E kölsch Fiakerleed

Wat wor dat doch en Kölle för e Levve,

Als sei noch stund, die ahl, die schön Stadtmoor!

Ming beste Schmeck, die hätt ich dröm gegevve,

Wör noch dat ahle Köln en singem Flor!

Doch hück o jömmich nä, jedwedes Kutscherhätz,

Dat kriesch, un och sie Pääd

dat schött mem Stätz.

 

Refrain:

Klitsch, klatsch, tricke track

Flöck erav dä Fodersack!

Jö, Lottche, jö, treck aan,

Höösch do nit de Pferdebahn?

No kütt jitz zum üvverfluß

Su ne lausige Omelenbus:

Tot, Tö! Klingelingeling!

Löstig sin mer doch

trotz all däm Tingeling!

 

Dat beßchen Brud, wat mer su soor verdeente

En Schnei un Ihs, en Wind, en Kält un Rähn,

Wie de Stadtmoore sei verungeneete,

Do wor uns Elend och ald nit mie fähn;

Die Düvelspädsbahn kohm,

meer wohte lahm gelaht,

No steiht mer dagelang un hät kein Faht:

 

Klitsch, klatsch, tricke track ...

 

Mer Kutscher han an nix et fähle lohße,

Uns Wage fingen ehres Gliche nit;

Doch ston uns Pääd sich lahm bahl

op de Stroße,

Un unserem weiß nit wo't Foder kritt.

Et Pääd, dat friß jo noch,

doch mer verhungeren bahl,

Wör he un do nit ald ens Stadtrotswahl!

 

Klitsch, klatsch, tricke track ...

 

Jo, jo, de Pädsbahn hät et uns verdorve,

Die fäht an jedem Huus bahl op de Läuv,

Fährt Bruckslück un wann einer eß gestorve –

Et weed per Pädsbahn ald sugar gedäuf.

Ich sin et kummen ald,

mer sinn et secher noch:

De Pädsbahn mäht de Fastelovendszog!

 

Klitsch, klatsch, tricke track ...

 

De Konkerrenz, die deiht uns ganz verdränge,

Dat hält es beste Pääd bahl nit mieh uus.

Et neueste, wat et Unglöck uns dhät bränge,

Dat eß 'nen ungeheure Omelenbuß!

No han mer gar nix mih,

mie Lott da friß ald Strüh,

Su geiht et met uns Kutsch're flott perdü!

 

Klitsch, klatsch, tricke track ...

 

Wann dat su vöran geiht, wat sall mer maache,

Mer wand'ren all noch noh Venedig uus.

Anstatt Fiak're kaufe mer uns Naache,

Dann han mer ävver doch der eine Truus:

Et kütt kein Pädsbahn därr,

die sich ehr Schiene läht,

Weil Wasser noch bis jitz kein Balken hät.

 

Klitsch, klatsch, tricke track ...

 

Doch mingen Bock wie künnt ich dä verlohße,

Un och ming Schmeck, die litt am Hätze meer.

Ich fahre Wigger durch de kölsche Strohße

Met mingem Lott, däm Brung, däm treuen Dheer.

Ne kölsche Kutscher

hät och ganz zoletz noch Trump,

Em Nuthfall zeige meer de Schmeckestump:

 

Klitsch, klatsch, tricke track ...

E kölsch Fiakerleed

Wat wor dat doch en Kölle för e Levve,

Als sei noch stundt, die aal, die schön Stadtmoor!

Ming beste Schmeck, die hätt ich dröm gegevve,

Wör noch dat aale Köln en singem Flor!

Doch hügg, o jömmich nä, jedwedes Kutscherhätz,

Dat kriesch, un och si Pääd

dat schött mem Stätz.

 

Refrain:

Klitsch, klatsch, tricke track

Flöck erav dä Foodersack!

Jö, Lottche, jö, treck aan,

Höösch do nit de Pferdebahn?

No kütt jitz zom üvverfluss

Su ne lausige Omelenbus:

Töt, Töt! Klingelingeling!

Löstig sin mer doch

trotz all däm Tingeling!

 

Dat besschen Brud, wat mer su soor verdeente

En Schnei un Ies, en Wind, en Käld un Rähn,

Wie de Stadtmoore sei verungeneete,

Do wor uns älend och ald nit mih fään;

Die Düüvelspäädsbahn kom,

mir woodte lahm gelaht,

No steiht mer dagelang un hät kein Fahrt:

 

Klitsch, klatsch, tricke track ...

 

Mir Kutscher han an nix et fähle looße,

Uns Wage fingen ehres Gliche nit;

Doch stonn uns Pääd sich lahm baal

op de Stroße,

Un unserein weiß nit, wo't Fooder kritt.

Et Pääd, dat friss jo noch,

doch mir verhungeren baal,

Wör hee un do nit ald ens Stadtrodswahl!

 

Klitsch, klatsch, tricke track ...

 

Jo, jo, de Päädsbahn hät et uns verdorve,

Die fährt an jedem Huus baal op de Läuv,

Fährt Bruckslück un wann einer es gestorve –

Et weed per Päädsbahn ald sugar gedäuf.

Ich sinn et kummen ald,

mer sinn et secher noch:

De Päädsbahn mäht der Fastelovendszog!

 

Klitsch, klatsch, tricke track ...

 

De Konkerrenz, die deit uns ganz verdränge,

Dat häld es beste Pääd baal nit mih us.

Et neueste, wat et Unglöck uns dät bränge,

Dat es 'nen ungeheure Omelenbus!

No han mer gar nix mih,

mi Lott, dat friss ald Strüh,

Su geiht et met uns Kutsch're flott perdü!

 

Klitsch, klatsch, tricke track ...

 

Wann dat su vöran geiht, wat soll mer maache,

Mer wanderen all noch noh Venedig us.

Anstatt Fiak're kaufe mer uns Naache,

Dann han mer ävver doch der eine Truus:

Et kütt kein Päädsbahn där,

die sich ehr Schiene läht,

Weil Wasser noch bes jitz kein Balken hät.

 

Klitsch, klatsch, tricke track ...

 

Doch mingen Bock, wie künnt ich dä verlooße,

Un och ming Schmeck, die litt am Hätze mir.

Ich fahre wigger durch de kölsche Stroße

Met mingem Lott, däm Brung, däm treuen Dier.

Ne kölsche Kutscher

hät och ganz zoletz noch Trump,

Em Nudfall zeige mir de Schmeckestump:

 

Klitsch, klatsch, tricke track ...

Ein kölsches Pferdedroschkenlied

Was war das doch in Köln für ein Leben,

Als sie noch stand, die alte, die schöne Stadtmauer!

Meine beste Peitsche, die hätte ich darum gegeben,

Wäre noch das alte Köln in seiner Blüte!

Doch heute, o jemine nein, jedwedes Kutscherherz,

Das weint, und auch sein Pferd

das schüttelt mit dem Schwanz.

 

Refrain:

Klitsch, klatsch, tricke track

Schnell herab den Futtersack!

Jö, Lottchen, jö, zieh an,

Hörst du nicht die Pferdebahn?

Nun kommt jetzt zum überfluss

So ein lausiger Omnibus:

Töt, Töt! Klingelingeling!

Lustig sind wir

doch trotz all dem Tingeling!

 

Das bisschen Brot, was wir so sauer verdienten

In Schnee und Eies, in Wind, in Kälte und Regen,

Als die Stadtmauern sie ruinierten,

Da war unser Elend auch schon nicht mehr fern;

Die Teufelspferdebahn kam,

wir wurden lahm gelegt,

Nun steht man tagelang und hat keine Fahrt:

 

Klitsch, klatsch, tricke track ...

 

Wir Kutscher haben an nichts es fehlen lassen,

Unsere Wagen finden ihres Gleichen nicht;

Doch stehen unsere Pferde sich lahm bald

auf den Straßen,

Und unsereiner weiß nicht, wo es Futter kriegt.

Das Pferd, das frisst ja noch,

doch wir verhungern bald,

Wäre hier und da nicht schon mal Stadtratswahl!

 

Klitsch, klatsch, tricke track ...

 

Ja, ja, die Pferdebahn hat es uns verdorben,

Die fährt an jedem Haus bald auf den Speicher,

Fährt Brautleute und wenn einer ist gestorben –

Es wird per Pferdebahn schon sogar getauft.

Ich sehe es kommen schon,

wir sehen es sicher noch:

Die Pferdebahn macht den Karnevalszug!

 

Klitsch, klatsch, tricke track ...

 

Die Konkurrenz, die tut uns ganz verdrängen,

Das hält das beste Pferd bald nicht mehr aus.

Das neueste, was das Unglück uns tat bringen,

Das ist ein ungeheurer Omnibus!

Nun haben wir gar nichts mehr,

mein Lotte, die frisst schon Stroh,

So geht es mit uns Kutschern flott perdu!

 

Klitsch, klatsch, tricke track ...

 

Wenn das so voran geht, was soll man machen,

Wir wandern alle noch nach Venedig aus.

Anstatt Fiaker kaufen wir uns Bötchen,

Dann haben wir aber doch den einen Trost:

Es kommt keine Pferdebahn daher,

die sich ihre Schienen legt,

Weil Wasser noch bis jetzt keine Balken hat.

 

Klitsch, klatsch, tricke track ...

 

Doch meinen Bock, wie könnte ich den verlassen,

Und auch meine Peitsche, die liegt am Herzen mir.

Ich fahre weiter durch die kölschen Straßen

Mit meiner Lotte, dem Braunen, dem treuen Tier.

Ein kölscher Kutscher

hat auch ganz zuletzt noch Trumpf,

Im Notfall zeigen mir den Peitschenstumpf:

 

Klitsch, klatsch, tricke track ...