt ehr dat nur hin

Do laache mer nor un luure uns an

un sage dene woröm

 

He jitt et ei Jesetz

und daat verrode mer üch jetz

 

Refrain:

Et es wie et es

un et kütt wie et kütt

Un et hät noch immer joodjejange,

Nix bliev wie et es

Drink doch eine met,

dat hammer immer su jemaat

Denn wat fott es, dat es fott

Dreimol Kölle alaaf

 

Streng verbodde es zum Beispiel

 

Aan ‘ner Kneip vorbeijonn,

ohne renzojonn

Oder einfach heimjonn, wenn

andre noch do stonn

Beim Früh e Alt bestelle,

dobei dreimol Helau

Dat darf m'r nit,

dat määt m'r nit,

dofür küß de he en d'r Bau

 

Mondaachs pünklich zor Arbeit

kumme, jilt he als beklopp'

Dem Chef dann noch e Uhr

afkäue, bah pfui, kumm hür m'r op

Beim Klüngele sich erwische

loße, su blöd darf m`r nit sin

Dat jeit doch nit, dat deit m`r

nit, dat weed he nit jän jesinn

 

Et es wie et es…

 

Un dat, dat darfs'de och nit !

 

Will dich einer bütze,

un du wees stief vür Schreck

Dann will hä dich noch schunkele,

un du läufs einfoch weg

Dä es villeich jet anders,

dat es uns och ejal

Denn jede Jeck es anders he,

dat es bei uns normal

 

Et es wie et es…

 

Jetz wesst ehr wat m`r darf,

un wat m'r besser blieve löt

Wä sich do draanhält,

hät he d'r Himmel op d'r Ääd

Et es doch wirklich einfach,

doch wä dat nit versteit

Dat es en ärme Sau,

dä deit uns wirklich leid

 

Denn mir han he unser Jesetz,

Vum eetste Schrei

bes zo jooderletzt

 

Et es wie et es…

Uns Grundgesetz

Am rheinischen Wesen

soll die Welt genesen

Hät der liebe Godd

am elften Schöpfungsdag gesaht

Die bisherigen Wesen

waren's noch nicht so recht gewesen

Dröm hät hä hee am Rhing

si Meisterstöck gemaht

 

Johr för Johr do froge sich

die Lück "der Republik"

Saht, sid ehr eigentlich

nor em Fernsehn su

oder sid ehr wirklich esu verröck

Wie maht ehr dat, wie geiht dat bloß,

wie kritt ehr dat nor hin?

Do laache mer nor un luure uns aan

un sage denne woröm

 

Hee gitt et ei Gesetz

un dat verrode mer üch jetz

 

Refrain:

Et es wie et es

un et kütt wie et kütt

Un et hät noch immer god gegange,

Nix bliev wie et es

Drink doch eine met,

dat han mer immer su gemaht

Denn wat fott es, dat es fott

Dreimol Kölle alaaf

 

Streng verbodde es zom Beispiel

 

An 'ner Kneip vörbeigonn,

ohne renzogonn

Oder einfach heimgonn,

wann andre noch do stonn

Beim Früh e Ald bestelle,

dobei dreimol Helau

Dat darf mer nit,

dat mäht mer nit,

doför küss de hee en der Bau

 

Mondags pünklich noh der Arbeid kumme,

gild hee als beklopp

Dem Chef dann noch e Uhr avkäue,

bah pfui, kumm hür mer op

Beim Klüngele sich erwische looße,

su blöd darf mer nit sin

Dat geiht doch nit, dat deit mer nit,

dat weed hee nit gään gesinn

 

Et es wie et es …

 

Un dat, dat darfs de och nit !

 

Well dich einer bütze,

un do wees stiev vür Schreck

Dann well hä dich noch schunkele,

un do läufs einfach weg

Dä es villleich jet anders,

dat es uns och egal

Denn jede Jeck es anders hee,

dat es bei uns normal

 

Et es wie et es…

 

Jetz wesst ehr, wat mer darf,

un wat mer besser blieve lööt

Wä sich dodran häld,

hät hee der Himmel op der Ääd

Et es doch wirklich einfach,

doch wä dat nit versteiht

Dat es en ärme Sau,

dä deit uns wirklich leid

 

Denn mir han hee uns Gesetz,

Vum eetste Schrei

bes zo goderletz

 

Et es wie et es …

Unser Grundgesetz

Am rheinischen Wesen

soll die Welt genesen

Hat der liebe Gott

am elften Schöpfungstag gesagt

Die bisherigen Wesen

waren's noch nicht so recht gewesen

Drum hat her hier am Rhein

sein Meisterstück gemacht

 

Jahr für Jahr da fragen sich

die Leute der Republik

Sagt, seid ihr eigentlich

nur im Fernsehen so

oder seid ihr wirklich so verrückt

Wie macht ihr das, wie geht das bloß,

wie kriegt ihr das nur hin

Da lachen wir nur und schauen uns an

und sagen denen warum

 

Hier gibt es ein Gesetz

und das verraten wir euch jetzt

 

Refrain:

Es ist wie es ist

und es kommt wie es kommt

Und es hat (ist) noch immer gut gegangen,

Nix bleibt wie es ist

Trink doch einen mit, das

Haben wir immer so gemacht

Denn was fort ist, das ist fort

Dreimal Kölle alaaf

 

Streng verboten ist zum Beispiel

 

An einer Kneipe vorbeigehen,

ohne rein zugehen

Oder einfach heimgehen, wenn

andre noch da stehen

Beim Früh ein Alt bestellen,

dabei dreimal Helau

Das darf man nicht,

das macht man nicht,

dafür kommst du hier in den Bau

 

Montags pünktlich zur Arbeit

kommen, gilt hier als bekloppt

Dem Chef dann noch ein Ohr

abkauen, bah pfui, komm hör mir auf

Bei der Vetternwirtschaft sich erwischen

lassen, so blöd darf man nicht sein

Das geht doch nicht, das tut man

nicht, das wird hier nicht gerne gesehen

 

Es ist wie es ist…

 

Und das, das darfst du auch nicht !

 

Will dich einer küssen,

und du wirst steif vor Schreck

Dann will er dich noch schunkeln,

und du läufst einfach weg

Der ist vielleicht etwas anders,

das ist uns auch egal

Denn jeder Verrückte ist anders hier,

das ist bei uns normal

 

Es ist wie es ist…

 

Jetzt wisst ihr was man darf,

und was man besser bleiben lässt

Wer sich da dran hält,

hat hier den Himmel auf der Erde

Es ist doch wirklich einfach,

doch wer das nicht versteht

Der ist eine arme Sau,

der tut uns wirklich leid

 

Denn wir haben hier unser Gesetz,

Vom ersten Schrei

bis zu guter letzt

 

Es ist wie es ist…