Advent, Advent ...

... ein Lichtlein brennt ...

Et es ald widder su wigg!

Noch e paar Woche, dann es et Johr 2022 eröm. Mer maachen all e klein Püüsje, för an all die Lück zo denke, die mer gään han, die mer vermesse, ov die mer ald lang nit mih gesinn han. Loot uns fruh dodrüvver sin, dat mer gesund sin und loot uns mem Hätze bei denne Lück sin, denne et nit esu god geiht. 
Dis Johr hät en Bänd 50 Jöhrcher om Liev – mer spreche vun de Höhner. Un mer all wesse, se han e Püngel Weihnachtsleedcher zosammegeknuuv. Die mööchte mer Üch em Advenskalender präsenteere.  
Ävver dat es noch nit alles: Et Elfi Steickmann un der Wolfgang Nagel han „De Schöpfungsgeschich“ neu opgelaht un engesproche. Sibbe Deile sin et gewoode un die han mer för Üch met en den Adventskalender erengepack. Loot Üch üvverrasche, hinger welchem Dürche se ligge – dat weed nit verrode.