De Mamm

Refrain:

Jeder hät nur einmol

en Mamm op d'r Welt.

Die jöv hä nit her,

für e Hüsje un für Jeld.

Denn uns Mamm,

die kann uns keiner ersetze.

Die setz bei jedem

deef dren em Hätze.

Un jeit se plötzlich

vun uns fott üvver Naach,

Dann sät mer sich zo spät,

wä hät dat jedaach.

 

Mer (ich) singe jetz e Leedche,

us d'r Jugendzick.

Wä denk do nit, heimlich dran zoröck.

Hammer nit als Kinder

manche Streich jebrat,

Pennche en de Schell jedaut

un Klinke schwazz jemaat.

Un wammer och ens schlooche

wick üvver de Sträng,

Wä heelt üvver uns,

schötzend beide Häng.

Mer hatten och als Kinder,

schon dä eine Truus.

Et kann uns nix passere,

bei d'r Mamm om Schuuß ...

 

Jeder hät nur einmol en Mamm ...

 

Kaum wors do us d'r Schull,

sats do wat koß de Welt.

Do wors nit mieh zo halde,

do kräts jo Sonndaachsjeld.

E Piefje wod probeet,

wenn och en de Botz jemaat.

Ovends wod dann stolz,

die Braut noh Huus jebrat.

Doch dät d'r dann bejäne,

plötzlich dinge Papp,

Dann wors do widder klein,

fott wor die jroße Klapp.

Wenn do nit wör jewäse,

off de Mamm zo Huus,

Die sat: "Do wors nit besser!" -

Un hät met ihm jeschmuus....

 

Jeder hät nur einmol en Mamm ...

 

Eesch wenn do selvs verhierot,

weiß do wat dat heiß.

Die Puute jroß zo trecke,

koß manche Droppe Schweiß.

Dann küß do zor Besinnung,

denks an ding Jugendjlöck.

Die Falde vun dä Ahle,

fallen op dich zoröck.

Dann denkste, wörste, künnste,

bei ding Mamm ens jon.

Künns ihr ding Leid ens klage,

sei wöd dich schon verston.

Un kömste durch ding Streich,

am Klingelpötz eruus.

Ding Mamm leet dich nit falle,

sei nöhm dich met noh Huus....

 

Jeder hät nur einmol en Mamm ...

 

De Mamm

Refrain:

Jeder hät nor eimol

en Mamm op der Welt.

Die göv hä nit her,

för e Hüüsche un för Geld.

Denn uns Mamm,

die kann uns keiner ersetze.

Die setz bei jedem

deef dren em Hätze.

Un geiht se plötzlich

vun uns fott üvver Naach,

Dann säht mer sich zo späd,

wä hätt dat gedaach.

 

Mer (ich) singe jetz e Leedche,

us der Jugendzigg.

Wä denk do nit heimlich dran zoröck.

Han mer nit als Kinder

manche Streich gebraht,

Penncher en de Schell gedaut

un Klinke schwatz gemaht.

Un wa' mer och ens schloge

wigg üvver de Sträng,

Wä heelt üvver uns,

schötzend beidse Häng.

Mer hatten och als Kinder,

schon dä eine Trus.

Et kann uns nix passeere,

bei der Mamm om Schuß ...

 

Jeder hät nor eimol en Mamm ...

 

Kaum wors do us der Schull,

sahts do, wat koss de Welt.

Do wors nit mih zo halde,

do krähts jo Sonndagsgeld.

E Piefche woodt probeet,

wann och en de Botz gemaht.

Ovends woodt dann stolz,

de Braut noh Hus gebraht.

Doch dät der dann begähne,

plötzlich dinge Papp,

Dann wors do widder klein,

fott wor die große Klapp.

Wann do nit wör gewäse,

off de Mamm zo Hus,

Die saht: "Do wors nit besser!" -

Un hät met im geschmus ...

 

Jeder hät nor eimol en Mamm ...

 

Eesch wann do selvs verhierodt,

weiß do, wat dat heiß.

De Puute groß zo trecke,

koss manche Droppe Schweiß.

Dann küss do zor Besennung,

denks an ding Jugendglöck.

Die Falde vun dä Aale,

fallen op dich zoröck.

Dann denks de, wörs de, künnts de,

bei ding Mamm ens gonn.

Künnts ehr ding Leid ens klage,

se dät dich schon verstonn.

Un köms de durch ding Streiche,

am Klingelpötz erus.

Ding Mamm leet dich nit falle,

se nöhm dich met noh Hus ...

 

Jeder hät nor eimol en Mamm ...

 

Die Mama

Refrain:

Jeder hat nur einmal

eine Mama auf der Welt.

Die gibt er nicht her,

für ein Häuschen und für Geld.

Denn unsere Mama,

die kann uns keiner ersetzen.

Die sitzt bei jedem

tief drin im Herzen.

Und geht sie plötzlich

von uns weg über Nacht,

dann sagt man sich zu spät,

wer hätte das gedacht.

 

Wir (ich) singe(n) jetzt ein Liedchen

aus der Jugendzeit.

Wer denkt da nicht heimlich dran zurück.

Haben wir nicht als Kinder

manchen Streich gebracht,

Hölzchen in die Klingel gesteckt

und Klinken schwarz gemacht.

Und wenn wir auch mal weit

über die Stränge schlugen.

Wer hielt über uns

schützend beide Hände.

Wir hatten auch als Kinder

schon den einen Trost.

Es kann uns nichts passieren,

bei der Mama auf dem Schoß.

 

Jeder hat nur einmal eine Mama ...

 

Kaum warst du aus der Schule,

sagst du "Was kostet die Welt?"

Du warst nicht mehr zu halten,

du bekamst ja Sonntagsgeld.

Ein Pfeifchen wurde probiert,

sich dabei in die Hose gemacht.

Abends wurde dann stolz,

die Braut nach Hause gebracht.

Doch begegnete dir dann

plötzlich dein Papa,

dann warst du wieder klein,

weg war die große Klappe.

Wenn da nicht wäre gewesen,

zu Hause die Mama,

Die sagte: "Du warst nicht besser!" -

Und hat mit ihm geschmust...

 

Jeder hat nur einmal eine Mama ...

 

Erst wenn du selbst verheiratet,

weißt du, was das heißt.

Die Kinder großzuziehen,

kostet manchen Tropfen Schweiß.

Dann kommst du zur Besinnung,

denkst an dein Jugendglück.

Die Falten der Alten,

fallen auf dich zurück.

Denn denkst du, wärst du, könntest du,

zu deiner Mama mal gehen.

Könntest ihr dein Leid mal klagen,

sie würde dich schon verstehen.

Und kämst du durch deine Streiche

am Gefängnis raus.

Deine Mama ließ dich nicht fallen,

sie nähme dich mit nach Haus.

 

Jeder hat nur einmal eine Mama ...