Mir laufe

Jedes Johr läuf dat Theater koot vör Hillichovend an

nur noch an Jeschenke denke un ald widder su spät dran

wammer nit met leere Hängk dann unger'm Bäumche lande well

hilf och jakei Lamentiere – ren en dat Adventsjewöhl!

 

Mir kaufe dausend Dübel för dä Dieter, dat hä wigger werke kann

Wandteller met Bärentöter för dr Nohber nevvenan

Oma kritt e Perlekettche wunderbar wie jedes Johr

Häkeldeckche för et Nettche, Spängche för däm Hanna sing Hoor

un de Uhr es nit ze stoppe, ielich läuf de Zick uns fott

jlich es Hillichovend do, boh Jung, dat määt uns noch kapott

 

Jo mir laufe, laufe, laufe öm noch flöck jet enzekaufe

mir renne, renne, renne un mir kaufe wat mr künne

mir jöcke, jöcke, jöcke wie die Jecke durch de Stadt

un schleppe wie die Deppe - Mann, die Fööss, die weeden platt

Hektik, Ärjer, Mareping un Stress – Frohes Fess!!

 

Mir kaufe paar Pralincher för et Paula, die es suwiesu ze deck

Florian kritt Filzpantuffele, Sarah e Salatbesteck

Kuckucksührche made en Hongkong för dä Kurt us Klettenberch

neue Schlips för Schwager Stefan, Jabi kritt ene Jaadezwerch

un de Uhr es nit ze stoppe, ielich läuf de Zick uns fott

jlich es Hillichovend do, boh Jung, dat määt uns noch kapott

 

Jo mir laufe, laufe …

Japapapa ...

 

Jedes Johr läuf dat Theater, nix jefunge för de Frau

hät doch suwiesu schon alles – kritt se halt en Fläsch Schabau

die wor eijentlich för minge allerbeste Fründ, dä Fritz

doch dä hät bestemp doch selver dat Jeschenk för mich verschwitz

un de Uhr es nit ze stoppe, ielich läuf de Zick uns fott

jlich es Hillichovend do, boh Jung, dat määt uns noch kapott

 

Jo mir laufe, laufe …

Täsche voll un Jeld es futsch – Juten Rutsch!!

 

 

Mir laufe

Jedes Johr läuf dat Theater koot vör Helligovend aan.

Nor noch an Geschenke denke un ald widder su späd draan.

Wa' mer nit met leere Häng dann ungerm Bäumche lande well,

hilf och gar kei Lamentiere – ren en dat Adventsgewöhl!

 

Mir kaufe dausend Dübbele för dä Dieter, dat hä wigger werke kann,

Wandteller met Bärentöter för der Nohber nevvenaan.

De Oma kritt e Päälekettche wunderbar wie jedes Johr.

Häkeldeckche för et Nettche, Spängche för däm Hanna sing Hoor

un de Uhr es nit ze stoppe, ielig läuf de Zigg uns fott.

Glich es Helligovend do, boh Jung, dat mäht uns noch kapodd.

 

Jo mir laufe, laufe, laufe öm noch flöck jet enzekaufe.

Mir renne, renne, renne un mir kaufe, wat mer künne.

Mir jöcke, jöcke, jöcke wie de Jecke durch de Stadt

un schleppe wie de Deppe - Mann, de Föß, die weede platt.

Hektik, Ärger, Mageping un Stress – Frohes Fess!!

 

Mir kaufe paar Pralincher för et Paula, dat es suwiesu ze deck.

Der Florian kritt Filzpantuffele, et Sarah e Salatbesteck.

Kuckucksührche made en Hongkong för dä Kurt us Klettenberg.

Neue Schlips för der Schwoger Stefan, et Gabi kritt ene Gaadezwerg

un de Uhr es nit ze stoppe, ielig läuf de Zigg uns fott.

Glich es Helligovend do, boh Jung, dat mäht uns noch kapodd.

 

Jo mir laufe, laufe …

Japapapa ...

 

Jedes Johr läuf dat Theater, nix gefunge för de Frau.

Hät doch suwiesu ald alles – kritt se halt en Fläsch Schabau.

Die wor eintlich för minge allerbeste Fründ, dä Fritz,

doch dä hät bestemmp doch selver dat Geschenk för mich verschwetz

un de Uhr es nit ze stoppe, ielig läuf de Zigg uns fott.

Glich es Helligovend do, boh Jung, dat mäht uns noch kapodd.

 

Jo mir laufe, laufe …

Täsche voll un Geld es futsch – Guten Rutsch!!

 

 

 

 

 

 

Wir laufen

Jedes Jahr läuft das Theater kurz vor Heiligabend an,

nur noch an Geschenke denken und schon wieder so spät dran.

Wenn man nicht mit leeren Händen unterm Bäumchen landen will,

hilft auch gar kein Lamentieren - hinein in das Adventsgefühl.

 

Wir kaufen tausend Dübel für den Dieter, damit er weiter werkeln kann,

Wandteller mit Bärentöter für den Nachbarn nebenan.

Oma bekommt eine Perlenkette, wunderbar, wie jedes Jahr,

Häkeldecke für Annette, Spangen für Hannas Haare.

Und die Uhr ist nicht zu stoppen, eilig läuft die Zeit uns fort,

gleich ist Heiligabend, oh Junge, das macht uns noch kaputt.

 

Ja, wir laufen, laufen, laufen, um noch schnell was einzukaufen,

wir rennen, rennen, rennen und wir kaufen, was wir können.

Wir flitzen, flitzen, flitzen, wie die Narren durch die Stadt

und schleppen wie die Deppen - Mann, die Füße werden platt.

Hektik, Ärger, Magenschmerzen, Stress - Frohes Fest!

 

Wir kaufen Pralinen für Paula, die ist sowieso zu dick,

Florian kriegt Filzpantoffeln, Sarah ein Salatbesteck.

Kukucksührchen "Made in Hong Kong, für den Kurt aus Klettenberg,

neuen Schlips für Schwager Stefan, Gabi kriegt einen Gartenzwerg.

Und die Uhr ist nicht zu stoppen, eilig läuft die Zeit uns fort,

gleich ist Heiligabend, oh Junge, das macht uns noch kaputt.

 

Ja, wir laufen, laufen, laufen …

Japapapa ...

 

Jedes Jahr läuft das Theater, nichts gefunden für die Frau,

hat doch sowieso schon alles - bekommt sie halt ne Flasche Schnaps.

Die war eigentlich für meinen allerbesten Freund, den Fritz,

doch der hat bestimmt selbst das Geschenk für mich verschwitzt.

Und die Uhr ist nicht zu stoppen, eilig läuft die Zeit uns fort,

gleich ist Heiligabend, oh Junge, das macht uns noch kaputt.

 

Ja, wir laufen, laufen, laufen …

Taschen voll und Geld ist futsch - Guten Rutsch!