Kölsche Liedersammlung
Über 15.000 Titel haben wir mittlerweile in unserer Sammlung. Viele Künstler, Bands & Verlage arbeiten daran mit, dass sie ständig wächst.
Aufgeführt werden die Texte 1. als Quelltext, d.h. in der Form, wie sie uns zu Verfügung standen (z.B. als Originaltext, im Booklet einer CD, auf der Website der Künstler, in einem Liederheft oder von einer Audioquelle herausgehört), 2. in der Schreibweisweise der Akademie (Diese unterscheidet sich nicht gravierend von der bis in die 1970er Jahre allgemein gängigen Orthographie. Die Regeln dazu finden Sie unter dem Menupunkt Sprache.) und 3. in der deutschen Übersetzung.
Sollten die Urheber die Veröffentlichung eines Liedtextes nicht gewünscht oder ihr der Verlag nicht zugestimmt haben, so ist der Liedtitel aufgeführt und ein entsprechender Vermerk hinzugefügt.
Trotzdem sind natürlich auch wir nicht vor Fehlern gefeit - sollten Sie also auf eine Ungereimtheit stoßen, was den Text, die Urheber o. ä. angeht, melden Sie sich bitte bei uns.
Wenn Sie selbst Künstler sind und Ihren Songtext hier wiederfinden möchten, nehmen wir gerne alle Texte auf, vorausgesetzt sie sind auf Kölsch oder in einem verwandten rheinischen Dialekt.
Titel | Zesammestonn |
Interpret(en) | Bläck Fööss |
Text | Bernd Antweiler Jörg Schnabel |
Musik | Hans Knipp (1946-2011) Bernd Antweiler Jörg Schnabel |
Erscheinungsjahr | 2002 |
Tonträger | Best of Bläck Fööss ... zum Dräume! (2003) (CD) K - BF 33 (2003) (CD) |
Quelle | www.blaeckfoeoess.de/page-23/page-96/index.html |
Kategorie | Freundschaft & Liebe |
Mit freundlicher Genehmigung der Bläck Fööss, von Hans Knipp und von Jörg Schnabel
Zesammestonn
Keiner weiß, wat morje ess,
uns Zukunf, die ess unjewess.
Wat jestern wor, bringk keiner dir zeröck
Refrain:
Kumm loß mer eimol noch zesammestonn,
Ärm en Ärm, bes dat mer usenanderjonn.
Wenn jeder morje andre Wäje jeiht,
wä weiß, wohin uns all der Wind noch weht.
Nä, wie off hammer op de Uhr jelort
un jedaach, dat en Stund en Iwichkeit dort
jetz, am Ziel he, simmer traurich, ävver frei
och en Iwichkeit jeit vill ze schnell vorbei.
Kumm loß mer eimol noch zesammestonn...
Sähs du m'r hück och wie immer tschüss,
dismol deit et mer wih, zom eeschte Mol richtich wih.
Die Welt ess riesenjroß un zom Jlöck och manchmol klein
irjendwann, do simmer all widder beienein.
Kumm loss mer eimol noch zesammestonn...
C-Teil:
Un ich weiß, do kütt en Zick
do kütt en Zick
wo mir uns widdersinn,
do treffe meer uns all
un schwade vun dä Zick,
wie schön dat doch wor
all die lange Johr.
Kumm loß mer eimol noch zesammestonn...
Zesammestonn
Keiner weiß, wat morge es,
uns Zokunf, die es ungewess.
Wat gester wor, brängk keiner dir zeröck
Refrain:
Kumm loss mer eimol noch zesammestonn,
Ärm en Ärm, bes dat mer usenandergonn.
Wann jeder morge andre Wäge geiht,
wä weiß, wohin uns all der Wind noch weht.
Nä, wie off han mer op de Uhr geloot
un gedaach, dat en Stund en Iwigkeit doot
jetz, am Ziel hee, sin mer traurig, ävver frei
och en Iwigkeit geiht vill ze schnell vörbei.
Kumm loss mer eimol noch zesammestonn ...
Sähs do mer hügg och wie immer tschüss,
dismol deit et mer wih, zom eeschte Mol richtig wih.
Die Welt es riesengroß un zom Glöck och manchmol klein
irgendwann, do sin mer all widder beienein.
Kumm loss mer eimol noch zesammestonn ...
C-Teil:
Un ich weiß, do kütt en Zigg
do kütt en Zigg
wo mir uns widdersinn,
do treffe meer uns all
un schwaade vun dä Zigg,
wie schön dat doch wor
all die lange Johr.
Kumm loss mer eimol noch zesammestonn...
Zusammen stehen
Keiner weiß, was morgen ist,
unsere Zukunft, die ist ungewiss.
Was gestern war, bringt keiner dir zurück
Refrain:
Komm lass uns einmal noch zusammen stehen,
Arm in Arm, bis dass wir auseinander gehen.
Wenn jeder morgen andere Wege geht,
wer weiß, wohin uns alle der Wind noch weht.
Nein, wie oft haben wir auf die Uhr geschaut
und gedacht, dass eine Stunde eine Ewigkeit dauert
jetzt, am Ziel hier, sind wir traurig, aber frei
auch eine Ewigkeit geht viel zu schnell vorbei.
Komm lass uns einmal noch zusammen stehen...
Sagst du mir heute auch wie immer tschüss,
diesmal tut es mir weh, zum ersten Mal richtig weh.
Die Welt ist riesengroß und zum Glück auch manchmal klein
irgendwann, da sind wir alle wieder beieinander.
Komm lass uns einmal noch zusammen stehen...
C-Teil:
Und ich weiß, da kommt eine Zeit
da kommt eine Zeit
wo wir uns wiedersehen,
da treffen wir uns alle
und schwatzen von der Zeit,
wie schön das doch war
all die langen Jahr.
Komm lass uns einmal noch zusammen stehen...