Caroussellchesleed

Ehr Hähren un Mammsellcher,

Kutt her vun fähns un noh,

Der Mann mem Carussellche,

Pitt-Jüppchen, dä eß doh!

Pitt-Jüppchen drieht am Rädche,

Sing Frau die schleit de Trumm,

De Urgel hält Janettche

Un Settchen de Lavumm,

De Urgel hält Janettche

Un Settchen de Lavumm.

Jedes Pähdche kritt ne Jung,

Füßche, Schimmel, Bläß ov Brung.

Tschimmla, tschimmla, hopsassa,

tchimmla-tschim, Partie!

 

Wann Kirmeß oder Maat eß,

Dann kütt dä Pädchesmann

Met singer gröne Wagekeß

En jedem Dörpche an.

Drus loore, wie de Pürke,

De Kopp un och de Stätz,

Vun all dä hölze Stirke,

We laach uns doh et Hätz,

Vun all dä hölze Stirke,

We laach uns doh et Hätz!

Kinder, Vah un ühm un Möhn,

Roofen, juzen: och we schön!

Tschimmla, tschimmla, hopsassa,

tchimmla-tschim, Partie!

 

Wer nor en Geiß em Ställche,

Un noch vsu ärm eß dran,

Muß Kirmesweck un Geldche

Doch för de Pädcher hann.

Dann, süht hä dat Vergnöge,

Wat et dä Kinder mäht,

Su durch de Looch zu fleege

Op ehrem hölze Päd,

Su durch de Looch ze fleege,

Op ehrem hölze Päd,

Trick dä Ahl der letzte Fuß

Us dem Wammes noch eruus.

Tschimmla, tschimmla, hopsassa,

tchimmla-tschim, Partie!

 

Doh sitz als we ne Ritter,

Un hinger sich de Mahd,

Dä Meisterknääch, der Pitter,

Gar stolz op singem Päd

Se hält inn faß ömschlunge,

Hä stich met singer Lanz

Vor all dä andre Junge

Grad mezzen durch der Kranz,

Vor all dä andre Junge

Grad mezzen durch der Kranz!

Un dat Kohstalls-Annemarie

Juhz un hält der Pries en de Hüh:

Tschimmla, tschimmla, hopsassa,

tchimmla-tschim, Partie!

 

Hätt Jüppche voll et Büßche

Un eß de Kirmes us,

Spazeere Schimmel,

Füßche ruh en ehr holzen Huus.

De Jungen un de Mädcher,

De sinn wahl ärg bedröv,

Bes Jüppche met de Pädcher

Zorn Abschied inne rööf,

Bes Jüppche met de Pädcher

Zorn Abschied inne rööf:

Kumm' ich widder met Bläß un Brung,

Hätt jed' Mädche singe Jung!

Tschimmla, tschimmla, hopsassa,

tchimmla-tschim, Partie!

Karussellchesleed

Ehr Häären un Mammsellcher,

Kutt her vun fääns un noh,

Der Mann mem Carussellche,

Pitt-Jüppchen, dä es do!

Pitt-Jüppchen driht am Räddche,

Sing Frau die schleiht de Trumm,

De Urgel häld Janettche

Un Settchen de Lavumm,

De Urgel hält Janettche

Un Settchen de Lavumm.

Jedes Päädche kritt ne Jung,

Füssche, Schimmel, Bläss ov Brung.

Tschimmla, tschimmla, hopsassa,

tchimmla-tschim, Partie!

 

Wann Kirmes oder Maat es,

Dann kütt dä Päädchesmann

Met singer gröne Wagekess

En jedem Dörpche an.

Drus loore, wie de Pürke,

De Köpp un och de Stätz,

Vun all dä hölze Stirke,

Wie laach uns do et Hätz,

Vun all dä hölze Stirke,

Wie laach uns do et Hätz!

Kinder, Va un ühm un Möhn,

Rofen, juuzen: och wie schön!

Tschimmla, tschimmla, hopsassa,

tchimmla-tschim, Partie!

 

Wä nor en Geiß em Ställche,

Un noch ’su ärm es dran,

Muss Kirmesweck un Geldche

Doch för de Päädcher han.

Dann, süht hä dat Vergnöge,

Wat et dä Kinder mäht,

Su durch de Looch zu fleege

Op ehrem hölze Pääd,

Su durch de Looch ze fleege,

Op ehrem hölze Pääd,

Trick dä Aal der letzte Fuss

Us dem Wammes noch eruus.

Tschimmla, tschimmla, hopsassa,

tchimmla-tschim, Partie!

 

Da sitz als wie ne Ritter,

Un hinger sich de Mäd,

Dä Meisterknääch, der Pitter,

Gar stolz op singem Pääd

Se häld in fass ömschlunge,

Hä stich met singer Lanz

Vör all dä and’re Junge

Grad medden durch der Kranz,

Vör all dä and’re Junge

Grad medden durch der Kranz!

Un dat Kohstalls-Annemarie

Juuz un häld der Pries en de Hüh:

Tschimmla, tschimmla, hopsassa,

tchimmla-tschim, Partie!

 

Hät Jüppche voll et Büschen

Un es de Kirmes us,

Spazeere Schimmel,

Füssche ruh en ehr hölzen Huus.

De Jungen un de Mädcher,

De sin wall ärg bedröv,

Bes Jüppche met de Päädcher

Zom Abschied inne röf,

Bes Jüppche met de Päädcher

Zom Abschied inne röf:

Kumm' ich widder met Bläss un Brung,

Hät jed' Mädche singe Jung!

Tschimmla, tschimmla, hopsassa,

tchimmla-tschim, Partie!

Karussellchenlied

Ihr Herren und Mammsellchen,

Kommt her von fern und nah,

Der Mann mit dem Karussellchen,

Peter-Josef, der ist da!

Peter-Josef dreht am Rädchen,

Seine Frau die schlägt die Trommel,

Die Orgel hält Janettchen

Und Elisabethchen das Tamburin,

Die Orgel hält Janettchen

Und Elisabethchen das Tamburin,

Jedes Pferdchen kriegt einen Jungen,

Füchschen, Schimmel, Blässe oder Brauner.

Tschimmla, tschimmla, hopsassa,

tchimmla-tschim, Partie!

 

Wenn Kirmes oder Markt ist,

Dann kommt der Pferdchenmann

Mit seiner grünen Wagenkiste

In jedem Dörfchen an.

Draus schauen, wie de Perücken,

Die Köpfe und auch der Schwanz,

Von all den hölzernen Sterken,

Wie lacht uns da das Herz,

Von all den hölzernen Sterken,

Wie lacht uns da das Herz,

Kinder, Vater und Onkel und Tante,

Rufen, jauchzen: ach wie schön!

Tschimmla, tschimmla, hopsassa,

tchimmla-tschim, Partie!

 

Wer nur eine Geiß im Ställchen,

Und noch so arm ist dran,

Muss Kirmesweck und Geldchen

Doch für die Pferdchen haben.

Dann, sieht er das Vergnügen,

Was es den Kindern macht,

So durch die Luft zu fliegen

Auf ihrem hölzernen Pferd,

So durch die Luft zu fliegen

Auf ihrem hölzernen Pferd,

Zieht der Alte den letzten Fuchs

Aus dem Wams noch heraus.

Tschimmla, tschimmla, hopsassa,

tchimmla-tschim, Partie!

 

Da sitzt so wie ein Ritter,

Und hinter sich die Magd,

Der Meisterknecht, der Peter,

Gar stolz auf seinem Pferd

Sie hält in fest umschlungen,

Er sticht mit seiner Lanze

Vor all den anderen Jungen

Gerade mitten durch den Kranz,

Vor all den anderen Jungen

Gerade mitten durch den Kranz,

Und die Kuhstalls-Annemarie

Jauchzt und hält den Preis in die Höhe:

Tschimmla, tschimmla, hopsassa,

tchimmla-tschim, Partie!

 

Hat Josef voll das Büschen

Und ist die Kirmes aus,

Spazieren Schimmel,

Füchschen ruhig in ihr hölzernes Haus.

Die Jungen und die Mädchen,

Die sind wohl sehr betrübt,

Bis Josef mit den Pferdchen

Zum Abschied ihnen ruft,

Bis Josef mit den Pferdchen

Zum Abschied ihnen ruft,

Komme ich wieder mit Blässe und Braunem,

Hat jedes Mädchen seinen Jungen!

Tschimmla, tschimmla, hopsassa,

tchimmla-tschim, Partie!