En d'r Kaygass

En d'r Kaygass Nummero Null

Steiht en steinahl Schull,

Jo do han mer drei uns Kinderzick verbraht.

Unse Lehrer, dä heeß Welsch,

Un sing Sproch wor unverfälsch,

Jedes Woot dat wor ech Kölsch,

wann hä get saht.

Doch et wor im ganz egal

Ob meer get leeten oder nit un hä säht:

›Et kütt doch alles wie et kütt!

Wenn Ehr späder get nit weßt,

wenn üch einer get frög

Jo, dann saht ihm einfach die Wööt:

 

Refrain:

Nä, nä, dat wesse mer nit mieh,

Ganz bestemmb nit mieh,

denn mir drei han nit studeet.

Denn mer wore beim Lehrer Welsch en d'r Klass

Un do han mer dat doch nit geleet.

Dreimol Null eß Null bliev Null

Denn mer woren en der Kaygaß en d'r Schull,

Dreimol Null eß Null bliev Null

Denn mer woren en der Kaygaß en d'r Schull! ‹

 

Neulich kräg uns op d'r Stroß

Die Frau Schrubbühl ahn

Un säht: ›Waht, üch drei Kadette zeig' ich ahn!

Uns Marieche sitz zohuus

Un weiß nit her noch hin,

Einer vun üch drei muß doch dä Vatter sin!‹

Jo, dat möht ehr doch noch wesse,

Rechnet flöck die Zick ens noh,

Denn ehr weßt doch ganz genau noch wann et wor!‹

Un do ha'mer eimol hin, eimol her üvverlaht

Un dä Frau ha'mer dann schleeßlich gesaht:

 

›Nä, nä, dat wesse mer nit ...‹

 

Wenn mer drei ens en d'r Kreeg

Marschiere — Jung, dann gitt et Ströpp,

Wer uns en de Quer kütt

schlonn mer zo Karbid!

Denn zo Fooß un och zo Päd

Sin mer drei get wäht

Un em Fleege han mer immer ›sehr got‹ kräht.

Doch wäde m'r ens gefange

Un mer fröch uns krüzz un quer:

›Na, wie steht es denn bei Eurem Militär?‹

Dann hevve m'r de Scholdre

bes üvver d'r Kopp en de Hüh

Un uns Antwoot die bliev die:

 

›Nä, nä, dat wesse mer nit ...‹

 

En der Kaygass

En der Kaygass Nummero Null

Steiht en steinaal Schull,

Jo, do han mer drei uns Kinderzigg verbraht.

Unse Lehrer, dä heeß Welsch,

Un sing Sproch wor unverfälsch,

Jedes Wood, dat wor ech Kölsch,

wann hä jet saht.

Doch et wor em ganz egal

Ov mir jet leeten oder nit un hä säht:

›Et kütt doch alles wie et kütt!

Wann Ehr späder jet nit wesst,

wann üch einer jet frög

Jo, dann saht im einfach die Wööd:

 

Refrain:

Nä, nä, dat wesse mer nit mih,

Ganz bestemmp nit mih,

denn mir drei han nit studeet.

Denn mer wore beim Lehrer Welsch en der Klass

Un do han mer dat doch nit geleet.

Dreimol Null es Null bliev Null

Denn mer woren en der Kaygass en der Schull,

Dreimol Null es Null bliev Null

Denn mer woren en der Kaygass en der Schull! ‹

 

Neulich kräg uns op der Stroß

Die Frau Schrubbühl an

Un säht: ›Waadt, üch drei Kadette zeig ich an!

Uns Marieche sitz zo Hus

Un weiß nit her noch hin,

Einer vun üch drei muss doch der Vatter sin!‹

Jo, dat möht ehr doch noch wesse,

Rechnet flöck die Zigg ens noh,

Denn ehr wesst doch ganz genau noch, wann et wor!‹

Un do ha' mer eimol hin, eimol her üvverlaht

Un dä Frau ha' mer dann schleeßlich gesaht:

 

›Nä, nä, dat wesse mer nit ...‹

 

Wann mer drei ens en der Kreeg

Marschiere — Jung, dann gitt et Ströpp,

Wä uns en de Quer kütt

schlonn mer zo Karbid!

Denn zo Foß un och zo Pääd

Sin mer drei jet wäät

Un em Fleege han mer immer ›sehr god‹ kräht.

Doch wääde mer ens gefange

Un mer frög uns krütz un quer:

›Na, wie steht es denn bei Eurem Militär?‹

Dann hevve mer de Schold're

bes üvver der Kopp en de Hüh

Un uns Antwood, die bliev die:

 

›Nä, nä, dat wesse mer nit ...‹

 

In der Kaygasse

In der Kaygasse Nummero Null

Steht eine steinalte Schule,

Ja, da haben wir drei unsere Kinderzeit verbracht.

Unser Lehrer, der hieß Welsch,

Und seine Sprache war unverfälscht,

Jedes Wort, das war echt Kölsch,

wenn er etwas sagte.

Doch es war ihm ganz egal

Ob wir etwas ließen oder nicht und er sagt:

›Es kommt doch alles, wie es kommt!

Wenn ihr später etwas nicht wisst,

wenn Euch einer etwas fragt

Ja, dann sagt ihm einfach die Worte:

 

Refrain:

Nä, nein, das wissen wer nicht mehr,

Ganz bestimmt nicht mehr,

denn wir drei haben nicht studiert.

Denn wir waren beim Lehrer Welsch in der Klasse

Und da haben wir das doch nicht gelernt.

Dreimal Null ist Null bleibt Null

Denn wir waren in der Kaygasse in der Schule,

Dreimal Null ist Null bleib Null

Denn wir waren in der Kaygasse in der Schule! ‹

 

Neulich kriegte uns auf der Straße

Die Frau Schrubbühl an

Und sagt: ›Wartet, euch drei Kadetten zeige ich an!

Unser Mariechen sitzt zu Hause

Und weiß nicht her noch hin,

Einer von euch dreien muss doch der Vater sein!‹

Ja, das müsstet ihr doch noch wissen,

Rechnet schnell die Zeit mal nach,

Denn ihr wisst doch ganz genau noch, wann es war!‹

Und da haben wir einmal hin, einmal her überlegt

Und der Frau haben wir dann schließlich gesagt:

 

›Nein, nein, das wissen wir nicht ...‹

 

Wenn wir drei mal in den Krieg

Marschieren — Junge, dann gibt es Jungen,

Wer uns in die Quere kommt

schlagen wir zu Karbid!

Denn zu Fuß und auch zu Pferd

Sind wir drei etwas wert

Und im Fliegen haben wir immer ›sehr gut‹ gekriegt.

Doch werden wir mal gefangen

Und man fragt uns kreuz und quer:

›Na, wie steht es denn bei Eurem Militär?‹

Dann heben wir die Schultern

bis über den Kopf in die Höhe

Und unsere Antwort, die bleibt die:

 

›Nein, nein, das wissen wir nicht ...‹