Hadder nit jesin

Hadder nit die Frau jesin, met däm Hot,

met däm Stock, met dä Täsch?

Hadder nit dä Mann jesin, met dä Botz,

met dä Jack un met dä Fläsch?

Hadder nit dä Klein jesin, en däm Kinderware?

Jo, dä es doch jrad he vorbeijefahre.

Hadder nit dä Hungk jesin, ziemlich kräftich,

ohne Ling, met dä Zäng?

Hadder nit dä Jung jesin,

met dä Angs em Jeseech

un wieß wie de Wäng?

Hadder dat dann nit jesin –

dat dä Jung do laufe jing?

 

Jo, de Lück, die luren janit mih su richtich.

Denne fällt och janix nix mih op.

Denne es och nix mih wirklich wichtich.

Sorjen sich nur öm ihre eijene Kopp.

 

Hadder nit jesin,

wie et anjefange hät ze brenne?

Hadder nit jesin,

wä do us dem Hus erus kom un dät renne?

Hadder och noch nit jesin,

wie schon die Flamme schlochen us dem Dach?

Ach so, ihr wort janit doheim,

un et wor och medden en d'r Naach.

Hadder nit jesin,

wä do mem Knöppel zojeschlare hät?

Hadder nit jesin,

wor dä jrön oder rut oder hat dä en Pläät?

Hadder nit jesin,

wä dann einfach afjedröck hät?

Et wör wirklich wichtich

für die Lück he am Stervebett

Hat ehr nit gesinn

Hat ehr nit die Frau gesinn, met däm Hot,

met däm Stock, met dä Täsch?

Hat ehr nit dä Mann gesinn, met dä Botz,

met dä Jack un met dä Fläsch?

Hat ehr nit dä Klein gesinn, en däm Kinderwage?

Jo, dä es doch grad hee vörbeigefahre.

Hat ehr nit dä Hungk gesinn, zemlich kräftig,

ohne Ling, met dä Zäng?

Hat ehr nit dä Jung gesinn,

met dä Angs em Geseech

un wieß wie de Wäng?

Hat ehr dat dann nit gesinn –

dat dä Jung do laufe ging?

 

Jo, de Lück, die luuren gar nit mih su richtig.

Denne fällt och gar nix mih op.

Denne es och nix mih wirklich wichtig.

Sorgen sich nor öm ehre eigene Kopp.

 

Hat ehr nit gesinn,

wie et aangefangen hät ze brenne?

Hat ehr nit gesinn,

wä do usem Hus erus kom un dät renne?

Hat ehr och noch nit gesinn,

wie schon de Flamme schlogen usem Daach?

Ach su, ehr wort gar nit doheim,

un et wor och medden en der Naach.

Hat ehr nit gesinn,

wä do mem Knöppel zogeschlage hät?

Hat ehr nit gesinn,

wor dä grön oder rud oder hatt dä en Pläät?

Hat ehr nit gesinn,

wä dann einfach avgedröck hät?

Et wör wirklich wichtig

för die Lück hee am Stervebedd

Hat er nicht gesehen

Habt ihr nicht die Frau gesehen, mit dem Hut,

mit dem Stock, mit der Tasche?

Habt ihr nicht den Mann gesehen, mit der Hose,

mit der Jacke und mit der Flasche?

Habt ihr nicht den Kleinen gesehen, in dem Kinderwagen?

Ja, der ist doch gerade hier vorbeigefahren.

Habt ihr nicht den Hund gesehen, ziemlich kräftig,

ohne Leine, mit den Zähnen?

Habt ihr nicht den Jungen gesehen,

mit der Angst im Gesicht

und weiß wie die Wände?

Habt ihr das denn nicht gesehen –

dass der Junge da laufen ging?

 

Ja, die Leute, die schauen gar nicht mehr so richtig.

Denen fällt auch gar nichts mehr auf.

Denen ist auch nichts mehr wirklich wichtig.

Sorgen sich nur um ihren eigenen Kopf.

 

Habt ihr nicht gesehen,

wie es angefangen hat zu brennen?

Habt ihr nicht gesehen,

wer da aus dem Hause heraus kam und rannte?

Habt ihr auch noch nicht gesehen,

wie schon die Flamme schlugen aus dem Dach?

Ach so, ihr wart gar nicht daheim,

und es war auch mitten in der Nacht.

Habt ihr nicht gesehen,

wer da mit dem Knüppel zugeschlagen hat?

Habt ihr nicht gesehen,

war der grün oder rot oder hatte der eine Glatze?

Habt ihr nicht gesehen,

wer dann einfach abgedrückt hat?

Es wäre wirklich wichtig

für die Leute hier am Sterbebett