Kumm, loss dr Mot nit sinke

1. En unsrem Huus do wohnt ene Käl,

dä es esu huh wie brick.

De Pänz do op dr Stroß, die brülle:

"Mensch wat eß dä deck!"

Wie 3 Zentner Klütte,

su schwer es singe Buch,

wenn hä sich op en Parkbank setz,

jeiht die tireck zo Bruch.

 

Refrain:

Kumm loß dr Mot nit sinke,

jank met e Dröppche drinke.

Hau kräftich op de Trumm

do beß ne echte kölsche Jung.

 

2. Un bruch dä Pitter en neue Botz,

es dat en ähnz Problem,

denn selvs de jrößte Nummer

setz im nit jrad bequem.

Hä quält sich en die Botz erenn,

die Botz wed janz verschreck:

dat hält die stärkste Botz nit us -

do steiht dr Pitter bläck

 

Kumm loß dr Mot nit sinke...

 

3. Beim Bade spart dä Pitter

ne janze Püngel Jeld.

denn litt hä en dr Wann,

es die ald usjefüllt.

Keine Emmer Wasser mih

en de Wann renn paß,

wat im dann noch zom bade bliev,

jeiht en en kleine Taß.

 

Kumm loß dr Mot nit sinke...

 

4. Beim Aufzochfahre kritt dr Pitter

immer weiche Knee,

denn vum letzte Mol deiht

im die Fott noch wih.

Hä hat dat Scheld wohl üvversin:

6 Zentner - un nit mih!

Kladaradatsch! Dä Aufzoch jingk

samp Pitter en de Knee.

 

Kumm loß dr Mot nit sinke...

 

5. Dat Leibjerech vum Pitter

hät 10 bes 20 Jäng,

wat nit op singe Teller paß,

dat nemb hä en de Häng.

Ähze, Bunne Linse -

Hämmcher, Quallmann, Speck,

donoh noch Flönz met Öllich,

dat es jet, wat im schmeck.

 

Kumm loß dr Mot nit sinke...

 

6. Neulich meint dr Pitter:

"Ich mach jetz F. D. H!

Vun hück an jitt et nur noch

Knäcke, Klatschkies un Zalat."

Hä stopp dä Klatschkies emmerwies

en singe Buch - oh wieh!

Zom Schluß do woch dä Pitter

schlappe zehn Pund mih.

 

Kumm loß dr Mot nit sinke...

 

Kumm, loss der Mod nit sinke

1. En unsem Huus do wonnt ene Kääl,

dä es esu huh wie breid.

De Pänz do op der Stroß, die brülle:

"Mensch, wat es dä deck!"

Wie drei Zentner Klütte,

su schwer es singe Buch,

wann hä sich op en Parkbank setz,

geiht die tirek zo Bruch.

 

Refrain:

Kumm, loss der Mod nit sinke,

gangk met e Dröppche drinke.

Hau kräftig op de Trumm,

do bes ne echte kölsche Jung.

 

2. Un bruch der Pitter en neue Botz,

es dat en ääns Problem,

denn selvs de größte Nummer

setz im nit grad bequem.

Hä quält sich en die Botz eren,

die Botz weed ganz verschreck:

dat häld de stärkste Botz nit us -

do steiht der Pitter bläck.

 

Kumm, loss der Mod nit sinke...

 

3. Beim Bade spart der Pitter

ne ganze Püngel Geld.

denn litt hä en der Büdd,

es die ald usgeföllt.

Keine Emmer Wasser mih

en die Büdd renpass,

wat im dann noch fört Bade bliev,

geiht en en kleine Tass.

 

Kumm, loss der Mod nit sinke...

 

4. Beim Aufzogfahre kritt der Pitter

immer weiche Kneen,

denn vum letzte Mol deit

im de Fott noch wih.

Hä hatt dat Scheld wall üvversinn:

Sechs Zentner - un nit mih!

Kladaradatsch! Dä Aufzog ging

samp Pitter en de Kneen.

 

Kumm, loss der Mod nit sinke...

 

5. Dat Leibgereech vum Pitter

hät 10 bes 20 Gäng,

wat nit op singe Teller pass,

dat nimmp hä en de Häng.

Ääze, Bunne Linse -

Hämmcher, Quallmann, Speck,

donoh noch Flönz met Öllig,

dat es jet, wat im schmeck.

 

Kumm, loss der Mod nit sinke...

 

6. Neulich meint der Pitter:

"Ich maach jetz F. D. H!

Vun hügg an gitt et nor noch

Knäcke, Klatschkis un Salat."

Hä stopp der Klatschkis emmerwies

en singe Buch - oh wih!

Zom Schluss do woog der Pitter

schlappe zehn Pund mih.

 

Kumm, loss der Mod nit sinke...

 

Komm, lass den Mut nicht sinken

1. In unserem Haus wohnt ein Kerl,

der ist so hoch wie breit.

Die Kinder auf der Straße brüllen:

"Mensch, was ist der dick!"

Wie 3 Zentner Brikett,

so schwer ist sein Bauch,

wenn er sich auf eine Parkbank setzt,

geht die direkt zu Bruch.

 

Refrain:

Komm lass den Mut nicht sinken,

geh mit ein Tröpfchen trinken.

Hau kräftig auf die Trommel

du bist ein echt kölscher Junge.

 

2. Und braucht Peter eine neue Hose,

ist das ein ernstes Problem,

denn selbst die größte Nummer

sitzt ihm nicht gerade bequem.

Er quält sich in die Hose hinein,

die Hose wird ganz erschreckt:

das hält die stärkste Hose nicht aus -

da steht der Peter nackt

 

Komm lass den Mut nicht sinken...

 

3. Beim Baden spart der Peter

einen ganzen Haufen Geld.

denn liegt er in der Wanne,

ist die schon ausgefüllt.

Kein Eimer Wasser mehr

in die Wanne rein passt,

was ihm dann noch zum Baden bleibt,

geht in eine kleine Tasse.

 

Komm lass den Mut nicht sinken...

 

4. Beim Aufzugfahren bekommt Peter

immer weiche Knie,

denn vom letzten Mal tut

ihm der Hintern noch weh.

Er hat das Schild wohl übersehen:

6 Zentner - und nicht mehr!

Kladaradatsch! Der Aufzug ging

samt Peter in die Knie.

 

Komm lass den Mut nicht sinken...

 

5. Das Leibgericht von Peter

hat 10 bis 20 Gänge,

was nicht auf seinen Teller passt,

das nimmt er in die Hände.

Erbsen, Bohnen Linsen -

Hämmchen, Pellkartoffel, Speck,

danach noch Blutwurst mit Zwiebeln,

das ist etwas, was ihm schmeckt.

 

Komm lass den Mut nicht sinken...

 

6. Neulich meint Peter:

"Ich mache jetzt F. D. H!

Von heute an gibt es nur noch

Knäcke, Quark und Salat."

Er stopft den Quark eimerweise

in seinem Bauch - oh weh!

Zum Schluss wiegt Peter

schlappe zehn Pfund mehr.

 

Komm lass den Mut nicht sinken...